Mistari Maarufu ya Biblia kutoka غُرْتَاکِ 10

Shirikisha

جَوْمِرَاوٛ وِعِ مُوسَى‏: «يَحْ حَا ڢِرْعَوْنَ، نغَمْ مِسَاتِنِ حٛورٜ مَاکٛ عٜ کٛعٜ سَرَاکِعٜنْ مَاکٛ، حَا مِوَطَ عَلَامَاجِ عَمْ طِعِ شَکَ مَࢡّٜ، نغَمْ حَا عَيٜشَّ ࢡِکّٛيْ مَ عٜ تَانِرَاࢡٜ مَ نٛ مِتٛرِّرِ مِصْرَعٜنْ، حَالَ عَلَامَاجِ عَمْ طِ مبَطْمِ شَکَ مَࢡّٜ؞ ندٜنْ عٛنْ عَنْدَنْ مِنْ وٛنِ جَوْمِرَاوٛ؞»

جَوْمِرَاوٛ وِعِ مُوسَى‏: «ࢡَنغْتُ جُنغٛ مَ حٜىٰدِ عَسَمَ؞ ࢩِࢡْرٜ لَاتٛ ندٜرْ لٜسْدِ مِصْرَ، طُمْ ࢩِࢡَّ حَا غٛطّٛ وَاوَتَا يِعُغٛ نٜوْرٜ مُوطُمْ؞» مُوسَى ࢡَنغْتِ جُنغٛ مُوطُمْ حٜىٰدِ عَسَمَ، ࢩِࢡْرٜ ࢩِࢡُّندٜ لَاتِ ندٜرْ لٜسْدِ مِصْرَ ڢُو ࢩَلْطٜ تَتِ؞ ࢡٜمبَاوَايْ يِعْيِعْتِرْغٛ، وَلَا غُرْتِيطٛ سُودُ مُمْ ࢩَلْطٜ تَتِ؞ عَمَّا إِسْرَاءِيلَعٜنْ ڢُو نغٛودِ جَيْنغٛلْ ندٜرْ جٛولٜ مُوطُمْعٜنْ؞

مُوسَى ڢٛرْتِ سَوْرُ مُوطُمْ دٛوْ لٜسْدِ مِصْرَ؞ جَوْمِرَاوٛ يَحْرِ حٜنْدُ ڢُونَانغٜىٰرُ دٛوْ لٜسْدِ ࢩَلَوْمَارٜ ندٜعٜ عٜ جٜمَّارٜ ڢُو؞ ندٜ وٜىٰتِ، حٜنْدُ مَنْ وَدِّ بَࢡَّتِّ؞ بَࢡَّتِّ نغَرِ دٛوْ لٜسْدِ مِصْرَ، طِ نجٛوطِ کٛو تٛيْ ڢُو ندٜرْ مَرَلْ مِصْرَعٜنْ، طِ طُوطِ مَسِنْ؞ عِرِنْ مَاجِ مٜىٰطَايْ وَرْغٛ عٜ طِ مٜىٰتَتَا بٛو؞