Mistari Maarufu ya Biblia kutoka I Петер 3

Shirikisha

Раббий Аллахны жюреклеригизде сыйлы тутугъуз. Сизни Аллахха ышаныуугъузну юсюнден сизге соруп билирге излеген хар адамгъа сабырлыкъ бла эм хурметлик бла жууап берирге хар заманда хазыр болугъуз. Аманлыкъчылагъа кибик, сизге аман айтханла, сизни Масихде огъурлу жашауугъузну айыплагъанла кеслери уялыр ючюн тюз ниетли болугъуз.

Нек десегиз Раббийни кёзлери тюзлюклюлеге, Аны къулакълары да аланы тилеклерине айланыпдыла; аманлыкъ этгенлеге уа Раббийни бети къажауду».

Сизни айбатланыуугъуз тыш сыфатыгъыздан, чачларыгъызны эшгенигизден, алтын затланы такъгъаныгъыздан неда омакъ кийим кийгенигизден эсе, Жууаш эм сабыр халыгъызда, жюрегигиздеги таша адамыгъызны ёмюрде да кетмезлик ариулугъу бла болсун. Ол а Аллахны аллында бек багъалыды.

Ол себепден «жашау сюйген эм огъурлу кюнле кёрюрге сюйген адам аман сёзледен тилин тыйсын, фитна сёзледен ауузун тыйсын, Аманлыкъдан бир жанына турсун эм ахшылыкъ этсин, жарашыулукъ излесин эм аны ючюн кюрешсин.

Ахырында, барыгъыз да бир акъыллы, жазыкъсыныучу, къарындаш сюйюучю, жумушакъ жюрекли, шуёхлукъну сюйюучю, сабыр акъыллы болугъуз. Аманлыкъгъа аманлыкъ бла неда аман сёзге аман сёз бла жууап этмегиз. Ол угъай эсенг, алгъыш этигиз; нек десегиз сиз алгъышлы болургъа чакъырылгъансыз.

Сора сизге ким аманлыкъ этерикди, сиз ахшылыкъ этерге эриш болсагъыз?

Аманлыкъдан бир жанына турсун эм ахшылыкъ этсин, жарашыулукъ излесин эм аны ючюн кюрешсин.

Аллах алай буюргъан эсе, аман ишле ючюн азап чекгенден эсе, ахшы ишле ючюн азап чекген игиди.