Mistari Maarufu ya Biblia kutoka ꠁꠘ꠆ꠎꠤꠟ ৪: ꠢꠣꠘ꠆ꠘꠣꠘ 20

Shirikisha

ꠛꠣꠖꠦ ꠁꠍꠣꠄ ꠢꠤꠞꠛꠣꠞ ꠄꠞꠣꠞꠦ ꠇꠁꠟꠣ, “ꠀꠍꠍꠣꠟꠣꠝꠥ ꠀꠟꠣꠁꠇꠥꠝ। ꠢꠥꠘꠅ, ꠀꠝꠣꠞ ꠉꠣꠁꠛꠤ ꠛꠣꠚꠦ ꠎꠦꠟꠣ ꠀꠝꠣꠞꠦ ꠙꠣꠑꠣꠁꠍꠂꠘ, ꠀꠝꠤꠅ ꠅꠃꠟꠣ ꠔꠥꠝꠞꠣꠞꠦ ꠙꠣꠑꠣꠁꠞꠣꠝ।” ꠅꠈꠣꠘ ꠇꠁꠀ ꠔꠣꠁꠘ ꠍꠣꠢꠣꠛꠤ ꠅꠇꠟꠞ ꠃꠙꠞꠦ ꠚꠥ ꠖꠤꠀ ꠇꠁꠟꠣ, “ꠀꠟ꠆ꠟꠣꠞ ꠙꠣꠇ ꠞꠥꠢꠥꠞꠦ ꠇꠛꠥꠟ ꠇꠞꠅ।

ꠁꠍꠣꠄ ꠔꠣꠘꠞꠦ ꠇꠁꠟꠣ, “ꠕꠥꠝꠣꠍ, ꠀꠝꠣꠞꠦ ꠖꠦꠈꠍ ꠇꠞꠤ ꠔꠥꠝꠤ ꠁꠝꠣꠘ ꠀꠘꠟꠣꠄ ꠘꠤ? ꠢꠥꠘꠅ, ꠗꠁꠘ꠆ꠘ ꠔꠣꠞꠣ, ꠎꠦꠞꠣ ꠘꠣ ꠖꠦꠈꠤꠀꠅ ꠀꠝꠣꠞ ꠃꠙꠞꠦ ꠁꠝꠣꠘ ꠀꠘꠦ।”

ꠛꠣꠖꠦ ꠔꠣꠁꠘ ꠕꠥꠝꠣꠍꠞꠦ ꠇꠁꠟꠣ, “ꠔꠥꠝꠣꠞ ꠀꠋꠉꠥꠟ ꠟꠣꠉꠣꠁꠀ ꠀꠝꠣꠞ ꠖꠥꠁꠅ ꠀꠔ ꠖꠦꠈꠅ, ꠀꠞ ꠔꠥꠝꠣꠞ ꠀꠔ ꠛꠣꠠꠣꠁꠀ ꠀꠝꠣꠞ ꠙꠣꠔ꠆ꠔꠤ-ꠀꠠꠞ ꠎꠈꠝꠅ ꠢꠣꠞꠣꠅ, ꠄꠇꠤꠘ ꠇꠞꠅ, ꠡꠘ꠆ꠖꠄ ꠇꠞꠤꠅ ꠘꠣ।” ꠔꠦꠃ ꠕꠥꠝꠣꠍꠦ ꠇꠁꠟꠣ, “ꠝꠣꠟꠤꠇ ꠀꠝꠣꠞ, ꠀꠟ꠆ꠟꠣ ꠀꠝꠣꠞ।”