Mistari Maarufu ya Biblia kutoka Римлилеге 3

Shirikisha

Барысы да, гюнях этип, Аллахны махтауундан къуру къалгъандыла. Адамла Масих Иссада жулунуулары бла, Аллахны шафауаты бла хакъсыз ариуланадыла.

Аллах адамланы Масих Иссагъа ийнаныулары бла ариулайды. Муну ийнаннганланы барына да эм барында да этеди. Нек десегиз адам айырыу жокъду.

Аллах Масихни, Аны къанына ийнаныуубуз бла гюняхларыбызны кечдирген къурманнга бергенди эм алай бла Кесини тюзлюгюн кёргюзтгенди. Нек десегиз Аллах, бизге тёзюп, алгъын этген гюняхларыбызны кечгенди. Ол муну, тюзлюклю болгъаны ючюн эм Иссагъа ийнаннганны ариулар ючюн, бусагъат заманда Кесини тюзлюгюн кёргюзтюр ючюн этгенди.

Ол себепден Законну буюргъанларын этиу бла, Аллахны аллында, бир адам да ариуланырыкъ тюйюлдю, нек десегиз гюнях Закон бла билинеди.

Китапда жазылгъаны кибик: «Бир да тюзлюклю жокъду; Ангылауу болгъан жокъду; бир киши да Аллахны излемейди; Бары да жолдан тайгъандыла, бири да къалмай жараусуздула: игилик этген жокъду, жангыз биреу да жокъду».

Нек десегиз адам, Законну буюргъанларын этиу бла тюйюл, ийман бла ариуланнганын биз билебиз.

Чыртда угъай! Хар адам ётюрюкчю эсе да, Аллахны тюз сёзлю болгъаны билинсин, Китапда: «Сен сёзлерингде тюзлюклю чыгъарыкъса эм сюдюнгде хорларыкъса», – деп жазылгъаны кибик.