If you would like a copy of this version please contact info@davaraudiobibles.org

Zande Bible © 1978, UBS, Bible Society of the Democratic Republic of Congo. (Text)
Zande Audio Bible ℗ 2025, Davar Partners International. (Audio)

Zande Bible Version 1978

<div class="version vid2922 iso6393zne" data-vid="2922" data-iso6393="zne">
 <div class="book bkMAT">
 <div class="chapter ch9" data-usfm="MAT.9">
 <div class="label">9</div><div class="s1">Yesu ahusi boro ngbaramoni</div><div class="r">(Mk. 2:1-12; Rk. 5:17-26)</div><div class="p"> 1Yesu ki rimi ku kurungba yo, ki si ku mbiti yo, ki da rogo gako bakporo. 2Oni ng&#233;re, i ki ye na kumba nakaza be ngbaramoni, ko ki pi auru ba. Yesu ata bi gayo idapase niya fu gu ko nadu na ngbaramoni, &#8220;Gude, mo w&#225;sa; i vu ro ti ga ingaapai.&#8221; 3Oni ngere, agu yo dagba abakeapai ki ber&#7869; he ku kpotoyo yo ya, &#8220;Gi kumba re nagber&#227; ngbako yo.&#8221; 4Yesu ki ta ina gayo ber&#227; niya fu yo, &#8220;Tipagine oni aber&#227; gbegber&#7869;pai ti ni ku kpotoroni yo? 5Gini pai ipi watadu ya, &#8216;I vu ro ti ga ingaapai&#8217;, na ya, &#8216;Mo g&#250;ari, ki nita&#8217;? 6Ono ka oni ini he ya Wiri boro rengbe omeko na vu boro ti ingaapai&#8221; ko ki ya fu gu ko nadu na ngbaramoni, &#8220;Mo g&#250;ari, ki di ga ira, ki ga ku kpuro yo.&#8221; 7Ko ki guari, ki ga ku kpuko yo. 8Ono ho rimbasa abi he ni, i ki gunde agunde, ki irisi Mbori, nga gu ko nafu ome fu aboro wa gere.</div><div class="s1">Yesu avambu Matayo</div><div class="r">(Mk. 2:13-17; Rk. 5:27-32)</div><div class="m"> 9Wa Yesu aguari yo ka susa, ko ki bi boro sa nga Matayo, ko sungu rogo gu ba i naafu mar&#227; ku ho ni; ko ki ya fu ko, &#8220;Mo nipeke re.&#8221; Ko ki guari ki nipeke ko.</div><div class="p"> 10Si ki ta du wa gere, wa ko asungu ka ri riahe dimo yo, oni ng&#233;re, dungu abarogo mar&#227; ngbeti na aboro ingaapai ki ye ki sungu pati Yesu na gako abawiriki. 11Ho aFarusi abi he ni, i ki ya fu ga Yesu abawiriki, &#8220;Tipagine gaoni Bayugupai ari riahe ti ni na abarogo mar&#227; ngbeti na aboro ingaapai?&#8221; 12Ho Yesu agi gi pai ni re, ko ki ya fu yo, &#8220;Agu aboro nyaki anyaka i aida nga na munganga te, ono kina agu yo du na kaza. 13Ono oni nd&#250; ka wirika gi pai re, &#8216;Mi nakpi nyemu weneringise, motumo te.&#8217; Bambiko mi aye nga ka yamba ruru aboro te, ono ingiingi yo.&#8221;</div><div class="s1">Sanahe tipa gina riahe</div><div class="r">(Mk. 2:18-22; Rk. 5:33-39)</div><div class="m"> 14Ga Yoane abawiriki ki ye fuo Yesu, ki ya fu ko, &#8220;Tipagine ani nagina riahe ti ni na aFarusi ti dungu rago, ono gamo abawiriki agina nga riahe te?&#8221; 15Yesu ki ya fu yo, &#8220;Aboro kporo diade ka i kpari wa du yo sa na gu ni di de? gu rago nikada ho i ka dia kumba ku de ni pati yo, i ki nigina riahe. 16A nga boro sa ka rungu vovo remu ti bangiri kuru remu te; bambiko gu i nirungu he na ni, si ki dura gu roko re bangirihe susi gu nadu mbata. 17Ka i uka nga vovo imekakue ku rogo kuru mangu imekakue a te; vuru mangu ka su, imekakue ki uka auka, mangu ki siri asira; ono i niuka vovo imekakue kina ku rogo vovo mangu, si ki mongo bati ue.&#8221;</div><div class="s1">Wiri bazogo na gu de nazadi ga Yesu remu</div><div class="r">(Mk. 5:21-43; Rk. 8:40-56)</div><div class="m"> 18Wa Yesu agumba agi apai ni re fu yo, oni ng&#233;re gu bazogo ki ta ye, niirisi ko, niya, &#8220;Ka wire ima kpi awere nga de; ono mo y&#233; ka maa bero auru ri, ri ki bati.&#8221; 19Yesu ki guari ki nipe ko, gako abawiriki ki mangi kina wo. 20Oni ng&#233;re, de, kureri anaga gar&#227;ha ki du bawe na ue, ri ki ye gii ko yo ki zadi ngba gako remu: 21bambiko ri aya ku kpotori yo, &#8220;Ka mi zadi kina gako remu, mi bati abata.&#8221; 22Yesu ki bir&#297; tiko, ki ta bi ri niya, &#8220;Vungu, mo w&#225;sa; ga idapase batasi ro.&#8221; Were de ki bati ni kina gu saa re. 23Ho Yesu ada ni dimo ku gu bazogo yo re, abavudinganzi i nimangi gbarakagbaraka na rimbasa, 24ko ki ya, &#8220;Oni r&#250; nga; bambiko degude akpi nga te, ono ri nara ara.&#8221; I ki nimomu ko amoma nipayasi rimoko. 25Ono ho i akusi rimbasa ni, ko ki rimi, ki zi ri ti beri; degude ki guari ku ari. 26Pangbangaha ki gbandaka agbandaka ku rogo gu ringara dunduko re.</div><div class="s1">Airavurari ue angere berewe</div><div class="m"> 27Wa Yesu asusi yo, airavurari ki nipeke ko ue, ki nikpari niya, &#8220;Mo ini pai fu rani, mo nga wiri Dawidi.&#8221; 28Wa ko arimi ku dimo yo, agu airavurari ki ye fuo ko re; Yesu ki ya fu yo, &#8220;Oni idi pa ha ya mi rengbe na manga gere?&#8221; I ki ya fu ko, &#8220;Ii, Gbia.&#8221; 29Ko ki ta zada bangiriyo, niya, &#8220;I m&#225;ngi he fu roni wa du gaoni idapase.&#8221; 30Bangiriyo ki ha. Yesu ki rugu yo nyanyaki ki ya, &#8220;Ka boro gi nga pa gi pai re wa sa ya.&#8221; 31Ono i ata kura nitona gbandaka gako pangbanga ku rogo gu rago dunduko re.</div><div class="s1">Kumba na kisikisi ngbako ki fura</div><div class="m"> 32Ho i akuru ni, oni ng&#233;re, i ki ye na kumba koyo du Yesu ni, nadu na kisikisi ngbako, daimona ki du kpotoko yo. 33Ho Yesu adandi daimona ni, gu kumba ki fura naadu na kisikisi ngbako; rimbasa aboro ki kigi akiga, ki ya, &#8220;I abi nga pai wa gere dagba aYisaraere mbata te.&#8221; 34Ono aFarusi ki ya, &#8220;Ko nadanda adaimona vurube gbia adaimona.&#8221;</div><div class="s1">Nunga rimbasa aboro amangi Yesu</div><div class="m"> 35Yesu ki ta ata dagba abaakporo na akporo dunduko, ki niyugu pai rogo gayo abambutiria, ki nitungusi gu wene pangbanga nga ga ga Mbori ngbi, nihusi ngbatunga akaza na ngbatunga awokote dunduko. 36Ono ho ko abi arimbasa ni, nungayo ki mangi ko, bambiko i arungo, ki nigbandaka, wa kina agu akandoro adu nga na babandara ti ra ya. 37Ko ki ya fu gako abawiriki w&#7869;, &#8220;Zuzuhe ni bakere he ni rengo, ono abamangisunge ni kina umba yo. 38Oni kp&#225;ri tie fu gu Gbia du zuzuhe ni gako, ko kedi abamangisunge ku rogo gako ati zuzuhe.&#8221;</div>
 </div>
 </div>
</div>

Yesu ki rimi ku kurungba yo, ki si ku mbiti yo, ki da rogo gako bakporo. Oni ngére, i ki ye na kumba nakaza be ngbaramoni, ko ki pi auru ba. Yesu ata bi gayo idapase niya fu gu ko nadu na ngbaramoni, “Gude, mo wása; i vu ro ti ga ingaapai.” Oni ngere, agu yo dagba abakeapai ki berẽ he ku kpotoyo yo ya, “Gi kumba re nagberã ngbako yo.” Yesu ki ta ina gayo berã niya fu yo, “Tipagine oni aberã gbegberẽpai ti ni ku kpotoroni yo? Gini pai ipi watadu ya, ‘I vu ro ti ga ingaapai’, na ya, ‘Mo gúari, ki nita’? Ono ka oni ini he ya Wiri boro rengbe omeko na vu boro ti ingaapai” ko ki ya fu gu ko nadu na ngbaramoni, “Mo gúari, ki di ga ira, ki ga ku kpuro yo.” Ko ki guari, ki ga ku kpuko yo. Ono ho rimbasa abi he ni, i ki gunde agunde, ki irisi Mbori, nga gu ko nafu ome fu aboro wa gere.


Wa Yesu aguari yo ka susa, ko ki bi boro sa nga Matayo, ko sungu rogo gu ba i naafu marã ku ho ni; ko ki ya fu ko, “Mo nipeke re.” Ko ki guari ki nipeke ko.
Si ki ta du wa gere, wa ko asungu ka ri riahe dimo yo, oni ngére, dungu abarogo marã ngbeti na aboro ingaapai ki ye ki sungu pati Yesu na gako abawiriki. Ho aFarusi abi he ni, i ki ya fu ga Yesu abawiriki, “Tipagine gaoni Bayugupai ari riahe ti ni na abarogo marã ngbeti na aboro ingaapai?” Ho Yesu agi gi pai ni re, ko ki ya fu yo, “Agu aboro nyaki anyaka i aida nga na munganga te, ono kina agu yo du na kaza. Ono oni ndú ka wirika gi pai re, ‘Mi nakpi nyemu weneringise, motumo te.’ Bambiko mi aye nga ka yamba ruru aboro te, ono ingiingi yo.”


Ga Yoane abawiriki ki ye fuo Yesu, ki ya fu ko, “Tipagine ani nagina riahe ti ni na aFarusi ti dungu rago, ono gamo abawiriki agina nga riahe te?” Yesu ki ya fu yo, “Aboro kporo diade ka i kpari wa du yo sa na gu ni di de? gu rago nikada ho i ka dia kumba ku de ni pati yo, i ki nigina riahe. A nga boro sa ka rungu vovo remu ti bangiri kuru remu te; bambiko gu i nirungu he na ni, si ki dura gu roko re bangirihe susi gu nadu mbata. Ka i uka nga vovo imekakue ku rogo kuru mangu imekakue a te; vuru mangu ka su, imekakue ki uka auka, mangu ki siri asira; ono i niuka vovo imekakue kina ku rogo vovo mangu, si ki mongo bati ue.”


Wa Yesu agumba agi apai ni re fu yo, oni ngére gu bazogo ki ta ye, niirisi ko, niya, “Ka wire ima kpi awere nga de; ono mo yé ka maa bero auru ri, ri ki bati.” Yesu ki guari ki nipe ko, gako abawiriki ki mangi kina wo. Oni ngére, de, kureri anaga garãha ki du bawe na ue, ri ki ye gii ko yo ki zadi ngba gako remu: bambiko ri aya ku kpotori yo, “Ka mi zadi kina gako remu, mi bati abata.” Yesu ki birĩ tiko, ki ta bi ri niya, “Vungu, mo wása; ga idapase batasi ro.” Were de ki bati ni kina gu saa re. Ho Yesu ada ni dimo ku gu bazogo yo re, abavudinganzi i nimangi gbarakagbaraka na rimbasa, ko ki ya, “Oni rú nga; bambiko degude akpi nga te, ono ri nara ara.” I ki nimomu ko amoma nipayasi rimoko. Ono ho i akusi rimbasa ni, ko ki rimi, ki zi ri ti beri; degude ki guari ku ari. Pangbangaha ki gbandaka agbandaka ku rogo gu ringara dunduko re.

Wa Yesu asusi yo, airavurari ki nipeke ko ue, ki nikpari niya, “Mo ini pai fu rani, mo nga wiri Dawidi.” Wa ko arimi ku dimo yo, agu airavurari ki ye fuo ko re; Yesu ki ya fu yo, “Oni idi pa ha ya mi rengbe na manga gere?” I ki ya fu ko, “Ii, Gbia.” Ko ki ta zada bangiriyo, niya, “I mángi he fu roni wa du gaoni idapase.” Bangiriyo ki ha. Yesu ki rugu yo nyanyaki ki ya, “Ka boro gi nga pa gi pai re wa sa ya.” Ono i ata kura nitona gbandaka gako pangbanga ku rogo gu rago dunduko re.

Ho i akuru ni, oni ngére, i ki ye na kumba koyo du Yesu ni, nadu na kisikisi ngbako, daimona ki du kpotoko yo. Ho Yesu adandi daimona ni, gu kumba ki fura naadu na kisikisi ngbako; rimbasa aboro ki kigi akiga, ki ya, “I abi nga pai wa gere dagba aYisaraere mbata te.” Ono aFarusi ki ya, “Ko nadanda adaimona vurube gbia adaimona.”

Yesu ki ta ata dagba abaakporo na akporo dunduko, ki niyugu pai rogo gayo abambutiria, ki nitungusi gu wene pangbanga nga ga ga Mbori ngbi, nihusi ngbatunga akaza na ngbatunga awokote dunduko. Ono ho ko abi arimbasa ni, nungayo ki mangi ko, bambiko i arungo, ki nigbandaka, wa kina agu akandoro adu nga na babandara ti ra ya. Ko ki ya fu gako abawiriki wẽ, “Zuzuhe ni bakere he ni rengo, ono abamangisunge ni kina umba yo. Oni kpári tie fu gu Gbia du zuzuhe ni gako, ko kedi abamangisunge ku rogo gako ati zuzuhe.”

Sikiliza Matayo 9