Mistari Maarufu ya Biblia kutoka ꠁꠘ꠆ꠎꠤꠟ ৫: ꠍꠣꠢꠣꠛꠤ ꠘꠣꠝꠣ 17

Shirikisha

ꠀꠟ꠆ꠟꠣꠄ ꠁ ꠇꠣꠝ ꠇꠞꠍꠂꠘ ꠎꠣꠔꠦ ꠝꠣꠘꠡꠦ ꠔꠣꠘꠞꠦ ꠔꠣꠟ꠆ꠟꠣꠡ ꠇꠞꠂꠘ, ꠀꠞ ꠔꠥꠇꠣꠁ ꠔꠥꠇꠣꠁ ꠔꠣꠘ ꠖꠤꠖꠣꠞ ꠙꠣꠁꠘ। ꠅꠕꠌ ꠔꠣꠁꠘ ꠀꠝꠞꠣ ꠇꠦꠃꠞꠞ ꠉꠦꠍ ꠕꠣꠇꠤ ꠖꠥꠞꠁ ꠘꠣꠄ।

ꠔꠣꠁꠘ ꠄꠇꠎꠘ ꠝꠣꠘꠥꠡ ꠕꠣꠇꠤ ꠢꠇ꠆ꠇꠟ ꠎꠣꠔꠞ ꠝꠣꠘꠥꠡ ꠙꠄꠖꠣ ꠇꠞꠍꠂꠘ, ꠀꠡ꠆ꠔꠣ ꠖꠥꠘꠤꠀꠁ ꠎꠥꠠꠤ ꠛꠡꠔ ꠇꠞꠣꠞ ꠟꠣꠉꠤ। ꠔꠣꠞꠣ ꠇꠥꠘ ꠀꠝꠟꠅ ꠇꠥꠘꠣꠘꠅ ꠛꠡꠔ ꠇꠞꠛꠣ ꠁꠐꠣꠅ ꠔꠣꠁꠘ ꠚꠄꠍꠣꠟꠣ ꠇꠞꠤ ꠖꠤꠍꠂꠘ।

ꠀꠟ꠆ꠟꠣ ꠙꠣꠇ, ꠎꠦꠁꠘ ꠁ ꠖꠥꠘꠤꠀ ꠀꠞ ꠄꠞ ꠝꠣꠎꠞ ꠢꠇꠟꠔꠣ ꠙꠄꠖꠣ ꠇꠞꠍꠂꠘ, ꠔꠣꠁꠘ ꠛꠦꠢꠦꠡ꠆ꠔ ꠀꠞ ꠖꠥꠘꠤꠀꠞ ꠝꠣꠟꠤꠇ, ꠔꠣꠁꠘ ꠔ ꠝꠣꠘꠡꠞ ꠛꠣꠘꠣꠁꠟ ꠇꠥꠘꠥ ꠝꠘ꠆ꠖꠤꠞꠅ ꠛꠡꠔ ꠇꠞꠂꠘ ꠘꠣ।

ꠔꠣꠁꠘ ꠔ ꠅꠃꠟꠣ ꠄꠇ ꠖꠤꠘꠅ ꠑꠤꠇ ꠇꠞꠍꠂꠘ, ꠎꠦꠖꠤꠘ ꠔꠣꠘ ꠙꠍꠘ꠆ꠖꠞ ꠢꠇ꠆ꠇꠣꠘꠤ ꠝꠣꠘꠡꠞ ꠀꠔꠣꠘꠦ ꠖꠤꠘ-ꠖꠥꠘꠤꠀꠞ ꠢꠇ ꠛꠤꠌꠣꠞ ꠇꠞꠣꠁꠛꠣ। ꠁꠐꠣꠞꠦ ꠄꠇꠤꠘ ꠇꠞꠣꠞ ꠟꠣꠉꠤ ꠔꠣꠁꠘ ꠢꠃ ꠝꠣꠘꠡꠞꠦ ꠝꠥꠞ꠆ꠖꠣ ꠕꠣꠇꠤ ꠎꠤꠘ꠆ꠖꠣ ꠇꠞꠤꠀ ꠄꠞ ꠙꠞꠝꠣꠘꠅ ꠖꠦꠈꠣꠁꠍꠂꠘ।”

“ꠀꠞ ꠀꠝꠞꠣ ꠎꠦꠛꠟꠣ ꠀꠟ꠆ꠟꠣꠞ ꠅꠀꠞꠤꠡ, ꠔꠦ ꠀꠟ꠆ꠟꠣꠞ ꠍꠥꠞꠔꠞꠦ ꠝꠣꠘꠡꠞ ꠈꠤꠀꠟ-ꠝꠞ꠆ꠎꠤꠄ ꠛꠣꠘꠣꠁꠟ ꠡꠥꠘꠣ-ꠞꠥꠙꠣ ꠛꠣ ꠙꠣꠔ꠆ꠔꠞꠞ ꠝꠥꠞ꠆ꠔꠤ ꠝꠘꠅ ꠇꠞꠣ ꠀꠝꠞꠣꠞ ꠟꠣꠉꠤ ꠃꠌꠤꠔ ꠘꠣꠄ।