Mistari Maarufu ya Biblia kutoka 1 KOLINITO 3

Shirikisha

E iloa tonu eiloa ne koutou, me i a koutou ko te fale tapu o te Atua, kae ola foki i loto i a koutou a te Agaga o te Atua!

I te mea, ko leva ne fakatakato ne te Atua a te fakavae ko Iesu Keliso, ko te fakavae tonu eiloa tena e tasi, kae seai ake foki eiloa se isi fakavae e 'tau o toe fakatakato.

A te tino tela ne toki ne ia te fuaga mo te tino foki tela ne fakasiusiu ne ia, e se tāua. Ko te Atua eiloa e tāua me ne fakaola ne ia ke ola te lakau.

Me i a maua ne tino faigaluega, e ga'lue fakatasi mō te Atua, ka ko koutou se fatoaga a te Atua. A koutou foki ko te fale tapu o te Atua.

Ka lavea te tāua o galuega a te tino, manafai ko fakaasi mai ne te Aso o Keliso. Me i te afi o te fakamasinoga i te Aso tena, ka fakaasi mai katoa ne ia a galuega a tino katoa; ka tofotofo ne te afi kae fakaasi mai foki tena aoga tonu.

E seai se kesega o te tino tela ne toki ne ia te fuaga mo te tino tela ne fakasiusiu ne ia; kae ka maua te 'togi o galuega a maua, e fakatau ki te fua o te galuega a te tino ne fai.

Ke se taku fakavalea ifo a te tino ki a ia eiloa. Kafai se tino i a koutou e mafaufau ake pela i a ia se tino poto i mea faka te lalolagi, e 'tau o fai mo vale, ko te mea ke poto.