Mistari Maarufu ya Biblia kutoka ᐃᓯᑭᐁᓬ 18

Shirikisha

ᒋᑫᒫ ᓇᒪᐃᐧᔭ ᓂ ᒥᔦᐧᔨᑌᐣ ᐊᐃᐧᔭᐠ ᑭᑕ ᓂᐱᐟ, ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ; ᑫᐧᐢᑭᐠ ᒫᑲ ᑭᑕ ᐱᒫᑎᓯᔦᐠ.

ᐊᐦᒑᕽ ᑳ ᒪᒋᑐᑕᕽ ᐁᐊᐧᑳᐧᓇ ᑭᑕ ᓂᐱᐤ; ᐅᑯᓯᓯᒫᐤ ᓇᒪᐃᐧᔭ ᑭᑕ ᓇᔭᑕᒣᐧᐤ ᐅ ᒪᒋᐃᑎᐃᐧᓂᔨᐤ ᐅᑖᐃᐧᔭ. ᒥᓇ ᓇᒪᐃᐧᔭ ᐅᑖᐃᐧᒫᐤ ᑭᑕ ᓇᔭᑕᒣᐧᐤ ᐅ ᒪᒋᐃᑎᐃᐧᓂᔨᐤ ᐅᑯᓯᓴ; ᐅ ᑲᐧᔭᐢᑭᑖᑎᓯᐃᐧᐣ ᑲᐧᔭᐢᐠ ᑳ ᐃᑖᑎᓯᐟ ᑭᑕ ᑭᑭᐢᑳᐠ, ᒥᓇ ᐅ ᒪᒋᐃᑎᐃᐧᐣ ᑳ ᒪᒑᔨᐃᐧᐟ ᑭᑕ ᑭᑭᐢᑳᐠ.

ᐁᐧᐱᓇᒧᐠ ᑲᐦᑭᔭᐤ ᑭ ᒪᒋᑐᑕᒧᐃᐧᓂᐋᐧᐊᐧ, ᐃᑕ ᑳ ᑭ ᒪᒋᑐᑕᒣᐠ; ᒥᓇ ᐅᓯᐦᑖᐧᓱᐠ ᐅᐢᑭ ᒥᑌᐦ ᒥᓇ ᐅᐢᑭ ᐊᐦᒑᕽ; ᒋᑫᒫ ᑖᓀᐦᑭ ᑫ ᓂᐱᔦᐠ, ᑭᔭᐋᐧᐤ ᐅ ᐋᐧᐢᑳᐦᐃᑲᐣ ᐃᐢᕒᐁᐃᓬ?

ᓈᐣᑕᐤ ᒋ ᓂᐟ ᐃᓯ ᒥᔦᐧᔨᑌᐣ ᑭᑕ ᓂᐱᐟ ᑳ ᒪᒑᔨᐃᐧᐟ? ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ; ᓇᒪ ᒋ ᓇᐊᐧᐨ ᑭᑕ ᐳᓂᑖᐟ ᐅᐟ ᐃᑖᑎᓯᐃᐧᐣ, ᐁᑯᓯ ᑭᑕ ᐱᒫᑎᓯᐟ?

ᒫᑲ ᑭᐢᐱᐣ ᑳ ᒪᒑᔨᐃᐧᐟ ᐳᓂᑖᒋ ᑲᐦᑭᔭᐤ ᐅ ᒪᒋᑐᑕᒧᐃᐧᓇ ᑳ ᑭ ᐃᑐᑕᕽ, ᒥᓇ ᑲᓇᐁᐧᔨᐦᑕᐦᑭ ᑲᐦᑭᔭᐤ ᓂ ᑲᑫᐢᑫᐧᐃᐧᓇ, ᒥᓇ ᐃᑐᑕᐦᑭ ᐊᓂᒪ ᑳ ᐃᑕᐢᑌᐠ ᐅᔭᓱᐁᐧᐃᐧᐣ ᒥᓇ ᑳ ᑲᐧᔭᐢᑲᐧᕽ, ᐅᐦᒋᑕ ᐱᑯ ᑭᑕ ᐱᒫᑎᓯᐤ, ᓇᒪᐃᐧᔭ ᑭᑕ ᓂᐱᐤ.

ᑳ ᑭ ᒥᑎᒣᐟ ᓂ ᑲᑫᐢᑫᐧᐃᐧᓇ, ᒥᓇ ᑳ ᑭ ᑲᓇᐁᐧᔨᑕᕽ ᓄᔭᓱᐋᐧᓯᐁᐧᐃᐧᓇ, ᑲᐧᔭᐢᐠ ᑭᑕ ᐃᐦᑐᑕᕽ; ᐁᐊᐧᑯ ᑲᐧᔭᐢᑭᑖᑎᓯᐤ, ᑫᒋᓈ ᑭᑕ ᐱᒫᑎᓯᐤ ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ.