Mistari Maarufu ya Biblia kutoka ᒫᓬᐊᑲᐩ 3

Shirikisha

ᐯ ᐱᑐᑲᑖᐠ ᐊᐢᑖᓱᓂᑲᒥᑯᕽ ᒥᓯᐁᐧ ᐊᓂᒪ ᐯᔭᐠ ᒥᑖᑕᐦᐟ ᐅᐦᒋ, ᒥᒋᐃᐧᐣ ᑭᑕ ᐊᔮᐠ ᓂ ᐋᐧᐢᑳᐦᐃᑲᓂᕽ, ᐁᑯᓯ ᑯᑌᔨᒥᐠ ᐁᐊᐧᑯ ᐅᐦᒋ, ᐃᑌᐧᐤ ᑳ ᑎᐯᔨᐦᒋᑫᐟ ᒥᓯᐁᐧ ᓯᔪᑳᑎᓯᐟ, ᒫᐦᑎ ᐁᑳ ᑫ ᔪᑌᓇᒫᐣ ᐋᐧᓭᓇᒫᐃᐧᓇ ᑭᓯᑯᕽ, ᐁᑯᓯ ᑭᑕ ᓯᑭᓇᒫᑕᑯᐠ ᓴᐁᐧᔨᑖᑯᓯᐁᐧᐣ, ᐁᑳ ᑭᑕ ᑕᐋᐧᐠ ᑭᑕ ᐅᑎᓇᒣᐠ.

ᐁᑯᓯ ᓂ ᑲ ᑭᑐᑖᐤ ᑳ ᑭᑖᓇᐁᐧᐟ ᑭᔭᐋᐧᐤ ᐅᐦᒋ, ᓇᒪᐃᐧᔭ ᒫᑲ ᑭᑕ ᓂᓯᐊᐧᓈᒋᐦᑖᐤ ᑳ ᓂᐦᑖᐃᐧᑭᒋᑫᒪᑲᕽ ᑭᐟ ᐊᐢᑭᐋᐧᐤ; ᓇᒪᐃᐧᔭ ᒥᓇ ᑭ ᓱᒥᓈᑎᑯᐋᐧᐤ ᓄᐦᑕᐤ ᑭᑕ ᐸᐦᑭᑕᑖᐤ ᐅ ᒥᓂᓯᒪ ᑭᐢᑎᑳᓂᕽ, ᐃᑌᐧᐤ ᑳ ᑎᐯᔨᐦᒋᑫᐟ ᒥᓯᐁᐧ ᓯᔪᑳᑎᓯᐟ. ᑲᐦᑭᔭᐤ ᒫᑲ ᓇᓈᑐᑯᐢᑳᐣ ᐊᔨᓯᔨᓂᐊᐧᐠ ᒥᔦᐧᔨᒧᐊᐧᐠ ᑭ ᑲ ᐃᑎᑯᐋᐧᐊᐧᐠ; ᒋᑫᒫ ᑭᑕ ᒥᔦᐧᔨᑖᑲᐧᐣ ᑭᐟ ᐊᐢᑭᐋᐧᐤ, ᐃᑌᐧᐤ ᑳ ᑎᐯᔨᐦᒋᑫᐟ ᒥᓯᐁᐧ ᓯᔪᑳᑎᓯᐟ.

ᐁᐊᐧᑯᓂᐠ ᒫᑲ ᓂ ᑲ ᐊᔮᐋᐧᐊᐧᐠ, ᐃᑌᐧᐤ ᑳ ᑎᐯᔨᐦᒋᑫᐟ ᒥᓯᐁᐧ ᓯᔪᑳᑎᓯᐟ ᐊᓂᒪ ᑭᓯᑳᑭ ᐃᐢᐱ ᒫᐊᐧᓴᑯᓇᒫᓂ ᐊᓂᐦᐃ ᑭᐦᒋ ᓂ ᒫᐊᐧᒋᓱᓂᔮᐁᐧᐃᐧᓇ ᓂ ᑲ ᒪᓈᒋᐦᐋᐊᐧᐠ ᒫᑲ, ᑖᐱᐢᑯᐨ ᐊᔨᓯᔨᓂᐤ ᑳ ᐃᓯ ᒪᓈᒋᐋᐧᐟ ᑎᐱᔭᐤ ᐅᑯᓯᓴ ᑳ ᐊᑐᐢᑳᑯᐟ. ᐁᑲᐧ ᑫ ᐯ ᑭᐁᐧᔦᐠ ᒥᓇ ᑫ ᓂᓯᑕᐃᐧᓇᐊᐧᐟ ᑳ ᑲᐧᔭᐢᑭᑖᑎᓯᐟ ᒥᓇ ᑳ ᒪᒑᔨᐃᐧᐟ, ᐊᓇ ᑳ ᐊᑐᐢᑲᐋᐧᐟ ᑭᓭᒪᓂᑐᐊᐧ ᐊᓇ ᐁᑳ ᑳ ᐊᑐᐢᑲᐋᐧᐟ.

ᒫᑎᑲ, ᓂᐟ ᐃᓯᑎᓴᐋᐧᐤ ᓂᐟ ᐊᑐᐢᑫᔮᑲᐣ, ᐁᑯᓯ ᓂ ᑲ ᓂᑳᓂ ᑲᐧᔮᒋᑕᒫᐠ ᒣᐢᑲᓇᐤ; ᐊᓇ ᒫᑲ ᑳ ᑎᐯᔨᐦᒋᑫᐟ ᑳ ᓇᑐᓇᐋᐧᔦᐠ, ᓯᓯᑯᐨ ᑭᑕ ᐅᑎᑕᒼ ᐅ ᑭᐦᒋᐊᔭᒥᐦᐁᐃᐧᑲᒥᐠ; ᑳ ᐊᑐᐢᑫᐢᑕᒪᐋᐧᑕᕽ ᐊᓱᑕᒫᑫᐃᐧᐣ, ᑳ ᒥᔦᐧᔨᒫᔦᐠ, ᒫᑎᑲ ᑭᑕ ᑕᑯᓯᐣ, ᐃᑌᐧᐤ ᑳ ᑎᐯᔨᐦᒋᑫᐟ ᒥᓯᐁᐧ ᓯᔪᑳᑎᓯᐟ.