Mistari Maarufu ya Biblia kutoka Zab 119

Neno lako ni taa ya miguu yangu, Na mwanga wa njia yangu.

Moyoni mwangu nimeliweka neno lako, Nisije nikakutenda dhambi.

Jinsi gani kijana aisafishe njia yake? Kwa kutii, akilifuata neno lako.

Heri wazitiio shuhuda zake, Wamtafutao kwa moyo wote.

Ndiwe sitara yangu na ngao yangu, Neno lako nimelingojea.

Unifahamishe nami nitaishika sheria yako, Naam, nitaitii kwa moyo wangu wote.

Unielekeze moyo wangu na shuhuda zako, Wala usiielekee tamaa.

Ilikuwa vema kwangu kuwa naliteswa, Nipate kujifunza amri zako.

Hii ndiyo faraja yangu katika taabu yangu, Ya kwamba ahadi yako imenihuisha.

Uniendeshe katika mapito ya maagizo yako, Kwa maana nimependezwa nayo.

Ee BWANA, unifundishe njia ya amri zako, Nami nitaishika hata mwisho.

Nafsi yangu imeyeyuka kwa uzito, Unitie nguvu sawasawa na neno lako.

Sheria yako naipenda mno ajabu, Ndiyo kutafakari kwangu mchana kutwa.