Mistari Maarufu ya Biblia kutoka 1 KORINTHIAMI 12

Shirikisha

Aqokivipu ghenguno milakhikhi lau Aghungu akeu pephepiye lupenikeu tsu cheni.

Tishiaye, nongu kumtsu Khristo phimpike, eno milakhikhino tipau phiauqoke.

Aphiau gholo lakhino ime aye, kumtsuno tipau gholo imekuqha cheni; aphiau gholo lakhino sheqhekepu shiaye kutau kumtsuno tipau gholo alovikuqha cheni.

Milakhi lauye Aghungu vechewo asuqekighithi pikulupu tsu cheni, kutami lakhiuye Aghungu tipau huno akighithitsa pikulupu tsu cheni. Aghungu tipauno kutami lakhiye akupulu tsu cheni, kutami lakhiuye shikipivi gho tsu cheni. Aghungu no milakhi pelo akumzapu kumla shilukepu kuka tsu cheni; kutami lakhiuye Alhou tsape pilukepu gho tsu cheni, kutami lakhiuye Aghungu launo ighikeu gho kemo keno michilu kepu kuka tsu cheni. Milakhi lauye amilikithe sutsa jeli lono pilukepu kuka tsu cheni; kutami lauye amilikithe sutsa pekidetsu kulupu tsu cheni.

Ikemu Aghungu no khuno tsukuzu keno tipano tsu cheni.

Ike tishianguno aphimpilo kidikumla shipemoniyeke ikemu aphiauqo pelo lakhino lakhi ghenguno aphiphi shi hejukile peniyeke.

Ike, Aghungu gho ajeli kututa ani, ikemu agho tipaqo tsuakeu Ghungu ye lakhike. Ala ajeli kututa lono peithatsu kulupu ani, ikemu peithapekeu Mipeu ye lakhike. Peitha tsupekepu kuka ajeli kututa ani, ikemu peitha lupenike akuka tsuakeu Lhou ye lakhike.

Ike Alhou no akukuholo hitoi qhipuatsua: atughushi apostolmi, akiniuno tungkupmi, akuthuuno akukutsumi; tithiuno akumzapu kumlami, tithiuno shikipivi kuka tsupuakemi, kuphukulumi, saphe kulumi, amili jeli lono pikemi.

Kughengu aphiau lakhi likhino aphimpi shipe puamoe, ikemu aphiau kutomo pesu shipuanike.

Tishike kumo puzu, aphimpilo aphiau khikhi miqemileyi kepi cheni keno tipaqo sumokelo kiumu shimla keu ani

Aphimpi kuchopu anhethi shiveke aye khileno chiluni kya? Aphimpi kuchopu akini shiveke aye khileno tsunguluni kya? Alhou no pa pulou lono aphimpilo aphiauqo agholauno kithikiyipe puatsuke. Hipaqo kumtsu aphiau lakhi likhi shi aghike aye aphimpi khile aniche kya?