Mistari Maarufu ya Biblia kutoka Mark 13

Shirikisha

Ked lawingon chikayu kan cha losan un tagu gapu kan sakon. Ngim lu silu mangipapati si pammatila kan sakon inggalà alungusla, chicha matatagu ing-inggala.”

Man-alled kayu mansagala ti achipunyu ammu lu chumtong chi hachiʼn timpu.

Ked lu chokmaancha chikayu ya michiɏum kayu si korti, achi kayu machalagen si isongbyatyu, ti mipakaammu kan chikayu ustuʼn ibyegayu. Ti chakampun kan chikayu meɏpuwan chi ibyegayu, ti ha Ispiritun Apudyus chi mangipaspasmok kan chikayu.

Maumas losan cha awed langit ya utla pita ngim ha ugudku achipun pulus maumas.”

Ot kalan bo Jesus, “Lappun mangagammu si hachiʼn eɏgew willu uras, ulay cha angheles ud langit ya ulay sakon un Alak Apudyus, ngim abus si Ama sintagammu.

Ked lu chongɏonyu cha manggugubyat, ya chameg un langgugubyat si uchum un ili, achi kayu umogyat. Ti masapuɏʼn makwa katchi, ngim chaampun chi alungus chi lubung.

Katchi boʼn mansasaggala kayu ti achipunyu ammu uras un mangulilan chi Apu, maschom willu gawan labi, chokak tullakok, willu bigbigat. Mansasaggala kayu ti lu mangulilak achipunku otyan maochesan chikayu un masusuyop. Ha ibyegak kan chikayu, ked ibyegak kan cha losan un tagu: Sasaggalaonyu!”

Ti manggugubyat cha nasyun, ya manggugubyat bo cha iturayan cha ari. Ked lumoswa cha chita ya uɏat si cha kailiili. Ngim cha laoy siya mallugiyan cha ligligat un isun chi sumigabyen chi buwang chi byebyai un allaʼn umalak.

Masapuɏʼn umun-ula mibyegbyega chi Bibiɏuʼn Chameg kan cha losan un tagu si ili-ili.

Achu cha umali un us-useɏoncha ngachenku un kangkalancha, ‘Sakon si Kristu!’ ked achu cha allilawoncha.

“Ngim allechenyu. Ti chokmaan chikayu ked ichiɏum chikayu si korti, ked saplitancha chikayu si sinagoga. Ked mipasangu kayu si cha turay ya cha Ari mipagapu kan sakon, ta hachi wayayu un mangibyega si Bibiɏuʼn Chameg kan chicha.

Ti lumoswa tuntulli un Kristu ya tuntulli un propeta. Mangipailacha si mangilasilan ya lakaskaschaaw ta mangallilawcha kan cha taguʼn pililiyan Apudyus.

Intuɏuy Jesus un ibyega, “Si hachiʼn eɏgew, lu lagamput chi amod un ligat, gumikbot chi ilit ya achipun sumeɏeg. “Man-odcheg cha bituwon un lampeɏpuʼd langit ya mikilug cha losan un pallakabyelin ud langit.