Mistari Maarufu ya Biblia kutoka Tio 22

Shirikisha

Yaʼne ech tal Jesuus s-eche: —Laʼ asaʼ u quBʼaal Tiuxh tuchʼxh avaanima tuchʼxh avaanxelal, atz tuchʼxh avitzʼabʼal. Aʼetz u bʼaxa bʼekʼbʼale uvaʼ palnaʼq viʼ jolt inqʼa bʼekʼbʼal. Pet vikaʼv, tan eela kuxh tuchʼ vibʼaxa. Tan ech nik tal s-eche: «Saʼ vamol, eche uvaʼ nik asaʼt eebʼ,» chiche.

Taʼnetzxh kaʼvaʼl inqʼa bʼekʼbʼale uvaʼ nik txeyon jolt inqʼa bʼekʼbʼal uvaʼ tzʼibʼamal ka taʼn Moisees, atz taʼn jolt inqʼa qʼexsanich tetz viyol quBʼaal Tiuxh, —xeʼt Jesuus.

Echetz nik valte sete uvaʼ mamala xaol laʼ isaʼ quBʼaal Tiuxh ibʼant iqʼesalil t-taanima, poro jolol kuxh xaol laʼ saʼon, —xeʼt Jesuus.

Tan yeʼ vet tzʼaloʼm, atz yeʼ vet txhejchil laʼ ibʼana uvaʼs laʼ titzʼeʼv inqʼa kamnaʼq. Pet ech vet tatin inqʼa xaol laʼ ibʼana, eche tatin inqʼa iaanxel quBʼaal Tiuxh s-kʼatza.

Aqʼtaq tzaan vaʼq u puaq, u tetz txhojbʼal atinchil te u mam iqʼesal. Tul toq vileʼ, —xeʼt Jesuus. Tul exaq taqʼoʼk val u puaq denaario te Jesuus. Tul ech tal Jesuus s-eche: —¿Jaʼletz ivatzibʼale? Atz ¿jaʼletz ibʼije uvaʼ atoʼk tiʼ u puaq uvaʼa? —xeʼt Jesuus. Yaʼne ech tal inqʼa vinaq te Jesuus s-eche: —Ivatzibʼal naqe u mam iqʼesal uvaʼ tu Rooma, —xeʼtaqe. Yaʼne ech tal Jesuus s-eche: —Nimavaq u mam iqʼesal; tul aqʼvaq s-te jankʼal u puaq nik ijaqeʼ. Tul nimavaq quBʼaal Tiuxh; tul aqʼvaq te quBʼaal Tiuxh jankʼal uvaʼ nik ijaqeʼ, —xeʼt Jesuus.