Mistari Maarufu ya Biblia kutoka Máciya 14

Shirikisha

Bale nan Fiyeel ajukumuu kaanaku búlusabu bululluuk, li ákoli. Nan ákolimuu, li átoŋ ayooko li malamu. Li akaaw butiya aan Yéesu: — Amaaŋen, ufakenom! Yéesu li ayaan atooken ájokulool, ban li aanool: — Mo káyineni kukite kutiti! Wáa újiye li úwettoo?

Bale nan Fiyeel ajukumuu kaanaku búlusabu bululluuk, li ákoli. Nan ákolimuu, li átoŋ ayooko li malamu. Li akaaw butiya aan Yéesu: — Amaaŋen, ufakenom!

Bale Yéesu li ayaan aaniil: — Sákoluul, jítik, laalu ínje.

Muñeˈe Fiyeel li aanool: — Amaaŋen, nokoomuu loon mal̥egen awu, kama ulobom min ibilum li malamu li koot boot buya. Yéesu li aanool: — Ubil. Mal̥egen Fiyeel li áwalowumul li busaanaabu min ájowum koot li malamu ajooŋoo ban Yéesu alakomuu.

Bukanabuku kalakomuu li busaanaabu li kúkuntuŋ hákil Yéesu min kumanenool koon: — Li mal̥egenamu awu ommuu Añiilawu ata Ateemit!

Bale Yéesu li aaniil: — Jakum kuyok li ejow. Jiseniil bukuluul humumuul kutiñ. Li koonool: — Kúmbuulu hutok bale jooke taate, li muwol múl̥uba.

Yéesu li aaniil: — Jíŋalulom kúmbuuluwaku li muwolamu taate. Muñeˈe nan kúŋalulumuu Yéesu kúmbuuluwaku li muwolamu, li aan búsukabu bubah li mahosamu. Nan bubahumuu, li aŋa’ kúmbuuluwaku hutokayi li muwolamu múl̥ubaamu, ban li ateb kúkilool ajooŋoo haatiya emitayi, min asal Ateemit. Fúlum tó, li amuncul kúmbuuluwaku asen kúgoomaku koola min kugaben ko búsukabu.

Bukanabuku feh li kutokoñ kujow kufooñ, min kúgoomaku kuwomen kumunculaku kasaŋomuu, kujow kuyok kumeeŋen utekel woono kuŋen li úl̥uba kuteb kújowetum.