Selaru: Maslyarw

<div class="version vid2511 iso6393slu" data-vid="2511" data-iso6393="slu">
 <div class="book bkRUT">
 <div class="chapter ch3" data-usfm="RUT.3">
 <div class="label">3</div><div class="s">Rut bya ti yait Boas ti wen rabesak jelai tike</div><div class="p"> 1Sekwe it huruk bonyo Naomi tyanuk ti sobai Rut de byohe, &#8220;Anakw o, musti mo kobak wamwankye it ma musaa mor i, ma kete kika nam matol ti o. 2Ode Boas neke ilura o ma mutoha wasi makarya wamfwet desikre etatare ne, ma muily jelaike ti wasi boke ne, desike ne ksyusu ohe yal eraske ti o ma desy. Boas neke sekye krala sasam ity dakun. Lemade mtwomolu mamak nam kutanuk ne! Metdyet neke Boas ana byai wen rabesak jelai tike. 3Lemade muris, ode mhwonak rabit eras-eras ne it, ode mkwasa nul mahon a mtelaske ti o, ode mbwai wen a Boas rabesak jelai tike. Keskyede msweak mamak ma kete hye o. Ode msweak ma iknam o yenw ma ktei aduk. 4Ode mlwaw ma kolnye ti yenaf, desikeo mbwihy mamak wen ienaf tike. Ma kolnye mhwe wen a ienaf tike de, desikeo mlwakut kakakan bai desy, ti mbwitil kakakan wasi insekirke toha lwau-na ktutunare, maktei o menaf ti lwau-na ktutu desikre. Mamode kyoat a byatar, desikeo ana lyosu ti o ohe, musti mo ana mala sai.&#8221;</div><div class="p"> 5Dendye Rut a hyalas ryana Naomi ma byohe, &#8220;Ou, eno, ana ktwoha nam mutanuk nekre mumu.&#8221; 6Lemadendye Rut byai wen a rabesak jelai tike, ode tyoha nam ryana-na isurat ti i desikre mumu.</div><div class="p"> 7Ode kyoat Boas iknam ma ktei, desikeo ryekan ti wasi mormyorifke ma khyury ma ralake kimukmuka i, lemade bya ti yenaf ma nyey a jelai rautun desikre. Ode kyoat ienaf ma itebti bonyo, Rut lyakut kakakan ba ti byitil Boas wasi insekirke toha lwau-na ktutunare, maktei o yenaf ma nyey a Boas lwau-na ktutu desikre.</div><div class="p"> 8Ode ti metdyet a kditlan ne, Boas imsel ma iasyeri i bonyo, kele rsumuk mait i ma yatos o, irkye it a yenaf ma nyey a lwau-na ktutunare, neke wamfwet a i! 9Dendye yena wamfwet desy ma byohe, &#8220;Hei, esei o de?&#8221;</div><div class="m"> </div><div class="p">Lemade Rut hyalas i ma byohe, &#8220;Yaw ne Rut, iry a lema maka kbuan ne. Kuten ma lemamo mal yaw ti wasimw rabit narnarkwe hah desy, ma sawamw a yaw.#3:9 Ti tel Ibranike Rut byohe, mal yaw ti wasimw rabit narnarkwe hah desy. Neke kbuanke o, Rut iten Boas ma yal i ma sawa i, ma ijaga i. Kali oi neke mor laikw mamaty ne sekye krala sasam e, dendye musti mo oi ne mlwitan eta yaw.&#8221;#3:9 Ti ayat ne kbyohe, mlwitan eta, ode iry Maslyarw a ity ne kyalamo tbohe, mhwar huskwe. Neke kbuanke o, wasimw harharke desy.</div><div class="p"> 10Lemade Boas a hyalas i de byohe, &#8220;Anakw o, kuten ma Hulasow YANWE#3:10 Ti tel Ibranike Hulasokwe anike YHWH. Any YHWH neke tkesy ti Kitab Lanke ti tel Maslyarkwe, desikeo Hulasow YANWE. Kali any a YHWH neke kbuanke o, Aku adalah Aku. Matos ti Rut 3:13 dakun. yal eraske ti o. Kali senwe ktela muala neke eras ma kbyilak ktela liahke muala ti ryanamkwe. Ma oi ne lema ti muobak a lyalaw murare ma musaa mor sir, biar ma sir desike raka wait maloly, ta lema raka wait maloly dakun. 11Lemadendye kete ralamkwe kakan. Kali nam mutanuk desikre, ana kala mumu. Kali iry ribun lan mamin hnu neke rhe ohe, oi neke wamfwet eras a o. 12#Rut 2:20Dendye mlay, yaw ne bisa ma klwitan eta o, kali kor a e ne sekye krala sasam ity. Keskyede irkye it dakun neke, ana bisa ma lyitan eta o a kmuna, kali i desike wasimy sekye krala elik-elikke i desy. 13Ode metdyetke lan de, dendye kete mulak o bai hnuke de. De menaf ne bo. Ode ana bolbol ne, desikeo kbwa ti ksweak iry a kulosu i ti o ohe, ana bisa ma ilitan eta o a kmuna ne, ma kena i ohe, you ma lyitan eta o ta lema. Ma kolnye you, desike eras ma miru misa, dete kolnye lema you, desikemo kal Hulasow mamorif ne Anike, neke Hulasow YANWE, ma kuhatetak ohe, ana yaw ne kusaa kor o ma klwitan eta o. Dendye menaf ti ne bo.&#8221;</div><div class="p"> 14Lemade Rut yenaf ma nyey a Boas lwau-na ktutunare ti desy nini nyamo ne, desikeo Rut byatar, ma kete irire rhe i. Kali Boas a tyanuk ti i a kmuna deny ohe, &#8220;Msweak mamak, ma kete kyal nini irire rhe ohe, mmwai wen rabesak jelaike ti ne.&#8221;</div><div class="p"> 15Dendye Boas tyanuk ti i ma byohe, &#8220;Mhwela wasimw lelel smwel desy ti ne.&#8221;</div><div class="p">Lemade Rut a hyela wasi lelel smwel desike ti desy. Ode Boas syarah jelai rautun desikre ti ur akye ma kbyenw ma yalik ti lelel smwel desy. Yala koldyesy kdi a kla-nem.#3:15 Ti ayat ne kbyohe, jelaike kbyenw ur akye ma yalik ti lelel smwel desy kdi a kla-nem, neke wasi mdedanke kola ne tatyailke hean-telw. Maktei o syumuk ti Rut ma hyah, ma byai hnuke. Ode lema soso bonyo, nenmo Boas byai hnuke dakun.</div><div class="p"> 16Ode kyoat a Rut inait sekye bonyo, Naomi yena i ma byohe, &#8220;Anakw o! Mane kolkyabei ti Boas de?&#8221;</div><div class="p">Lemade Rut ihes nam ribun lan Boas itanuk ti i desikre mumu ti ryana. 17Maktei o Rut a lyosu ti ryana ohe, &#8220;Boas i ne inal jelai nekre ma yaw ne, ma kolnye kmwai hnuke ma kait a o, desikemo kete kumran ti mamake.&#8221;</div><div class="p"> 18Dendye Naomi tyanuk ma byohe, &#8220;Anakw o, takita aduk ma tseak ohe, nam sai ana kdi ti. Kali khwe ohe, Boas neke lema imres elik, ma yobak a ksala nini ktela desikre kdi ti bo.&#8221;</div>
 </div>
 </div>
</div>

© Yayasan Pemberdayaan Masyarakat Desa, Wycliffe Bible Translators, Inc.

Sekwe it huruk bonyo Naomi tyanuk ti sobai Rut de byohe, “Anakw o, musti mo kobak wamwankye it ma musaa mor i, ma kete kika nam matol ti o. Ode Boas neke ilura o ma mutoha wasi makarya wamfwet desikre etatare ne, ma muily jelaike ti wasi boke ne, desike ne ksyusu ohe yal eraske ti o ma desy. Boas neke sekye krala sasam ity dakun. Lemade mtwomolu mamak nam kutanuk ne! Metdyet neke Boas ana byai wen rabesak jelai tike. Lemade muris, ode mhwonak rabit eras-eras ne it, ode mkwasa nul mahon a mtelaske ti o, ode mbwai wen a Boas rabesak jelai tike. Keskyede msweak mamak ma kete hye o. Ode msweak ma iknam o yenw ma ktei aduk. Ode mlwaw ma kolnye ti yenaf, desikeo mbwihy mamak wen ienaf tike. Ma kolnye mhwe wen a ienaf tike de, desikeo mlwakut kakakan bai desy, ti mbwitil kakakan wasi insekirke toha lwau-na ktutunare, maktei o menaf ti lwau-na ktutu desikre. Mamode kyoat a byatar, desikeo ana lyosu ti o ohe, musti mo ana mala sai.”
Dendye Rut a hyalas ryana Naomi ma byohe, “Ou, eno, ana ktwoha nam mutanuk nekre mumu.” Lemadendye Rut byai wen a rabesak jelai tike, ode tyoha nam ryana-na isurat ti i desikre mumu.
Ode kyoat Boas iknam ma ktei, desikeo ryekan ti wasi mormyorifke ma khyury ma ralake kimukmuka i, lemade bya ti yenaf ma nyey a jelai rautun desikre. Ode kyoat ienaf ma itebti bonyo, Rut lyakut kakakan ba ti byitil Boas wasi insekirke toha lwau-na ktutunare, maktei o yenaf ma nyey a Boas lwau-na ktutu desikre.
Ode ti metdyet a kditlan ne, Boas imsel ma iasyeri i bonyo, kele rsumuk mait i ma yatos o, irkye it a yenaf ma nyey a lwau-na ktutunare, neke wamfwet a i! Dendye yena wamfwet desy ma byohe, “Hei, esei o de?”

Lemade Rut hyalas i ma byohe, “Yaw ne Rut, iry a lema maka kbuan ne. Kuten ma lemamo mal yaw ti wasimw rabit narnarkwe hah desy, ma sawamw a yaw. Kali oi neke mor laikw mamaty ne sekye krala sasam e, dendye musti mo oi ne mlwitan eta yaw.”
Lemade Boas a hyalas i de byohe, “Anakw o, kuten ma Hulasow YANWE yal eraske ti o. Kali senwe ktela muala neke eras ma kbyilak ktela liahke muala ti ryanamkwe. Ma oi ne lema ti muobak a lyalaw murare ma musaa mor sir, biar ma sir desike raka wait maloly, ta lema raka wait maloly dakun. Lemadendye kete ralamkwe kakan. Kali nam mutanuk desikre, ana kala mumu. Kali iry ribun lan mamin hnu neke rhe ohe, oi neke wamfwet eras a o. Dendye mlay, yaw ne bisa ma klwitan eta o, kali kor a e ne sekye krala sasam ity. Keskyede irkye it dakun neke, ana bisa ma lyitan eta o a kmuna, kali i desike wasimy sekye krala elik-elikke i desy. Ode metdyetke lan de, dendye kete mulak o bai hnuke de. De menaf ne bo. Ode ana bolbol ne, desikeo kbwa ti ksweak iry a kulosu i ti o ohe, ana bisa ma ilitan eta o a kmuna ne, ma kena i ohe, you ma lyitan eta o ta lema. Ma kolnye you, desike eras ma miru misa, dete kolnye lema you, desikemo kal Hulasow mamorif ne Anike, neke Hulasow YANWE, ma kuhatetak ohe, ana yaw ne kusaa kor o ma klwitan eta o. Dendye menaf ti ne bo.”
Lemade Rut yenaf ma nyey a Boas lwau-na ktutunare ti desy nini nyamo ne, desikeo Rut byatar, ma kete irire rhe i. Kali Boas a tyanuk ti i a kmuna deny ohe, “Msweak mamak, ma kete kyal nini irire rhe ohe, mmwai wen rabesak jelaike ti ne.”
Dendye Boas tyanuk ti i ma byohe, “Mhwela wasimw lelel smwel desy ti ne.”
Lemade Rut a hyela wasi lelel smwel desike ti desy. Ode Boas syarah jelai rautun desikre ti ur akye ma kbyenw ma yalik ti lelel smwel desy. Yala koldyesy kdi a kla-nem. Maktei o syumuk ti Rut ma hyah, ma byai hnuke. Ode lema soso bonyo, nenmo Boas byai hnuke dakun.
Ode kyoat a Rut inait sekye bonyo, Naomi yena i ma byohe, “Anakw o! Mane kolkyabei ti Boas de?”
Lemade Rut ihes nam ribun lan Boas itanuk ti i desikre mumu ti ryana. Maktei o Rut a lyosu ti ryana ohe, “Boas i ne inal jelai nekre ma yaw ne, ma kolnye kmwai hnuke ma kait a o, desikemo kete kumran ti mamake.”
Dendye Naomi tyanuk ma byohe, “Anakw o, takita aduk ma tseak ohe, nam sai ana kdi ti. Kali khwe ohe, Boas neke lema imres elik, ma yobak a ksala nini ktela desikre kdi ti bo.”

Sikiliza Rut 3