Mistari Maarufu ya Biblia kutoka EFESO 1

Shirikisha

Au e 'talo ke ma'tala otou mafaufau, ke matea ne koutou tona mainaga, ko te mea ke iloa ne koutou a te fakamoemoega ne kalagagina ei koutou ne ia; ke iloa foki ne koutou a te lasi o fakamanuiaga fakaofoofogina ne folafola ne ia ki ona tino, ke iloa foki te malosi o tona mana i loto i a tatou kola e fakatuanaki, kae e pau faeloa a te malosi tenei i a tatou mo te mana malosi, tela ne fakaaoga ne ia i tena fakatuakega o Keliso mai te mate, kae fakanofo ne ia i tona feitu fakaatamai i te lagi. E sili te pule a Keliso i kona i pule katoa faka te lagi, i fonopule, i malosi mo aliki, e maluga foki i tulaga tāua i te lalolagi nei, e pela foki mo te sua lalolagi.

Ka koi tuai o faite te lalolagi, ko leva ne filifilia tatou ne te Atua ke fai mō ia i a Keliso, ko te mea ke tapu tatou, kae ke se fai mea 'se foki tatou i ona mua. Ne filifilia ne ia tatou i tena loto malie katoatoa ke fai tatou mo ana tama e alatu i a Iesu Keliso.

Ko maua ne tatou a te saolotoga i te mate o Keliso, ko fakamagalo foki otou agasala e pela eiloa mo te lasi o te maumea o tena alofa tauanoa

Ke fakafetai atu tatou ki te Atua te Tamana o te tou Aliki ko Iesu Keliso, tela ne fakamanuia mai ki a tatou e alatu i a Keliso i fakamanuiaga kesekese faka te Agaga ne aumai mai te lagi.