Mistari Maarufu ya Biblia kutoka Lukə̀ 3

Shirikisha

Nkwùə̀ nɨ Jònə à lə̀ myàanə̀nə a nɨ ŋâ àkẅiirə̀ nchyə ambo ŋwùə̀ ntsùmə̀, à lə̀ kɨ ŋŋâ àkẅiirə̀ nchyə ambo Yěsû. Tsaʼnə Yěsû à lə̀ tyiʼnə mmə nchàʼtə̀ a Nẅùə̀, nɨ̀pwuurə̀ lə̀ nyaʼkə̀, Àzhwùə̀ Nẅùə̀ a furə̀ a nɨ̀pwuurə̀ tsaʼa àlwuʼə̀ nshwuʼə̀ ntəəmə̀ a àtwuə̀ ze, ngyə̀ ɨ̀ furə̀ a nɨ̀pwuurə̀ nshwəŋə̀ lo, “Ghò la moonə̀ mə̀ nɨ ǹkòŋə̀nə, ngwə̀ nɨ nɨ̀ghaʼà mbə̀ʼə o.”

Jònə a kẅùə̀ ambo pobə pɨ̀tsùmə̀ lo, “Ngwə̀ ŋŋâ a wɨghə nɨ àkẅiirə̀ nchyə nɨ nchyə, la ghùtse nɨ à tsàarə̀nə mə̀ ǎ tô, mbə ẅùə̀ nɨ ka ǹkùʼnə̀ mə̀ a nɨ kyàatə̀ mɨnkirə mɨ atabə ɨ̀me. Ǎ ŋâ a wɨghə nɨ àkẅiirə̀ nchyə nɨ Àzhwùə̀ Nẅùə̀ ghobə ɨ̀mǔ.

Nɨ̀ zumə̀ mɨ̀ntàamə amwuə nɨ̀chyə̂mbyə̂ ɨwɨghə a nɨ nèrə̀ lo nɨ̀ pə̀ŋə̀ aŋunə tɨ̀pòŋə̀ ɨwɨghə. Kò nɨ̀ shwəŋə̀ amwuə mɨ̀ntɨŋmə̀ ɨ̀mɨghə lo, ‘Pəə pə̀ nɨ Abràhamə̀ tsaʼa tǎ ɨwəə.’ Ǹtiitə̀ a wɨghə lo mbə̀ʼə Nẅùə̀ a pə̀ʼkə̀ mɨ̀ghòorə mə aŋunə ɨ̀poonə̀ ambo Abràhamə̀.

Ndzaamə ɨ̀ zə ntyiʼə̀ aŋunə mɨŋaŋə a nɨ tserə̀ àtɨ̀ghə àtsùmə̀ nɨ ka à pə zumə̀ e mɨ̀ntàamə mɨ̀shìʼnə̀ màʼà amwuə ɨ̀mǔ.”

Tyìʼə̀ tsaʼnə ngàŋə̀ ntwuumə̀ Nẅùə̀ Ìsayà à lə̀ ŋwàʼnə̀nə lo, “Ŋònə̀ ɨ̀tse à wə̀ nkyiinə̀ amwuə àlaʼà waakə nshwəŋə̀ lo, ‘Tsùŋə̀ àlàŋə ambo Ndòʼnə̀mbyə̂, ngɨ̀rə̀ àlàŋə â təəmə̀ ambo ze. Pɨ ghǎ lẅenə̀ mɨ̀ndòorə̀ mɨ̀tsùmə̀, shwuʼkə̀ mɨ̀mbarə̀ ghobə pɨ̀kòŋə̀ pɨ̀tsùmə̀, shìitə̀ ɨ̀làŋə pɨ̀ŋotə̀nə ɨ̀tsùmə̀, lẅentə̀ ɨ̀làŋə pɨ̀kòtə̀nə ɨ̀tsùmə̀. Lenəla, ŋwùə̀ ntsùmə̀ à ghǎ zəənə̀ a nɨ̀chwarə̀ wa nɨ Nẅùə̀ à wa ndòo ntô la.”