Mistari Maarufu ya Biblia kutoka Injil 6: Ruman 12

Shirikisha

Ar ou ḳaraf zomanar talo foṛio na, borong nizor dilor bab bodlaia noya manush o. Teu tumra Allar morzi buzbae. Tan morzi to bala ar furafur nikut, ola ḳorle tain kushi oin.

Erlagi O bai oḳol, Allae tumrare ola meherbani korae, ami tumrare ḳas minoti koriar, tumra zarzir shorilre Allar ato shofi deo, ila zinda fobitro kurbani Allar dorbaro kobul oy, oḳṭa-u oibo tumrar sohi-shuddo ebadot.

Samnor furuskaror ashae hamesha kushi-bashi koro, duḳ-mosiboto sobor ḳoro, hor-hamesha munazat ḳorat ro.

Ḳarafir gese kunumonte-u ario na, borong balare dia ḳarafire arao.

Eḳe-oinnore afon bair laḳan dile-zane maya ḳoro, niz taki oinnore beshi dam deo.

Maya-mohobbotor maze kunu ḳad mishaio na. Ḳarafire ginnao, balair ashik o.

Tumrar torof taki zotoḳan shombob hoḳol manshor loge shantie boshot ḳoro.

O mayar bai oḳol, tumra ḳeuror bodla loio na, ita Allar ato saṛi deo, bodla deoa tan ḳam. Allar kalamo ase, “Naformanir shaza dibar eḳtiar ḳali amar-u ase, zar zela faona ami tare ola bodla dimu, ikan ami Mabude ḳoiram.”

Kezmot ḳamo durbol oio na, ruhre gorom raḳo, malikor gulami korat ro.

Talim dibar lagi Allae amare ze ḳas niamot disoin, ou niamotor bole ami tumra forteḳ zonre ḳoiram, nizore zotoḳan boṛo mono ḳora usit, er saite beshi mono ḳorio na. Allae zare zotoḳan imani bol disoin, he zanu nizore er taki beshi kunta mono na ḳore.

Ḳarafir bodla hishabe ḳeuror ḳarafi korio na, hoḳol manshe zetare bala mono ḳoroin, tumra sinta-babna ḳoria ota-u ḳoro.

Tumra eḳe-oinne bai bai oia ro. Boṛoluki bab na deḳaia, shadaron manshor loge mili-mishi solo. Nizor fonḍiti deḳaio na.

Borong kitabe ḳoy, “Tumar dushmonor feṭo buk lagle, tare ḳani deo. Fiase dorle tare fani deo. Ola ḳorle to tumi tar matar ufre zalail angrar ṭukri toilae.”

Tumrar ufre zera zulum ḳore, tarar lagi nek dua ḳorio, boddua dio na. Zera kushi-bashi korer, tarar loge kushi koro, zera ḳander tarar loge oia ḳando.

Allar pak bonda oḳlor obabo shaijjo ḳoro. Memandari korte kiali o.

Kial rakio, amra hoḳlor shorilo bout ongo ase, hoḳol ongoe to eḳlaḳan ḳam ḳore na. Ṭik ou laḳan, mumin hishabe amra bout zon oile-o, al-Mosir loge shorik oia ḳali eḳ shoril oisi. Eḳoi shorilor ongo gotike amrar eḳe-oinne mil ase.