Mistari Maarufu ya Biblia kutoka Luc. 23

Shirikisha

Migtawal-tawal si Jesus tepad te menge otaw miglansang kandin diyà te kros, kagi din, “Amà, pegwedadi se salà dan, so wedà dan ketegahi aw eden se ininang dan seini.” Penga te peglansang dan ki Jesus diyà te kros, pigtalad-talad dan se penenaktun linowas din, aw migbonot dan aw eden se penenaktun meabat te teg sebad-sebad kandan.

Minikagi si Jesus, “Eneng-enengi se kagi ko kamno. Kwani seini, megdoma ka kanak doton te langit.”

Penga niyan, minikagi sikandin diyà ki Jesus, “Keidowi a bag aw lomowan ka.”

Penga niyan, timawal si Jesus te dakel se kagi din, “Amà, isalig ko den se pedowan ko diyà kamno.” Penga te peg-ikagi din kenyan, nematay sikandin.

Pegdateng dan doton te bontod iningedanan Tòlan te Olo, inlansang dan sikandin diyà te kros. Inlansang heman se dowa otaw medaet kidoen te tangkil din, aw si Jesus diyà te tengà-tengà.

Pegkealas dosi te aldaw, migkengitngit se langit aw tanà lamig alas tris te meapon, so wedà senang se aldaw. Tigkan heman nelisì se kayad kidoen te tengà-tengà te dakel simbahan te Jerusalem.

Kinità te kapitan te sondalo se kepelahan neinang te pegkematay i Jesus, aw dimuyun sikandin te Timanem, kagi din, “Ontò mèpiya se otaw sìyan.”