Mistari Maarufu ya Biblia kutoka Asmani Kitab: Malaki 3

Shirikisha

Tumrar hoḳol ruzir dosh baṭor eḳ baṭ amar banḍaro deo, zate amar goro ḳani-kuraki roy. I befare tumra amare forikka ḳoria dekilao, ami Alla Rabbul Alamine asmanor hoḳol duar kulia, tumrar dorḳaror saite-o beshi, behishab boroḳot dei ki na.

Ami keti korra fuk oḳolre bada dimu, itae tumrar zominor foshol ḳaia binash ḳorta nae. Ar tumrar ḳetor angur folo zoria foṛto nae. Ami Alla Rabbul Alamine ḳoiar, ola ḳorle duniar hoḳol zatie tumrare mubarok koibo, tumrar desh oibo aram ar kushi-bashir desh.

Ami Alla Rabbul Alamine tarar befare ḳoiram, amar ṭik kori raḳa din aile tara amar ḳas samana oiba, tara amar-u bonda oiba. Bafe tar kezmot ḳorra fuare zela maya ḳore, ou laḳan ami-o tarare maya ḳormu. Hou shomoy aroḳbar tumra deḳbae, forezgar ar naformanor maze, amar ebadot ḳorra, ar na ḳorrar maze ḳoto bebodan ḳori.

Huno, ami Alla Rabbul Alamine oada ḳoriar, ami amar foygamborre bezimu, tain aiba, aia amar age gia fot ṭik-ṭak korba. Ar tumra ze malikor lagi bar sairae, tain-o aḳta-u tan goro toshrif anba. Ze zonor lagi tumra ashik oigeso ḳoirae, amar niomor hou foygambore toshrif anra.