Mistari Maarufu ya Biblia kutoka Éxodo 34

Shirikisha

Moisé dʉporo yʉꞌrʉagʉ, aꞌtiro nicʉ niwĩ: —Yʉꞌʉ Õꞌacʉ̃, mʉsã wiogʉ niꞌi. Masãrẽ pajañaꞌgʉ̃, añurõ weesetigʉ niꞌi. Uáyegʉ mejẽta niꞌi. Masãrẽ yʉꞌʉ maꞌiyʉꞌrʉsere ĩꞌoꞌo. Yʉꞌʉ “Weegʉti” níꞌquere queoro weeꞌe. Peje curari beꞌrocjãrã quẽꞌrãrẽ maꞌinuꞌcũcʉ̃saꞌa. Masã ñaꞌarõ weesere, yʉꞌʉre yʉꞌrʉnʉꞌcãsere acobojoꞌo. Yʉꞌʉ tojo weemicã, ñaꞌarõ weegʉ́a ne buꞌiri daꞌrenoꞌña marĩgʉ̃ tojatisami. Buꞌiri daꞌrenoꞌsami. Pacʉsʉmʉa ñaꞌarõ weeꞌque wapa na põꞌrãpʉre, na pãrãmerãpʉre, na pãrãmerã nituriarãpʉre, tojota buꞌiri daꞌre yapatinoꞌrãsama, nicʉ niwĩ.

”Ne apĩ Õꞌacʉ̃ nitigʉre ẽjõpeoticãꞌña. Ãpẽrãrẽ ẽjõpeosirutucã ne ʉaweꞌe. Yʉꞌʉ diaꞌcʉ̃rẽ ẽjõpeocã ʉaꞌa.

Õꞌacʉ̃ Moisé sẽrĩꞌquere tʉꞌóca beꞌro aꞌtiro nicʉ niwĩ: “Añurõ tʉꞌoya. Niꞌcãrõacãrẽ yʉꞌʉ nipeꞌtirã mʉsã Israe curuacjãrã meꞌrã ‘Aꞌtiro weegʉti’ ni apoꞌquere cũugʉ̃ti. Nipeꞌtirã masã ĩꞌorõpʉ añubutiasere weeĩꞌogʉ̃saꞌa. Te todʉporopʉ ne ape diꞌtapʉ aꞌti turipʉre weeĩꞌonoꞌña marĩꞌquere ĩꞌogʉ̃ti. Noꞌo nipeꞌtirã mʉsã waꞌtero nirã́ yʉꞌʉ mʉsã wiogʉ mʉsãrẽ añubutiaro weeatjere ĩꞌarãsama.