Mistari Maarufu ya Biblia kutoka Tomong Betom Yɛsu 2

Shirikisha

Bitrus a toyo a yɛn, a yang ɛn, “Tik na kawɛ e ji min a doyo yi e banɛn mɛ, ko be tɛ̀ a yɛ batisma e ji rezâ Yɛsu Kristi, yaga na Dagwi a hàla a yɛ banɛn mɛ; ko Dagwi ê nɔng ɛ Gabik Jɛrɛ arɔng.

Yɛn a nɔng bato mɛn e de masâ pyɛ́ yi na betom Yɛsu, na e de wunâ nesa na bemɛn, na e de kwɔrɔs kpam-tuk, tanga e de ragâs won.

Gabik Jɛrɛ ha vey, ko ha sɛ̀ reto e ra bemat o mwa, ko yɛn a hwo ha na balem baduk, tyɛng na pyɛ de Gabik Jɛrɛ mo ha simo a yɛn.

Remo-remo, yɛn a wok wûs pyɛ cak yi e lagwi sede wûs gul de gwo pɛsɛl na gap tyɔng wɛt, ko gwa sila lɔ de yɛn a sé sangal e ji hɛ. Yɛn a di pyɛ cak de ya sé sede balêm kya; ya shara hɛ, ko ya wɔ̀ gyirik e ra kawɛ e ji mɛn. Gabik Jɛrɛ ha vey, ko ha sɛ̀ reto e ra bemat o mwa, ko yɛn a hwo ha na balem baduk, tyɛng na pyɛ de Gabik Jɛrɛ mo ha simo a yɛn.

Kahɛ tuk yɛn a dopse manas e nelalâ Gbɔng Duk Re Fongol, ko yɛn a kwɔrɔs kpam-tuk e dem hining e nelɔ mɛn. Yɛn a re pyɛ́ na yey pyɛng na yey rining arɔng. Yɛn a somo Dagwi, ko bemât mwa ba simo hɛn tyɔng wɛt. Ko kahɛ tuk Darwey Yɛsu a gwɛsɛ nepyak vemo de a sey neken mɛn, ko ba wuna hɛn na bwang o.

“ ‘Dagwi a ye: E negasi ne yɛnɛ mo, ma rɔda tomo na Gabik hom, na me nɔ̂ng bemât mwa hɛ vit a yere mo. Nèy min bewen na behwong na rɔda ba zarap yi na me; bewen min ba rɔda ba di pyɛ́ de mê dura a yɛn yɛ̄ sede e ji negwi-ywey, ko bemakuk min arɔng yɛn a rɔda ba ranas negwi.

Mwa bemat-raa ba re nuyel na wunâ nesa na bemɛn, ko yɛn a ra fwom na pyɛ́ de yɛn a vɔk mwa e dem o. Yɛn a rɛsɛl pyɛ̂ mwa de yɛn a vɔk na nedok nekyɔrɔk mɛn, yɛn a jut dyām o, ko ba gas a kawɛ mwat tyɛng na pyɛ de e simo.

E jeng o, kawɛ mwat de ê yila Darwey na a sɛlɛ hɛ, Darwey o a rɔda sey neken mɛ.’

Gwi gwa rɔda ba tɛ́ ɛ mwangalang, ko pwɛl gwa rɔda ba senge sede nemi. Pyɛ́ yane ya rɔda ba té gyam na gbɔng jeng gbɔng nerat ye vey, jeng de Darwey a rɔda to ba vɛ̄ hɛ.