Projet de traduction d'un Nouveau Testament en langue Yaka

New Testament in the Yaka language (Congo-Brazzaville)

<div class="version vid3035 iso6393iyx" data-vid="3035" data-iso6393="iyx">
 <div class="book bkACT">
 <div class="chapter ch2" data-usfm="ACT.2">
 <div class="label">2</div><div class="s1">Nzirili a Muheebili wa Ngira</div><div class="p"> 1Iluumbu kia Pentekoti#2.1 PentekotiKwaa Bayuudayo, abeeri mukungi uba kikiinzi maku mataana ma biluumbu, nha mbisi a Paaka. bu kiatoori, babasa imiini mu Nziaambi bakukini nha mbuu mosi. 2Itsundu-a-tsundu, kele yamatii ku yula, weti iteembi kiamifuri, yaluusi nzo yoosi, yi bali badiaala. 3Ndimi weti Milee mia mbaa, diamonii kwaa bo, dio diakabii na diasutii nha yulu a mosi-mosi mu bo. 4Bo boosi baluuli mu Muheebili wa Ngira, na bo babaandii mu utsuu mu ndimi, weti bu Muheebili aleeli kwaa bo mu uyaabisa.</div><div class="p"> 5Ku Yeruselemi kwali na Bayuudayo babali na likiinzi la Nziaambi, bamati mu matsi moosi. 6Kele yii bu yayuyini, koongi a baata yakukini. Bo bakimii, mu ndaa muutu-muutu akiyuu bo, mu utsuu mu ndaa a nde ya bula. 7Bo bapamii na bakimii, baleeli: &#171;Baata ba boosi, a bali pe basi Ngalili? 8Ka buni muutu-muutu mu bisi, ali mu uyuu bo mu utsuu mu ndaa a nde ya bula? 9Nha kati a bisi uli na baata babamata ku Parte, ku Mede, ku Elami, na basi Mesopotami, na Yuuda, na Kapadoki, na Ponte, na itinini kia Asia, 10na Firingia, na Pamfili, na Ngipiti, na mu tsi ya Libi mu itinini ya Kireni, na babamati ku Looma, 11na Bayuudayo, na baata bakimi babakoto mu libuundu la bo, babali ku iduku kia Kerete na babali ku itinini kia Arabi. Ka bunu bisi dili mu uyuu bo, bali mu utsuu mu mandaa ma bisi, mu biyiluu bi bibwe bia Nziaambi.&#187; 12Bo boosi bakimii na mayele mawi bo. Baleelisini nha kati a bo: &#171;Ka maa-na-ma mbiindili ma?&#187; 13Ka ba bamosi basi saa, baleeli: &#171;Maala ma bo bali mu ubaakolo.&#187;</div><div class="s1">Peetero atsuuyi kwaa koongi</div><div class="p"> 14Peetero, atemini itwaari na batumu kuumi na mosi, anaangili ndaa, aleeli kwaa koongi: &#171;Basi Yuuda, na beni boosi babali mu udiaala mu Yeruselemi, &#8220;ditete matswi&#8221; mu manileele beni! Diyaaba ti: 15Baata ba a bakolo pe weti bu beni dili mu utsimi, mundaa ti dikini mu nguungu ya wa mu ngwaali. 16Ka ma ni maleeli mubili Yoweli:</div><div class="q1"> 17&#8220;Mu biluumbu bia tsieelele, bu leeli Nziaambi:</div><div class="q1">Me sa yitili Muheebili a me nha yulu ma nyutu ma baata boosi,</div><div class="q1">baana ba beni ba babaala, na ba Bakaasa sa babili,</div><div class="q1">bafuru ba beni sa bamono mamono misi,</div><div class="q1">na binunu bia beni sa bilooto manziori.</div><div class="q1"> 18Ee, nha yulu a mabooyi ma me ma babaala na ma Bakaasa,</div><div class="q1">mu biluumbu bii, me sa yitili Muheebili a me, na bo sa babili.</div><div class="q1"> 19Me sa mweese bimaanga mu yula,</div><div class="q1">na biliimbi nha tsini a toto:</div><div class="q1">makila, mbaa na tuti la luki.</div><div class="q1"> 20Nyanga sa ikituu pimisi, na</div><div class="q1">tsuungi sa abeenge weti makila,</div><div class="q1">tswaamina iluumbu kia Pfumu ito, iluumbu kii ki inene na kia kimi-kimi.</div><div class="q1"> 21Ka, pasi nde wu ka abili kuumbu a Pfumu, sa ayobuu#2.21 Yoe 3.1-5. .&#8221;</div><div class="p"> 22&#171;Baata ba Iseraeli, diyuu bubwe mandaa ma: Yiisu musi Nazareti, muutu wuu wu Nziaambi atsindii kwaa beni mu sa mu litu bimaanga na biliimbi. Nde ayilii bio nha kati a beni weti bu beni bame diayiluu uyaaba. 23Muutu wuu, wubayeelili weti bu ili kesili a Nziaambi, beni diamudusi, bu diahi muswa kwaa bangooyi mu ukomo nde nha muti wa kuruwa. 24Ka Nziaambi wamusiimbili mu ba bakwa, bu wamukuuli mu mapasi ma likwa, mundaa ti likwa a lali na litu pe, la udiaasa nde. 25Ka Daavidi aleeli mundaa nde:</div><div class="q1">&#8220;Mu taanga dioosi, me nakimono Pfumu nha kulu a me,</div><div class="q1">mundaa nde li nha koo kia me kia babaala, paa me hele uteete.</div><div class="q1"> 26Ni mu buu, mutimi a me li mu uyaanga, na ndimuyimbi mu kinyi;</div><div class="q1">bumosi ka nyutu a me sa yiwuumu kutso ilimbisi.</div><div class="q1"> 27Mundaa ti Pfumu, we a ubwoongolo pe muwuumu a me ku tsi a babakwa;</div><div class="q1">we awunyaala pe wa we wa Ngira amono mbolili.</div><div class="q1"> 28We amweesi me makuulu ma moonyi,</div><div class="q1">we Nziaambi sa luusu me mu kinyi bu we li itwaari na me#2.28 Mkg 16.8-11..&#8221;</div><div class="p"> 29&#171;Baana banguu ba me, nyaalani me ndeele kwaa beni na yaki-yaki, mu toono a kaa Daavidi, ti nde akwi na badii, na ngili a nde yili nha kati a bisi, natee iluumbu ki. 30Bu nde ali mubili, na ali ayaaba ti Nziaambi alasini na alabi mukisi mu nde ti, mosi wa mu likaanda la nde, sa adiaala nha yulu a mbata a ipfumu kia nde, 31Daavidi akwibili tsimbilili a Mesiya mu babakwa, bu aleeli:</div><div class="q1">&#8220;Nde a bamubwongolo pe ku tsi a babakwa;</div><div class="q1">na nyutu a nde ayaboli pe mutso ngili#2.31 Mkg 16.10..&#8221;</div><div class="m"> 32Yiisu wuu, wu Nziaambi usiimbili mu babakwa, na bisi boosi dili bambaangi ba mamono misi. 33Nziaambi wamunaangili nha koo kia Nde kia babaala. Na aholi kwaa Taayi, Muheebili wa Ngira wu Nziaambi alasini. Yiisu ayitili Nde nha yulu a bisi, mbii bu beni dili mu umono na uyuu mu taanga di. 34Ka, Daavidi a ahaati pe ku mayula, bunu nde aleeli:</div><div class="q1">&#8220;Pfumu Nziaambi aleeli kwaa Pfumu a me:</div><div class="q1">diaala nha koo kia me kia babaala,</div><div class="q1"> 35natee me nisuusu mitaata mia we ku tsini a miili mia we#2.35 Mkg 110.1..&#8221;</div><div class="m"> 36Ni mu buu, nzo a Iseraeli yoosi yafwaana uyaaba bubwe ti Yiisu wu beni diakomi nha kuruwa, Nziaambi biaalisi nde Pfumu na Mesiya!&#187;</div><div class="p"> 37Bu bamana uyuu maa, bo bamoni pasi kutso mitimi, na baleeli kwaa Peetero na kwaa batumu ba bamosi: &#171;Baana ba nguu, bisi buni diafwaana usa?&#187; 38Peetero avutili aleeli kwaa bo: &#171;Dikiingili mayele, disobo ndiaatili na muutu-muutu aholo libootuu mu kuumbu a Yiisu Kristo. Diyiluu buu paa Nziaambi asa masumu ma beni kolokolo, tumake sadiholo bungori ba Muheebili wa Ngira. 39Ka lilasina la Nziaambi lili la beni, na baana ba beni, na bana boosi babali kula, ba Pfumu Nziaambi a bisi akaata mbili.&#187;</div><div class="p"> 40Peetero ayaabisi bo mandaa makimi ma malayi, mu uyuhusu na uhamisa bo, aleeli: &#171;Diholo liyobolo, dipala kutso isieende ki ibi ki!&#187; 41Ba basiingi mandaa ma nde baholi libootuu, na mu iluumbu kii, helape mapfuundu matata ma baata, mafunisi kaba la baba sa imiini mu Nziaambi.</div><div class="s1">Moonyi a libuundu</div><div class="p"> 42Bo boosi bahami munziisili a batumu, mu itwaari, mu kabili a lipa na mu likuundu. 43Bo boosi babayi boomo balaa, mundaa ti Nziaambi akiyiluu bimaanga na biliimbi bialaa mu batumu. 44Boosi babasi imiini bali itwaari, na bakikaba bioosi biali na bo. 45Bo bayalii matsiee na mbahili a bo, na bakabi mboongo dii kwaa boosi, weti bwali manzala ma pasi muutu. 46Pasi iluumbu, bo bakihama mu ukukunu kutso lipaanga la Nzo a Nziaambi, na bakikaba lipa mu manzo na bakidia biloo mu kinyi na mu mutimi wa bwaasi. 47Bakibili Nziaambi na babayi bweese kwaa baata boosi. Na Pfumu akibweese pasi iluumbu, litaanga la baata ba bayobii.</div>
 </div>
 </div>
</div>

Iluumbu kia Pentekoti bu kiatoori, babasa imiini mu Nziaambi bakukini nha mbuu mosi. Itsundu-a-tsundu, kele yamatii ku yula, weti iteembi kiamifuri, yaluusi nzo yoosi, yi bali badiaala. Ndimi weti Milee mia mbaa, diamonii kwaa bo, dio diakabii na diasutii nha yulu a mosi-mosi mu bo. Bo boosi baluuli mu Muheebili wa Ngira, na bo babaandii mu utsuu mu ndimi, weti bu Muheebili aleeli kwaa bo mu uyaabisa.
Ku Yeruselemi kwali na Bayuudayo babali na likiinzi la Nziaambi, bamati mu matsi moosi. Kele yii bu yayuyini, koongi a baata yakukini. Bo bakimii, mu ndaa muutu-muutu akiyuu bo, mu utsuu mu ndaa a nde ya bula. Bo bapamii na bakimii, baleeli: «Baata ba boosi, a bali pe basi Ngalili? Ka buni muutu-muutu mu bisi, ali mu uyuu bo mu utsuu mu ndaa a nde ya bula? Nha kati a bisi uli na baata babamata ku Parte, ku Mede, ku Elami, na basi Mesopotami, na Yuuda, na Kapadoki, na Ponte, na itinini kia Asia, na Firingia, na Pamfili, na Ngipiti, na mu tsi ya Libi mu itinini ya Kireni, na babamati ku Looma, na Bayuudayo, na baata bakimi babakoto mu libuundu la bo, babali ku iduku kia Kerete na babali ku itinini kia Arabi. Ka bunu bisi dili mu uyuu bo, bali mu utsuu mu mandaa ma bisi, mu biyiluu bi bibwe bia Nziaambi.» Bo boosi bakimii na mayele mawi bo. Baleelisini nha kati a bo: «Ka maa-na-ma mbiindili ma?» Ka ba bamosi basi saa, baleeli: «Maala ma bo bali mu ubaakolo.»

Peetero, atemini itwaari na batumu kuumi na mosi, anaangili ndaa, aleeli kwaa koongi: «Basi Yuuda, na beni boosi babali mu udiaala mu Yeruselemi, “ditete matswi” mu manileele beni! Diyaaba ti: Baata ba a bakolo pe weti bu beni dili mu utsimi, mundaa ti dikini mu nguungu ya wa mu ngwaali. Ka ma ni maleeli mubili Yoweli:
“Mu biluumbu bia tsieelele, bu leeli Nziaambi:
Me sa yitili Muheebili a me nha yulu ma nyutu ma baata boosi,
baana ba beni ba babaala, na ba Bakaasa sa babili,
bafuru ba beni sa bamono mamono misi,
na binunu bia beni sa bilooto manziori.
Ee, nha yulu a mabooyi ma me ma babaala na ma Bakaasa,
mu biluumbu bii, me sa yitili Muheebili a me, na bo sa babili.
Me sa mweese bimaanga mu yula,
na biliimbi nha tsini a toto:
makila, mbaa na tuti la luki.
Nyanga sa ikituu pimisi, na
tsuungi sa abeenge weti makila,
tswaamina iluumbu kia Pfumu ito, iluumbu kii ki inene na kia kimi-kimi.
Ka, pasi nde wu ka abili kuumbu a Pfumu, sa ayobuu.”
«Baata ba Iseraeli, diyuu bubwe mandaa ma: Yiisu musi Nazareti, muutu wuu wu Nziaambi atsindii kwaa beni mu sa mu litu bimaanga na biliimbi. Nde ayilii bio nha kati a beni weti bu beni bame diayiluu uyaaba. Muutu wuu, wubayeelili weti bu ili kesili a Nziaambi, beni diamudusi, bu diahi muswa kwaa bangooyi mu ukomo nde nha muti wa kuruwa. Ka Nziaambi wamusiimbili mu ba bakwa, bu wamukuuli mu mapasi ma likwa, mundaa ti likwa a lali na litu pe, la udiaasa nde. Ka Daavidi aleeli mundaa nde:
“Mu taanga dioosi, me nakimono Pfumu nha kulu a me,
mundaa nde li nha koo kia me kia babaala, paa me hele uteete.
Ni mu buu, mutimi a me li mu uyaanga, na ndimuyimbi mu kinyi;
bumosi ka nyutu a me sa yiwuumu kutso ilimbisi.
Mundaa ti Pfumu, we a ubwoongolo pe muwuumu a me ku tsi a babakwa;
we awunyaala pe wa we wa Ngira amono mbolili.
We amweesi me makuulu ma moonyi,
we Nziaambi sa luusu me mu kinyi bu we li itwaari na me.”
«Baana banguu ba me, nyaalani me ndeele kwaa beni na yaki-yaki, mu toono a kaa Daavidi, ti nde akwi na badii, na ngili a nde yili nha kati a bisi, natee iluumbu ki. Bu nde ali mubili, na ali ayaaba ti Nziaambi alasini na alabi mukisi mu nde ti, mosi wa mu likaanda la nde, sa adiaala nha yulu a mbata a ipfumu kia nde, Daavidi akwibili tsimbilili a Mesiya mu babakwa, bu aleeli:
“Nde a bamubwongolo pe ku tsi a babakwa;
na nyutu a nde ayaboli pe mutso ngili.”
Yiisu wuu, wu Nziaambi usiimbili mu babakwa, na bisi boosi dili bambaangi ba mamono misi. Nziaambi wamunaangili nha koo kia Nde kia babaala. Na aholi kwaa Taayi, Muheebili wa Ngira wu Nziaambi alasini. Yiisu ayitili Nde nha yulu a bisi, mbii bu beni dili mu umono na uyuu mu taanga di. Ka, Daavidi a ahaati pe ku mayula, bunu nde aleeli:
“Pfumu Nziaambi aleeli kwaa Pfumu a me:
diaala nha koo kia me kia babaala,
natee me nisuusu mitaata mia we ku tsini a miili mia we.”
Ni mu buu, nzo a Iseraeli yoosi yafwaana uyaaba bubwe ti Yiisu wu beni diakomi nha kuruwa, Nziaambi biaalisi nde Pfumu na Mesiya!»
Bu bamana uyuu maa, bo bamoni pasi kutso mitimi, na baleeli kwaa Peetero na kwaa batumu ba bamosi: «Baana ba nguu, bisi buni diafwaana usa?» Peetero avutili aleeli kwaa bo: «Dikiingili mayele, disobo ndiaatili na muutu-muutu aholo libootuu mu kuumbu a Yiisu Kristo. Diyiluu buu paa Nziaambi asa masumu ma beni kolokolo, tumake sadiholo bungori ba Muheebili wa Ngira. Ka lilasina la Nziaambi lili la beni, na baana ba beni, na bana boosi babali kula, ba Pfumu Nziaambi a bisi akaata mbili.»
Peetero ayaabisi bo mandaa makimi ma malayi, mu uyuhusu na uhamisa bo, aleeli: «Diholo liyobolo, dipala kutso isieende ki ibi ki!» Ba basiingi mandaa ma nde baholi libootuu, na mu iluumbu kii, helape mapfuundu matata ma baata, mafunisi kaba la baba sa imiini mu Nziaambi.

Bo boosi bahami munziisili a batumu, mu itwaari, mu kabili a lipa na mu likuundu. Bo boosi babayi boomo balaa, mundaa ti Nziaambi akiyiluu bimaanga na biliimbi bialaa mu batumu. Boosi babasi imiini bali itwaari, na bakikaba bioosi biali na bo. Bo bayalii matsiee na mbahili a bo, na bakabi mboongo dii kwaa boosi, weti bwali manzala ma pasi muutu. Pasi iluumbu, bo bakihama mu ukukunu kutso lipaanga la Nzo a Nziaambi, na bakikaba lipa mu manzo na bakidia biloo mu kinyi na mu mutimi wa bwaasi. Bakibili Nziaambi na babayi bweese kwaa baata boosi. Na Pfumu akibweese pasi iluumbu, litaanga la baata ba bayobii.

Sikiliza Biyiluu 2