Mistari Maarufu ya Biblia kutoka Аман өһө 11

Shirikisha

Байым илиилээх баайдык олоруоҕа, утаппыт утаҕын ханнарааччы уута суох хаалыа суоҕа.

Сорох дэлэйдик бэрсэр эрээри, эбии байар-тайар, сорох, сиэри таһынан кэччэйэрин үрдүнэн, дьадайар.

Улаханнык сананыаҥ – саакка-суукка барыаҥ; муударай киһи сэмэй.

Үтүө сүбэтэ-амата суох норуот сатарыйар, оттон сүбэһит элбэҕэр быыһанар.

Көнө быһыы үүнүүтэ – олох Аал луук маһа; муударай киһи дьон кутун тутар.

Хобу-сиби таһааччы дьон кистэлэҥин ускайдыыр, оттон эрэллээх киһи ону харыстыыр.

Үтүө санаалаах бэйэтигэр үтүөнү оҥостор, хаҕыс майгылаах бэйэтигэр алдьархайы ыҥырар.

Баайыгар эрэнээччи эстиэҕэ, оттон үтүө киһи киил мастыы чэлгийиэҕэ.

Таҥара уордайар күнүгэр баайыҥ-дуолуҥ эйигин абырыа суоҕа, оттон көнө быһыыҥ өлөртөн өрүһүйүөҕэ.

Көнө киһини ыраас сигилитэ сирдиэҕэ, оттон уодаһыннааҕы уодаһына өлөрүөҕэ.

Кыраһыабай гынан баран, акаары дьахтар таныытыгар кыһыл көмүс көлөөскөлөөх сибиинньэ кэриэтэ.

Айыы Тойон албын ыйааһыны абааһы көрөр, Кини көнө атыыны-тутууну сөбүлүүр.