Mistari Maarufu ya Biblia kutoka مزامیر ۱

Shirikisha

خوشا بحالٚ کسی کی شرورٚ آدمأنٚ اَمرأ مشورت نوکونه و گوناهکارأنٚ رأهٚ دونبأل نیشه و اوشأنی اَمرأ کی همه چی‌یَ مسخره کونیدی، نشست و برخأست نوکونه بلکی اونٚ میل و رغبت خوداوندٚ شریعت ایسه و اونٚ دیل و فیکر شبنده روز درباره‌یٚ خوداوندٚ تعلیم تفکر کونه.

اون ایتأ درختی‌یَ مأنه کی روخانٚ کنار بکاشته نهَه و خودشٚ وخت، خو میوه‌یَ فأده و اونٚ ولگأن هیوخت دوچلکسته نیبه و هر کاری کی کونه، عاقبت به خیر به.

خوداوند، خوروم آدمأنٚ زندگی جأ مواظبت کونه ولی شرورٚ آدمأنٚ آخر عاقبت هلاکت و نابودی ایسه.