Mistari Maarufu ya Biblia kutoka Juwau 16

Shirikisha

“Ndakupangani pinthu penepi, toera mukhale na ntendere muna Ine. Pa dziko ino imwe munaona nyatwa, mbwenye wangisirani! Ine, ndakunda dziko.”

Mbwenye ungabwera Nzimu unadzesa undimo mwene, Iwo unakupangisani pya ndimo mwene. Nkhabe longa pyawo okha, unalonga pire pidabva iwo, pontho unakupangani pire pinafuna kudza.

Mpaka cincino, imwe mudzati kuphemba cinthu na dzina yanga. Phembani munatambira, toera kutsandzaya kwanu kukwane.

Mbwenye Ine ndisakupangani pya ndimo mwene kuti: Mphyadidi kakamwe kuna imwe kuti Ine ndiyende. Thangwi Ine ndingakhonda kwenda, M'matamisi nkhabe bwera kuna imwe. Mbwenye Ine ndingaenda, ndinakutumirani M'matamisi. Iye angabwera, anaidziwisa dziko pinthu pitatu: Kudawa, kulungama pontho na kutongwa na Mulungu.

Na tenepo, imwembo cincino muli kutsukwala. Mbwenye ndinadza kakuonani pontho, mitima yanu mbidza katsandzaya, kutsandzaya kwanu nkhabe m'bodzi anafuna kukukwatirani. Pa ntsiku eneyo imwe nkhabe kudza kandibvundzabve cinthu tayu. Ndimo mwene, ndimo mwene Ine ndisakupangani kuti Baba wanga anakupasani pyonsene pinaphemba imwe na dzina yanga.

Ndimo mwene, ndimo mwene ndinakupangani kuti: Imwe munati mulire pontho mbamukhuwa, mbwenye dziko inati itsandzaye. Imwe munati mutsukwale, mbwenye kutsukwala kwanu kunadza kakhala kutsandzaya.