Mistari Maarufu ya Biblia kutoka 1 King 18

Shirikisha

O Iahova, san heite ten hisien onak. Kisani vatie lati min meatin keil ekek keke keik enges kovi Iahova, Ahi anatin. Kisan ahang vatie lati min keil keke em vati kovahiles moulien one avousiluk eris.”

Navong sak mesein tounah vasi onen, vi mendilah, avong mal ten sanien. Ka Ilaetsa mai vesesal en ahor ka vis vit, “O Iahova, Ahi onen Ebraham, onen Aesak, ka onen Siekob, kosa, kitie min komai keke keik kovi Ahi onen me-Isrel keil. Ka kitie min komai keke keik korie lat nau numai navi meatin toumien onom ka namumon tounah keil enek musil rem.

Evus, Ilaetsa mai mulomal en meten meatin keil ka viteni vit, “?Rendemien onami elu hevus nengeis? !Munak mimundemi keke Iahova vi Ahi anatin, miheha netan enges mini! !Ka munak mimundemi keke Baal vi ahi anatin, miheha netan mini enges!” Ka meatin keil aro raeng.

Hatte tas, Iahova san ahang ka nesa mita netan, kan lin vasi sanien, av teni, ahat keil, atan, ka oai emun.

Navong meatin keil alesi, keil vasi umot avita netan ka avisohiso avit, “!Iahova, kei vi Ahi anatin! !Iahova, kei enges vi Ahi!”

Ka en ualien kor onen, navong meatin toumien enek mai ris, viteni vit, “Nales mahmah tai koa alesi havivi suval hen meatin mul mea ran atas.” Evus, Ilaetsa viteni mini vit, “Ha les asuv houlu Ehab. Kihiteni mini keke hekalah hepar kat kat en hos keil osen ka heloh eni heha lah teim keke ous nating koe sise onen.”

Ka Ilaetsa, keihoen onen Ahi mai sieni. Kei lum kat kele eisin omon koa taveah mai nesa ka mutoh eni. Evus, muloh vis muloh mulin hos osen Ehab, ka rokol taon ten out Sesrehel mulamu eni.

Evus, Ilaetsa va selus min asuv houlu Ehab vit, “Kimea, kiha kianian ka kimun hati uaen veni hervitei tuetin, rehelong ous hous.”

Kei viteni min meatin toumien onen vit, “Ha lele hehita netan en atas.” Sakini, kei va lele ka mai ris viteni mini vit, “Narles etai tounah.” Ilaetsa sila va hatte oulu (7).

Evus, Ilaetsa viteni min meatin keil vit, “Almai vesesal venau.” Ka navong umai veni, en mete, kei va, mum revi ahor ten sanien onen Iahova koa merangle tuetin.

Hevus, provet keil onen ahi Baal ihis min ahi one, ka inau, nihis min Iahova. Isei en ahi keilu enek hesan ahang hemita hean lin sanien onen, kei varei vi Ahi anatin.” Ka navong meatin keil along selusien onen, keil asi keil veni ka amaeni.

Kei lah ruain ahat teindan elu (12), mal en mari vatiamal keil onen me-Isrel keil koa akistal aka en Siekob mulamu, koa Iahova ling isen vi ‘Isrel.’

Evus, en taviai, Ilaetsa selus karen keil vit, “?!Ei mukave, ahi onami vi anatin vuo …!? ?Nahi kei mul rendem usil tounah sav, vuo va en klosis, vuo kei mual va en out sav tai? ?Nahi mul matil? !Kami mihesisil eni, tahos imok mihehis hekeih tamun!”

Ral min ahat keil enek, kei sak revi ahor ten sanien en isen Iahova. Evus, kei kil rahit ahor enek rokol avong koa kilea vasieni en oai koa lita teni valin hanumau elu (40).