Mistari Maarufu ya Biblia kutoka OBADIAH 1

Shirikisha

“Yurru Djurutjalamdja wäŋa yurru yakana buwayakthirri winya'yun, yakana yurru baḏuwaḏuyun warrpam'thun bitjandhiyi, liŋgu märr-ḻurrkun'nha nhina yurru walŋamirrinydja yukurra. Ga ŋunhiyinydjayi wäŋa Djäyandja buku yurru dharrpalnha gal'ŋu, dhärra yukurra yurru ganaŋ'maranharana ŋarrakalayŋuwuna ŋarra yolŋu'-yulŋuwu yana. Yo, ŋunhiyinydjayi wäŋa yurru ŋurikina walalaŋgu ŋunhi walala yarraṯaŋuru beŋuruna Djaykupkalana, gupaḏalnha-wala nhinanydja walala yurru yukurra yana ŋunhiliyi wäŋaŋuranydja.

Liŋgu walu Garraywunydja dhuwala galkina gal'ŋu yanana, galkina ŋayi yurru mala-yarr'yunna marrtji bäpurru'nhanydja miṯtjinhanydja. Yo, Garray waŋana bitjarra, “Yedam, ŋarranydja nhumalanha yurru buma baḏuwaḏuyunna warrpam'thunna, bitjan yana liŋgu bitjarra nhuma bumara baḏuwaḏuyurruna ŋarraku yolŋu'-yulŋunha, nhenydja yurru märrama balanyarayi liŋgu ŋupanayŋuyi yana, bitjarra nhuma djäma yätjkuŋala walalaŋgu.

Nhumanydja dhuwala ḻanydjat-ḏilkurruna, yurru yuwalk nhumanydja mayali'-wilkthunarawuy ŋuriŋi bili nhokalay djarrpi'kunharayu guyaŋinyarayu. Nhenydja yukurra nhina ŋunha be-wala garrwar wal'ŋu, ga wäŋanydja nhuŋu dhärra yukurra wuṉḏaŋarrnha ŋanyana, bitjan guṉḏa. Bala nhuma ŋuli waŋanharamirri nhumalanhay nhuma bitjanmirrina, ‘Ŋarranydja dhuwalanydja, ḏäl warray ŋarra, mirithirri warray, yakana yurru ŋarranhanydja ŋula yolthu warryun galkinyamarama munatha'lilinydja.’

Yo, nhenydja yukurra garrwarkunharamirrina wirrkina wal'ŋu nhunapinyay nhe, ga nhinanydja nhe yukurra bena gärakŋurana, rrambaŋina nhuma ganyu'na walala, yurru ŋarranydja nhuna warryun warray yurru dhipuŋuruyi, galkinyamarama warray,” bitjarra ŋayi Garraynydja waŋana.