Mistari Maarufu ya Biblia kutoka 1 Corintios 8

Shirikisha

pero chaqe roj, xa kin xe jun Dios kꞌo, y riꞌ ja ri Tataꞌaj Dios. Rikꞌin rijaꞌ pataneq wi nojel, y roj richin rijaꞌ. Y xe jun Ajaw kꞌo chuqaꞌ, y riꞌ ja ri Jesucristo, ri bꞌanayon nojel ri kꞌo, y roma rijaꞌ kꞌo qakꞌaslen.

Wokami niwojoꞌ ngichꞌaꞌa pa ruwiꞌ ri ikꞌutun pe razón chuwa si utz ndikꞌuxeꞌ o naq ri tiꞌij sujun chikiwech tiox. Kin qetzij chi qonojel kꞌo qetaman, pero ri achike qetaman kꞌiy mul ndubꞌen chaqe chi nim ndiqanaꞌ chare. Jakꞌa atoq ngeqajoꞌ ri erichin ri rutinamit ri Dios, riꞌ ndukꞌen pe kꞌiyilen chaqe roj qonojel. Y si jun nim ndunaꞌ chare roma ri retaman, ndubꞌij tzij chi kꞌajani tiretamaj utz-utz ri ndikꞌatzin chi ndiretamaj.

Roma kꞌa riꞌ, si riyin roma nikꞌux tiꞌij sujun chikiwech tiox nibꞌen chare jun hermano chi ndiril jun achike roma nduyaꞌ kan ri Dios, xa más utz chi ma jumbꞌey chik nikꞌux tiꞌij sujun chikiwech tiox.

Pero titzꞌetaꞌ chi ri achike ndikꞌux ma tubꞌen chi ndikil jun achike roma ndikiyaꞌ kan ri Dios ri hermanos ri kꞌajani ok ruchuqꞌaꞌ kánima rikꞌin rijaꞌ.