Mistari Maarufu ya Biblia kutoka Sigingo 16

Shirikisha

Azo ni atene: “Na ngoi so lani e yeke na Ezipte, e yeke duti na tere ti ta ti nyama, e yeke te kobe, ya ti e asi. Tongana KOTA GBIA afâ e lani gi kâ, ka ayeke nzoni mingi! Me ala mu e, aga na e na benyama so si ala zia e titene e kue, e kui nzara!” KOTA GBIA atene na Moïse: “Mbi yeke sara titene mapa alondo na nduzu kâ, atuku tongana ngu-Nzapa na ala. Na ya ti lango oko oko, fade azo ayeke sigigi ti ro mapa ni ndali ti kobe ti lango oko. Fade mbi yeke tara be ti ala ti baa wala ala yeke sara ye alingbi na *Ndia ti mbi, wala ala yeke sara pepe.

Kâ na benyama, bongbi ti azo ti Israel kue akasa Moïse na Aaron.

Moïse akiri atene: “Fade ala yeke hinga atene KOTA GBIA laa, na ndembe so lo yeke mu na ala nyama na lakui titene ala te si na ndaperere, lo yeke mu na ala mapa titene ala te ya ti ala asi. Biani, lo ma kasango so ala kasa lo so. E, e yeke ti e zo wa? Ala yeke kasa e pepe, me KOTA GBIA laa ala yeke kasa lo.”

“Mbi ma kasango ndo ti azo ti Israel. Tene na ala, mo tene: ‘Na lakui so, fade ala yeke te nyama, kekereke na ndaperere, ala yeke te mapa ya ti ala asi si ala hinga atene, mbi laa mbi yeke KOTA GBIA, Nzapa ti ala.’ ”