Ŋuliŋurunydja ŋayi Djotjipthu garr'yurruna ŋunhi wäwa'mirriŋunhana walalanha, bala gäŋala ga milkuŋala Giŋgalana. Ga ŋunhi ŋayi nhäŋalanydja walalanha, ga ŋäkula ŋunhi walalanydja wäyin-djäkamirri walala, bala yana ŋuriŋiyi Giŋdhunydja walalanha wekaŋala wäŋa ŋunha nhäyika yäku Gutjinbuy, ŋunha bäyma Yetjip muka, liŋgu ŋunhili wäŋaŋura ŋatha yurru ŋuthan guḻku' muka ŋuriki wäyingu walalaŋgu ḻukanharawu. Yuwalkthi Djaykupku miṯtjinydja ŋunhi yolŋunydja walala nhinanana ŋunhimala Gutjinlilinydja, ga dhunupana Djotjipthunydja yukurrana wekaŋala ŋathana nhanukalaŋuwu bäpa'mirriŋuwu ga malawu nhanukalaŋuwu bukmakku.