Mistari Maarufu ya Biblia kutoka 1 Corinto 12

Shirikisha

Ing balang metung mirinan yang katunayan king atyu ya keya ing Espiritu para king ikakayap da ring sabla.

Ngeni, ikayu ngan katawan na kayung Cristo at dake ne ning balang metung kekayu.

Nung manamdaman ya ing metung nang dake ning katawan, manamdaman la ngang abe na ding aliwang dake; nung ing metung a dake miparangalan ya, ding sablang dake miparangalan lang abe na.

Binie na ning Espiritu king metung ing amanu na ning kabiasnan, kabang king aliwa binie na ing upayang magsalita king beluan. Ing metung at bukud mung Espiritu ya ing minie kasalpantayanan king metung at king aliwang tau ing upayang manulu. Binie na king metung a tau ing upayang dapat milagru; king aliwa, ing magsalita king amanu na ning Dios at king aliwa pa, ing kagiwan makakilala ing pamiyayaliwa da ring regalung ibat king Espiritu at detang e ibat king Espiritu. King aliwa, binie na ning Espiritu ing upayang magsalitang miyayaliwang amanu; king aliwa, ing kagiwan palino king kabaldugan da reting amanu.

Oneng metung ya mu ing Espiritu a darapat kareti; babie yang miyayaliwang kagiwan karing tau, ketang kaburian na.

Inya alang pamipatepate king katawan, oneng ding miyayaliwang dake atin lang malasakit king metung at metung.

Ating miyayaliwang uring regalung espiritual, oneng ibat la ngan deti king metung mung Espiritu. Ating miyayaliwang paralan ning pamaniuyu, oneng metung ya mu ing Ginung susuyuan. Ating miyayaliwang kagiwan oneng ing Dios ya naman ing babie kareti.

Binili na la ning Dios king iglesia ding sabla king kailangan dang pagkabilian: mumuna, ding apostol; kadua, ding propeta; katlu, ding talaturu; at kaybat ding darapat milagru at detang ating upayang manulu o makasaup karing aliwa o mamahala karela o magsalitang miyayaliwang amanu.

Uling dakal lang dake ding bibilug king katawan at e mu metung a dake.

E mu ita, e tamu malyaring mie, nung alalu ding balamu maina nang dake ning katawan.

Nung ing mabilug a katawan mata ya ngan, makananu yang makaramdam? At nung puru ne mang balugbug, makananu yang makabau? Oneng e makanyan; seria na lang binili ning Dios ding miyayaliwang dake king katawan. Alang katawan nung bukud yang metung a dake!