Mistari Maarufu ya Biblia kutoka Marcos 10

Shirikisha

Uling e ya dinatang ing Anak ning Tau ban pasuyu nune ban sumuyu, at iyain ing bie na para king pangayatbus da ring dakal a tau.

Linawe na lang maratnang Jesus at ngana karela, Karing tau iti masakit mapalyari, oneng king Dios, ali; ing sabla apapalyarian na ning Dios.

Mako na ka, nganang Jesus, uli na ning kasalpantayanan mu kinayap ka. Kanita mu rin menakit ya at tikian ne i Jesus king dalan.

E na la sukat pikawanian ning tau ding piyabe na ning Dios.

King mitmung lugud, linawe neng maratnang Jesus ing lalaki at ngana, Metung pang bage ing kulang keka. Muli ka, pisali mu ing sablang pibandian mu at ibie mu ing abli karing pakakalulu, at mika pibandian ka karin banua; kaybat tuki ka kanaku.

Kitang nang Jesus, Nanu ing buri mung daptan ku keka? Maestro, nganang mekibat ning bulag, buri ku, manakit ku sanang pasibayu.

E makanyan kekayu. Nung ing ninuman kekayu bisa yang maging marangal, maging talasuyu ya karing aliwa

Tandanan yu: ing ninumang e tanggap king Kayarian ning Dios kalupa na ning pamananggap na ning anak a malati, e ya milub karin.

Oneng dakal la ding ngeni mumuna a maging tauli, at dakal la ding tauli ngeni a maging mumuna.

Oneng kanita pang kapupurmeruan, inyang lalangan na ning Dios ing sabla, lelangan na lang lalaki at babai ding tau. King uli na niting sangkan, lakuan ne ning lalaki i tata na at i ima na, at makiabe ya king asawa na at ilang adua maging metung la. Inya e na la mibilang adua nune metung na la mu.