Mistari Maarufu ya Biblia kutoka Klei Kbiă 8

Shirikisha

Phung mdian yua klei diñu thâo mdian čiăng bi mâo ktâo, ƀiădah diñu amâo dưi ngă klei anăn ôh. Snăn mâo ktâo ti mnuih leh anăn hlô mnơ̆ng. Phung mdian lač kơ Pharaôn, “Anei yơh kđiêng Aê Diê.” Ƀiădah ai tiê Pharaôn jing khăng, leh anăn ñu amâo dôk hmư̆ digơ̆ ôh, msĕ si Yêhôwa lač leh.

Yêhôwa lač kơ Y-Môis, “Nao bĕ kơ Pharaôn leh anăn lač kơ ñu, ‘Yêhôwa lač snei, “Lui phung ƀuôn sang Kâo đuĕ nao, čiăng kơ diñu dưi kkuh mpŭ kơ Kâo.

Ƀiădah tơdah Pharaôn ƀuh mâo klei mdei, ñu bi khăng ai tiê ñu, leh anăn amâo dôk hmư̆ digơ̆ ôh, msĕ si Yêhôwa lač leh.

Ƀiădah tơdah ih hngah, amâo lui diñu đuĕ nao ôh, nĕ anei Kâo srăng ngă kơ čar ih brei mâo ajĭk tar ƀar.

Yêhôwa lač kơ Y-Môis, “Blŭ bĕ kơ Y-Arôn, ‘Yơr giê dra ih leh anăn čăm ƀruih lăn, čiăng kơ ñu mlih jing ktâo hlăm tar ƀar čar Êjip.’ ”

Yêhôwa ngă snăn. Mâo lu ruê mŭt hlăm sang Pharaôn leh anăn hlăm sang phung dĭng buăl ñu, leh anăn ruê bi rai tar ƀar čar Êjip.