Mistari Maarufu ya Biblia kutoka Oromɛ Shɛɛn 11

Shirikisha

Bani yaŋmuyɔ yi bɛɛri yʼa foro Kilɛ ni. Yaŋmuyɔ yi bɛɛri yi ɲɛ wee gbɔɔrɔ ni. Yaŋmuyɔ bɛɛri yi ɲɛ wu woyo pɛɛŋɛ kʼa dɛri wu mɛgɛ na tuun bɛɛri ni, tɛhɛnɛ baa! Amiina.

Ee! Can na tɛhɛnɛ ɲɛ Kilɛ wo naafuu fɛɛrɛ te, ni wu fungɔngɔ fɛɛrɛ te, ni wu lajɛ wu na wɛ! Wu kiiri keree kʼa ye sipya fungɔngɔ fɛɛrɛ na na kanha! Sipya da ga já wu keree pyegaŋaa cɛ wɛ!

«Jɔgɔ wu dʼa Kafɔɔ fungɔngɔ cɛ wɛ? Jɔgɔ wu dʼa pye wu yɛrivɔɔ wɛ?

Mu li wa niɲaa wo caŋa ɲii le bɛ ni, Izirayɛli nagoo pusamaa nigin nigin wa wà, Kilɛ ya piimu ɲaha bulo na saha ni wuyɛ pyaa wo niimɛ wu ni ge. Ayiwa, Kilɛ bi ta wʼa pee ɲaha bulo na saha ni wuyɛ pyaa wo niimɛ wu ni, wee tuun wu ni lee ya foro puyɛ pyaa kapyegee ni-i dɛ! Ni lee bɛ wɛ, niimɛ wu da já bye nige niimɛ wɛ.

Izirayɛli nagoo pu ɲɛ ba oliviye tige ɲɛ wɛ. A Kilɛ di ki geye ya kɔn laha wà, na mu sogi wà ka takɔngɔ ni, mu shi watii shɛn, mu wemu wu ɲɛ sige wo oliviye tige geŋɛ ge. Kee oliviye tige ki wo niyɛ yʼa tɔn pemu taa ge, a pee di ganha na mu bɛ ɲɔ shaa. Lee wuu na, oliviye geye yemu pʼa kɔn ge, ma ganha ba ɲɔsanga pyi yee na wɛ. Kee tabaara fungɔngɔ ke bu digi ma mu, mʼa yaa na li cɛ na mu ya ta yere ni niyɛ yi ni-i dɛ, ga niyɛ yi yʼa yere ni mu ni.