Mistari Maarufu ya Biblia kutoka Luka 2

Shirikisha

Mat a̱fwun kani, mi̱ Ba̱italami a̱keang a̱gwam Da̱wuda, á̱ byin nyin nggwon, ka̱ yet A̱tyusan! Kikya bu yet Kristi, a̱tyu nang A̱gwaza kup ka tyok a̱ni; kikya bu yet A̱tyoli wu.

A̱wot a̱ta̱m tswa wu si̱ nyia̱ ma̱ng a̱mba, “Nyi yok fa̱k a̱wun bah! N bai ma̱ng a̱nyin A̱sham Nkhang, ka̱ na tyia̱ a̱mgba̱m á̱niet ba a̱gba̱ndang a̱gwai a̱ni!

“Zi̱ dyep A̱gwaza a̱ shya̱ tswazwa a̱ni! A̱wot yok swat nyinyang ku bai da̱ a̱vwuo á̱niet mi̱ swanta ba, nang A̱gwaza fwuong nyinyang mba a̱ni!”

A̱wot Yesu a̱ yet nggwon seam ka a̱ni, si̱ laai a̱ mban mumwang, ma̱ng a̱za. A̱wot A̱gwaza ma̱ng a̱mgba̱m á̱niet ba si̱ fa̱k shok gu.

A̱wot a̱lama a̱ na tyia̱ nyi nfi̱k ka a̱ni, nggu wa yet; nyi na shya̱ nggwon a̱fai nang á̱ kup ka ma̱ng a̱yaatoot lurung nggwon, nang ka̱ myian mi̱ kukwon ka̱u nkyang zwa yak.”

Á̱ ku byia̱ á̱niet chok zón seap ba̱ si̱ khwat mi̱ kyai kpa̱mkpaan ma̱ a̱keang a̱kya; nang ba̱ chok a̱ka̱sorong zón seap mba na a̱tyetuk a̱kya. A̱ta̱m tswa A̱gwaza si̱ kin ghwut a̱ yong kpa̱sai da̱ a̱vwuo mba ma̱ tsi̱m! A̱wot a̱kyenkyai shi A̱gwaza wu si̱ tyia̱ ma̱ mya̱ra̱m a̱ tyong ba a̱ keang; ba̱ si̱ fa̱k a̱wun ba̱t!