Mistari Maarufu ya Biblia kutoka 2 Korɛntə tɩ̀án 6

Shirikisha

Á dànà ká twá lɩ̀à tə, ba nə tà *Kərisə lɩ̀à tə nə, ba tʋtʋnkʋkwɩnan tə wa. Yoo tə, kʋ nə yɩ cɩ́gá Yɩɩ yáá con, də yoo tə, kʋ nə yɩ lwanɩ yoo wàrɩ̀ duən nə tə kəni. Poni də yikunu də wàrɩ̀ bwálɩ́ nədʋ tə yanɩ.

Yɩɩ *dìə̀ də woŋwanan yoo tə̀lə́ duən nə. Kʋ yɩ cɩ́gá, nə mʋ̀ nə yɩ ndə Yɩɩ tə, ʋ nə wulə mɩɩ wa, dìə̀ tə nə, ndə ʋ nə swɩ̀n, ʋ wʋ́: «À wá jə̀ń də ba, à ga wá ya ba tətəŋi wa. À wá ya ba Yɩɩ, yá ba də ga wá ya à mʋ̀ lɩ̀à».

Kʋ mʋ̀ nə pɩn, Yuu-Tiu tə swɩ̀n, ʋ wʋ́: «Á dàń naŋa lɩ̀à tə wa, ba nə tà Kərisə lɩ̀à tə. Á pɩan á mʋ̀ də ba mʋ̀ ya yɩŋʋnɩ də duən. Á dànà ká dwen durən won yɩra, yá à mʋ̀ dàń ga wá sɛ̀e à jon aba à kə à con». Yuu-Tiu tə, ʋ nə wulə tə mama yuu wa swɩ̀n ʋ súrí lá, ʋ wʋ́: «À wá ya á nyɩna, á də ga wá ya à bɩa də à bwɩ̀ɩ́».

Zwezi-Kərisə də *Sɩtana wàrɩ̀ duən yuu ba kəni. Yá nimarʋ yoo ga tə̀lə́ lìù tə, ʋ nə keni ʋ waa Zwezi-Kərisə nə wuuu, də lìù tə, ʋ nə wà ʋ waa ken ʋ nə, pwərə wa.