Mistari Maarufu ya Biblia kutoka Luka 4

Shirikisha

“Wahy Juog Ruohdha abeehn wiiha ne niihm, bang gihn Juog a akwahnye oogo, beere Ciig Beer ni, kahla kahlo yihr nyoge maa angoohng. Juog thiow a akwahnye oogo, ubeehna ne luny jo amag oogo kedea thiow, a aoohre uyaba nying yaa acoor, uniid gene piny. A aoohr Juoge keehdo thiow, ulunya yaa guum bahng oogo. Juog a aoohre keehdo thiow, ne teede yihr nyoge kejea cahng boadh Juoge nyoge yea, adoohng cahng.”

Maa abeehr Jeacuue ngo yihre kea, “Wa ngo agweed yi kitaab Juog naa, ‘Nahge ke Juog keede e ne wuor kedea e ne gihre tiihj.’ ”

Maa abeehr Jeacuue ngo yihre kea, “Bekihde! Wa ngo agweed yi kitaab Juog naa, ‘Padh amono cog e ne bodh nyoge keehde.’ ”

Kaano arumo maa aduu Jeacuue ke yoohn naam Joohrdoan kaa anaa amuoj Joone wiihe yi ngo keehd luogwahy. Ubeehn kuohm Jeacuu ne romo keehd Wahy Juog cang. Maa akaab Wahy Juoge ngo ukedhe ngo kar keede yi ukang

Maa abeehr Jeacuue ngo yihre kea, “Wa ngo arob kitaab Juoge kea, ‘Juog e ge naa Juog Ruohdh, ngo keá tum now ke dhieny.’ ”

Naa athum atiihb ukeehge ke tum Jeacuu keehd dhog yiehdh ni thoohdh, e ngo awiie ne koar cahng moogo.

Maa akaab atiihb ukeehge ngo ukedhe ngo maalo ka me baahr mee, unyoadhe kwaad giih nud upiny kan cang yihre ke kwaan gen ke nye wong kaano. Urube yihr Jeacuu kobe, “Yih uyuga ne ruohdh yihdh giih nu cang. Giih anyoadha yihri ge beehda giiha maa acub yihra. Caahn e beehda kar cwihnya ucuba gen yihr ngada me daahda me nhyaar cwihnya. Awaahn ni nea wiihi kuuli ke piny nyuma kan uwuori an e ge cuba cubo yihri cang.” Maa abeehr Jeacuue ngo yihre kea, “Wa ngo agweed yi kitaab Juog naa, ‘Nahge ke Juog keede e ne wuor kedea e ne gihre tiihj.’ ”

Jeacuu akaab atiihb ukeehge ukedhe ngo geen Jeruucalem ucube ngo alidh Wod Juog. Maa arube yihre kobe, “Nea yih naa Waahd Juog ne cohg, kea thoohr rihi piny ke kan. Bang gihn ngo agweed yi kitaab Juog naa, ‘Juog Wuohdjuog giihe, e koar yihn, ge uoohre bangi urihng gene ukoal gene yihn beer mee. Yih uboam gene uthaang gene yihn kii cing gen beer mee, utoor leelo me cwaany tieni.’ ” Maa abeehr Jeacuue ngo yihre kea, “Wa ngo arob kitaab Juoge kea, ‘Juog e ge naa Juog Ruohdh, ngo keá tum now ke dhieny.’ ”