Mistari Maarufu ya Biblia kutoka ꠁꠘ꠆ꠎꠤꠟ ২: ꠝꠣꠞ꠆ꠇꠥꠍ 13

Shirikisha

ꠀꠞ ꠀꠝꠣꠞ ꠟꠣꠉꠤ ꠢꠇꠟꠦ ꠔꠥꠝꠞꠣꠞꠦ ꠊꠤꠘ꠆ꠘꠣꠁꠛ, ꠅꠁꠟꠦ ꠢꠦꠡ ꠙꠞ꠆ꠎꠘ꠆ꠔ ꠎꠦ ꠐꠤꠇꠤꠀ ꠞꠁꠛ, ꠢꠦ ꠞꠦꠢꠣꠁ ꠙꠣꠁꠛ।

ꠔꠥꠝꠞꠣ ꠢꠥꠡꠤꠀꠞ ꠅꠅ, ꠈꠤꠀꠟ ꠇꠞꠤ ꠌꠟꠅ ꠀꠞ ꠖꠥꠀ ꠇꠞꠅ। ꠢꠤ ꠖꠤꠘ ꠇꠥꠘ ꠡꠝꠄ ꠀꠁꠛ, ꠔꠥꠝꠞꠣ ꠇꠦꠃ ꠔ ꠎꠣꠘ ꠘꠣ।

ꠔꠥꠝꠞꠣꠞꠦ ꠗꠞꠤꠀ ꠎꠦꠛꠟꠣ ꠛꠤꠌꠣꠞꠅ ꠘꠦꠅꠀ ꠅꠁꠛ, ꠅꠃ ꠡꠝꠄ ꠇꠤꠔꠣ ꠎꠥꠀꠙ ꠖꠤꠔꠣꠄ, ꠁꠔꠣ ꠟꠁꠀ ꠀꠉꠦ ꠇꠥꠘꠥ ꠌꠤꠘ꠆ꠔꠣ ꠇꠞꠤꠅ ꠘꠣ। ꠢꠃ ꠡꠝꠄ ꠔꠥꠝꠞꠣꠞꠦ ꠎꠦꠔꠣ ꠢꠤꠇꠣꠁꠀ ꠖꠦꠅꠀ ꠅꠁꠛ, ꠔꠥꠝꠞꠣ ꠅꠔꠣꠃ ꠇꠁꠅ। ꠀꠍꠟꠦ ꠔꠥꠝꠞꠣ ꠔ ꠢꠤꠘꠅ ꠝꠣꠔꠔꠣꠄ ꠘꠣꠄ, ꠙꠣꠇ ꠞꠥꠢꠦꠃ ꠝꠣꠔꠤꠛꠣ।

ꠀꠍꠝꠣꠘ-ꠎꠝꠤꠘ ꠢꠇꠟꠔꠣ ꠛꠤꠘꠣꠡ ꠅꠁꠎꠤꠛ, ꠅꠁꠟꠦ ꠀꠝꠣꠞ ꠇꠣꠟꠣꠝ ꠢꠣꠝꠦꠡꠣ ꠇꠣꠁꠝ ꠞꠁꠛ।

“ꠢꠃ ꠖꠤꠘ ꠀꠞ ꠢꠤ ꠡꠝꠄꠅꠞ ꠛꠦꠙꠣꠞꠦ ꠈꠣꠟꠤ ꠀꠝꠣꠞ ꠉꠣꠁꠛꠤ ꠛꠣꠚ ꠛꠣꠖꠦ ꠀꠞ ꠇꠦꠃ ꠎꠣꠘꠂꠘ ꠘꠣ। ꠀꠍꠝꠣꠘꠤ ꠚꠤꠞꠤꠡ꠆ꠔꠣ ꠛꠣ ꠈꠣꠍ ꠝꠣꠄꠀꠞ ꠎꠘꠦꠅ ꠎꠣꠘꠂꠘ ꠘꠣ।

ꠅꠁꠟꠦ ꠎꠥꠖ꠆ꠖꠞ ꠀꠅꠀꠎ ꠀꠞ ꠟꠣꠠꠣꠁꠞ ꠈꠛꠞ ꠢꠥꠘꠤꠀ ꠔꠥꠝꠞꠣ ꠒꠞꠣꠁꠅ ꠘꠣ। ꠁꠔꠣ ꠘꠤꠌꠄ ꠊꠐꠛ, ꠊꠐꠟꠦꠅ ꠁꠔꠣ ꠔ ꠡꠦꠡ ꠘꠣꠄ।

ꠔꠥꠝꠞꠣꠅ ꠅꠃꠟꠣ ꠢꠎꠣꠉ ꠞꠁꠅ। ꠛꠣꠠꠤꠞ ꠝꠣꠟꠤꠇ ꠇꠥꠘ ꠡꠝꠄ ꠀꠁꠛꠣ, ꠢꠣꠁꠘ꠆ꠎꠣ ꠛꠣꠟꠣ, ꠝꠣꠎ ꠞꠣꠁꠔꠦ, ꠙꠔꠣꠛꠣꠟꠣ ꠘꠣ ꠚꠎꠞꠦ ꠀꠁꠛꠣ, ꠁꠈꠣꠘ ꠔ ꠔꠥꠝꠞꠣ ꠇꠦꠃ ꠎꠣꠘ ꠘꠣ। ꠔꠣꠁꠘ ꠀꠈꠔꠣ ꠀꠁꠟꠦ ꠎꠣꠘꠥ ꠘꠣ ꠖꠦꠈꠂꠘ, ꠔꠥꠝꠞꠣ ꠊꠥꠝꠣꠁ ꠞꠁꠍ। ꠀꠝꠤ ꠔꠥꠝꠞꠣꠞꠦ ꠎꠦꠟꠣ ꠇꠁꠟꠣꠝ, ꠢꠇꠟꠞꠦꠃ ꠅꠃꠟꠣ ꠇꠁꠞꠣꠝ, ꠢꠎꠣꠉ ꠞꠅ।”

ꠄꠇ ꠎꠣꠔꠤꠄ ꠀꠞꠇ ꠎꠣꠔꠤꠞ ꠟꠉꠦ, ꠄꠇ ꠖꠦꠡꠦ ꠀꠞꠇ ꠖꠦꠡꠞ ꠟꠉꠦ ꠟꠣꠠꠣꠁ ꠇꠞꠛ। ꠛꠃꠔ ꠎꠣꠉꠣꠔ ꠜꠂꠍꠣꠟ ꠀꠞ ꠘꠤꠖꠣꠘ ꠖꠦꠈꠣ ꠖꠤꠛ। ꠅꠁꠟꠦ ꠁꠔꠣ ꠔ ꠈꠣꠟꠤ ꠝꠍꠤꠛꠔꠞ ꠡꠥꠞꠥ।

ꠙꠄꠟꠣ ꠖꠥꠘꠤꠀꠞ ꠔꠣꠝꠣꠝ ꠎꠣꠔꠤꠞ ꠉꠦꠍꠦ ꠀꠟ꠆ꠟꠣꠞ ꠖꠦꠅꠀ ꠈꠥꠡ-ꠈꠛꠞꠤ ꠔꠛꠟꠤꠉ ꠇꠞꠣ ꠎꠞꠥꠞ।

ꠛꠃꠔ ꠎꠘꠦ ꠀꠝꠣꠞ ꠘꠣꠝ ꠗꠞꠤꠀ ꠀꠁꠀ ꠇꠁꠛ, ꠀꠝꠤꠃ ꠢꠦꠁꠘ, ꠇꠁꠀ ꠛꠃꠔꠞꠦ ꠐꠉꠤꠛ।

“ꠔꠥꠝꠞꠣ ꠘꠤꠎꠞ ꠛꠦꠙꠣꠞꠦ ꠢꠥꠡꠤꠀꠞ ꠞꠁꠅ। ꠝꠣꠘꠡꠦ ꠔꠥꠝꠞꠣꠞꠦ ꠗꠞꠤꠀ ꠛꠤꠌꠣꠞꠞ ꠀꠖꠣꠟꠔꠅ ꠡꠝꠎꠣꠁꠛ। ꠝꠍꠤꠖꠞ ꠜꠤꠔꠞꠦ ꠔꠥꠝꠞꠣꠞꠦ ꠍꠤꠋꠟꠣꠖꠤ ꠝꠣꠞꠣ ꠅꠁꠛ। ꠀꠝꠣꠞ ꠟꠣꠉꠤ ꠔꠥꠝꠞꠣꠞꠦ ꠖꠦꠡꠞ ꠞꠣꠎꠣ-ꠛꠣꠖꠡꠣꠞ ꠍꠣꠝꠘꠦ ꠘꠦꠅꠀ ꠅꠁꠛ। ꠔꠥꠝꠞꠣ ꠄꠞꠣꠞ ꠍꠣꠝꠘꠦ ꠀꠝꠣꠞ ꠛꠦꠙꠣꠞꠦ ꠡꠣꠇ꠆ꠇꠤ ꠖꠤꠛꠣꠄ।

ꠇꠣꠞꠘ ꠛꠃꠔ ꠜꠘ꠆ꠒꠄ ꠀꠁꠀ ꠇꠁꠛ, ꠀꠝꠤꠃ ꠀꠟ-ꠝꠍꠤ, ꠀꠞ ꠛꠃꠔ ꠜꠘ꠆ꠒ ꠘꠛꠤꠅ ꠀꠁꠛꠣ। ꠡꠝ꠆ꠛꠛ ꠅꠁꠟꠦ ꠔꠣꠞꠣ ꠀꠟ꠆ꠟꠣꠞ ꠙꠍꠘ꠆ꠖ ꠇꠞꠣ ꠛꠘ꠆ꠖꠣ ꠅꠇꠟꠞꠦꠅ ꠗꠥꠇꠣ ꠖꠤꠀ ꠛꠦ-ꠙꠕꠦ ꠘꠤꠔꠣ ꠇꠞꠤ ꠛꠃꠔ ꠇꠦꠞꠣꠝꠔꠤ-ꠝꠥꠎꠦꠎꠣ ꠖꠦꠈꠣꠁꠛꠣ।

“ꠅꠃ ꠝꠍꠤꠛꠔꠞ ꠡꠝꠄ ꠙꠣꠞꠘꠤꠞ ꠛꠣꠖꠦ, ꠡꠥꠞꠥꠎ ꠀꠘ꠆ꠖꠣꠁꠞ ꠅꠁꠎꠤꠛ, ꠌꠣꠘ꠆ꠖꠦ ꠀꠞ ꠚꠞ ꠖꠤꠔ ꠘꠣꠄ। ꠔꠦꠞꠣ ꠅꠇꠟ ꠀꠍꠝꠣꠘ ꠕꠣꠇꠤ ꠈꠥꠟꠤꠀ ꠙꠠꠤꠎꠤꠛ, ꠀꠍꠝꠣꠘꠞ ꠇꠥꠘꠥ ꠡꠇ꠆ꠔꠤꠀꠟꠣ ꠌꠤꠎꠃ ꠑꠤꠇ-ꠑꠣꠇ ꠞꠁꠔ ꠘꠣꠄ।