Western Cree Bible (Syllabics version) About Western Cree In reality, there is no such language as “Western Cree.” However, the western varieties of Cree, currently known as Plains Cree, Alberta Cree, Swampy Cree, and Woods Cree, have at times been lumped together under the term “Western Cree.” About This Translation A Bible was published in “Western Cree” in 1862 by the British and Foreign Bible Society. It had been translated by William Mason (a missionary ministering in Norway House) and particularly by his wife Sophia Thomas Mason (from Red River, whose mother was Cree), with substantial contributions by indigenous co-workers John Sinclair and the Reverend Henry Bird Steinhauer. This was the second Bible printed in a North American indigenous language. It was printed entirely in syllabics. This Bible was later revised by Archdeacon MacKay and Richard Faries. This Bible has remained in use in Cree communities up to the present day. It has been out of print for several years, and there are frequent requests for copies. The text has now been digitized, and corrections are being done to the typos that crept into the text. If you are interested in obtaining a printed copy of this Bible, please contact the Canadian Bible Society at http://www.biblescanada.com. Copyright Information The Holy Bible in Western Cree © 2018 Canadian Bible Society. The text of the Holy Bible in Western Cree that appears in this electronic format or website is for personal use only. Up to five hundred (500) verses of the Bible text in any form (written, visual, electronic or audio) may be quoted without permission. The quoted verses may not be more than 50% of a complete book of the Bible, or more than 25% of the total text of the work in which they are quoted. Prior written permission must be obtained for any other use of the text. Copyright acknowledgement must in all cases appear on the title or copyright page. For more information on copyright conditions or to apply, visit http://www.biblesociety.ca/copyright

Kanāci Kihci Masinahikan

This Bible text is a corrected edition of the 1908 Western Cree Bible; it is in the public domain.

ᐁᑯᓯ ᒫᑲ ᑭ ᐳᓯᐤ ᐅᓯᕽ, ᒥᓇ ᐁ ᑭ ᐊᑎ ᐋᓱᐊᐧᐊᕽ, ᐁ ᑭ ᐅᑎᑕᕽ ᒫᑲ ᑎᐱᔭᐁᐧ ᐅᐟ ᐅᑌᓇᐤ. ᒋᐢᐟ ᒫᑲ, ᑭ ᐯᑕᒪᐁᐧᐊᐧᐠ ᐯᔭᐠ ᐊᔨᓯᔨᓂᐊᐧ ᐁ ᐋᑯᓯᔨᐟ ᓂᐳᐋᐧᐢᐱᓀᐃᐧᐣ ᓂᐯᐃᐧᓂᕽ ᐁ ᐱᒥᓯᓂᔨᐟ; ᒋᓴᐢ ᒫᑲ ᐁ ᐋᐧᐸᐦᑕᒫᐧᐟ ᐅ ᑖᐯᐧᔦᔨᑕᒧᐃᐧᓂᔨᐤ, ᐅᒥᓯ ᑭ ᐃᑌᐤ ᑳ ᐋᑯᓯᔨᐟ ᓂᐳᐋᐧᐢᐱᓀᐃᐧᐣ, ᓂᑯᓭ, ᒥᐁᐧᔨᑕ; ᑭ ᐳᓀᔨᑕᒫᑲᐃᐧᐣ ᑭ ᒪᒋᐃᑎᐃᐧᓇ. ᒋᐢᐟ ᒫᑲ, ᐋᑎᐦᐟ ᒪᓯᓇᐦᐃᑫᐃᐧᔨᓂᐊᐧᐠ ᑭ ᐃᑎᓱᐊᐧᐠ, ᐊᐊᐧ ᐊᔨᓯᔨᓂᐤ ᐸᐹᐢᑖᒧ. ᒋᓴᐢ ᒫᑲ ᐁ ᑭᐢᑫᔨᑕᒫᐧᐟ ᐅ ᒫᒥᑐᓀᔨᒋᑲᓂᔨᐊᐧ, ᐅᒥᓯ ᑭ ᐃᑌᐤ, ᑖᓀᑭ ᑳ ᒪᒋ ᐃᑌᔨᑕᒣᐠ ᑭ ᑌᐃᐋᐧᕽ? ᒋᑫᒫ ᑖᓈᓂᒪ ᓇᐊᐧᐨ ᐃᐧᔦᑕᕽ ᑭᑕ ᐃᑖᐧᓂᐃᐧᐠ, ᑭ ᐳᓀᔨᑕᒫᑲᐃᐧᐣ ᑭ ᒪᒋᐃᑎᐃᐧᓇ: ᐊᐦᐳ ᑭᑕ ᐃᑌᐧᕽ, ᐊᐧᓂᐢᑳ, ᐱᒧᐦᑌ ᒫᑲ? ᒫᑲ ᑭᑕ ᑭᐢᑫᔨᑕᒣᐠ ᐃᔨᓂᐃᐧᑯᓯᓵᐣ ᐁ ᐊᔮᐟ ᑲᐢᑭᐦᐁᐃᐧᓯᐃᐧᐣ ᐅᑕ ᐊᐢᑭᕽ ᑭᑕ ᐳᓀᔨᑕᒫᑫᐟ ᒪᒋᐃᑎᐃᐧᓇ, (ᐁᑯᓯ ᒫᑲ ᐃᑌᐤ ᑳ ᓂᐳᐋᐧᐢᐱᓀᔨᐟ) ᐊᐧᓂᐢᑳ, ᐅᑎᓇ ᑭ ᓂᐯᐃᐧᐣ, ᐃᑐᐦᑌ ᒫᑲ ᑭ ᐋᐧᐢᑳᐦᐃᑲᓂᕽ. ᐁᑯᓯ ᒫᑲ ᑭ ᐊᐧᓂᐢᑳᐤ, ᐁ ᑭ ᐃᑐᐦᑌᐟ ᐅ ᐋᐧᐢᑳᐦᐃᑲᓂᕽ. ᒫᑲ ᐃᐢᐱ ᑳ ᒫᒪᐁᐧᔭᑎᒋᐠ ᐊᔨᓯᔨᓂᐊᐧᐠ ᐃᐧᔮᐸᐦᑕᑭᐠ, ᑭ ᒫᒪᐢᑳᑌᔨᑕᒪᐧᐠ, ᒥᓇ ᐁ ᑭ ᑭᐢᑕᑭᒫᒋᐠ ᑭᓭᒪᓂᑐᐊᐧ, ᐁ ᑭ ᐃᓯ ᒥᔭᔨᐟ ᐊᔨᓯᔨᓂᐊᐧ ᐁᑯᑐᐃᐧ ᑲᐢᑭᐦᐁᐃᐧᓯᐃᐧᐣ.
ᐁᑯᓯ ᒫᑲ ᒋᓴᐢ ᐁᑯᑕ ᐁ ᐊᑎ ᐅᐦᒋ ᓯᐯᐧᑌᐟ, ᑭ ᐋᐧᐸᒣᐤ ᐯᔭᐠ ᐊᔨᓯᔨᓂᐊᐧ, ᒫᐟᔪ ᐁ ᐃᓯᔨᐦᑳᓱᔨᐟ, ᐁ ᐊᐱᔨᐟ ᐃᑕ ᑳ ᑕᓯ ᐅᑎᓂᒥᐟ ᑎᐸᐦᐃᑫᐃᐧ ᓱᓂᔮᐊᐧ; ᐅᒥᓯ ᒫᑲ ᐃᑌᐤ, ᐱᒥᑎᓴᐦᐅᐣ. ᐁᑯᓯ ᒫᑲ ᑭ ᐸᓯᑯ, ᐁ ᑭ ᐱᒥᑎᓴᐋᐧᐟ.
ᑭ ᐊᔨᑭᐣ ᒫᑲ, ᒣᑳᐧᐨ ᒋᓴᐢ ᐁ ᐊᐱᐟ ᐁ ᒥᒋᓱᐟ ᐋᐧᐢᑳᐦᐃᑲᓂᕽ, ᒋᐢᐟ, ᒥᐦᒉᐟ ᐸᑊᓬᐃᑲᓇᐠ, ᒥᓇ ᐅᒪᒑᑎᓴᐠ ᑭ ᑕᑯᓯᓇᐧᐠ, ᐁ ᑭ ᐃᐧᑕᐱᒪᒋᐠ ᐊᓯᒋ ᐅ ᑭᐢᑭᓄᐦᐊᒪᐋᐧᑲᓂᔨᐊᐧ. ᐃᐢᐱ ᒫᑲ ᐹᕒᐊᓯᔭᐠ ᐃᐧᔮᐸᐦᑕᑭᐠ, ᐅᒥᓯ ᑭ ᐃᑌᐊᐧᐠ ᐅ ᑭᐢᑭᓄᐦᐊᒪᐋᐧᑲᓂᔨᐊᐧ, ᑖᓀᑭ ᑳ ᐃᐧᒋ ᒥᒋᓱᒫᐟ ᑯᑭᐢᑭᓄᐊᒪᑫᒥᐋᐧᐤ ᐸᑊᓬᐃᑲᓇ ᒥᓇ ᐅᒪᒐᑎᓴ? ᒫᑲ ᐃᐢᐱ ᒋᓴᐢ ᐱᔦᐦᑕᕽ ᐁᐊᐧᑫᐧᔨᐤ, ᐅᒥᓯ ᑭ ᐃᑌᐤ, ᐊᓂᑭ ᑳ ᒥᔪ ᐊᔮᒋᐠ ᓇᒪᐃᐧᔭ ᓇᑕᐁᐧᔨᒣᐊᐧᐠ ᒪᐢᑭᑭᐃᐧᔨᓂᐊᐧ, ᐱᑯ ᐊᓂᑭ ᑳ ᐋᑯᓯᒋᐠ. ᒫᑲ ᓂᔭᐠ ᑭᔭᐋᐧᐤ ᓇᑕᐃᐧ ᑭᐢᑫᔨᑕᒧᐠ ᑖᓂᓯ ᐁᑌᐧᒪᑲᕽ ᐅᒪ, ᓂ ᑲ ᐊᔮᐣ ᑭᓭᐋᐧᑎᓯᐃᐧᐣ, ᓇᒪᐃᐧᔭ ᒫᑲ ᒪᒍᐢᑌᐊᒫᑫᐃᐧᐣ; ᒋᑫᒫ ᓇᒪᐃᐧᔭ ᓂ ᐯ ᐃᑐᐦᑖᐣ ᑭᑕ ᓇᑐᒪᑭᐠ ᑲᐧᔭᐢᐠ ᐅᑎᑕᑎᓯᐊᐧᐠ, ᒫᑲ ᐅᒪᒑᑎᓴᐠ ᑭᑕ ᑫᐧᐢᑳᑎᓯᒋᐠ.
ᐁᑯᓯ ᒫᑲ ᑭ ᐯ ᓈᑎᐠ ᐊᓂᐦᐃ ᒑᓇ ᐅ ᑭᐢᑭᓄᐦᐊᒪᐋᐧᑲᓂᔨᐊᐧ, ᐅᒥᓯ ᐁ ᐃᑎᑯᐟ, ᑖᓀᑭ ᓂᔭᓈᐣ ᒥᓇ ᐸᕒᐊᓯᔭᐠ, ᒥᒉᑖᐧᐤ ᑳ ᐃᔨᐊᐧᓂᐃᓱᔮᐠ, ᒫᑲ ᑭᔭ ᑭ ᑭᐢᑭᓄᐦᐊᒪᐋᐧᑲᓇᐠ, ᓇᒪᐃᐧᔭ ᐃᔨᐊᐧᓂᐃᓱᐊᐧᐠ? ᒋᓴᐢ ᒫᑲ ᐅᒥᓯ ᑭ ᐃᑌᐤ, ᑲᑕ ᒪᑐᐊᐧᐠ ᒋ ᐊᓂᑭ ᑳ ᐅᐟ ᐊᐋᐧᓯᒥᓯᒥᑯᒋᐠ ᐃᐧᑭᑐᐃᐧᑲᒥᐠ, ᒣᑳᐧᐨ ᑫᔮᐱᐨ ᐁ ᐃᐧᒉᑯᒋᐠ ᐊᓂᐦᐃ ᐅᐢᑭᐢᑫᐧᐁᐧᐊᐧ? ᐸᑎᒫ ᒫᑲ ᑭᓯᑳᐊᐧ ᑭᑕ ᐅᑎᐦᒋᐸᔨᐊᐧ, ᐃᐢᐱ ᐅᐢᑭᐢᑫᐧᐁᐧᐊᐧ ᑭᑕ ᒪᐢᑲᒥᐦᒋᐠ, ᐁᑯᐢᐱ ᒫᑲ ᑫ ᐃᔨᐊᐧᓂᐦᐃᓱᒋᐠ. ᓇᒪᐃᐧᔭ ᐊᐃᐧᔭᐠ ᐊᔨᓯᔨᓂᐤ ᐊᐢᑖᐤ ᐅᐢᑭ ᐊᔪᐃᐧᓂᓭᑭᐣ ᐊᓂᑕ ᑲᔭᓯ ᒥᐢᑯᑖᑳᕽ, ᒋᑫᒫ ᐊᓂᒪ ᑲ ᒥᓴᐃᑳᑳᓂᐃᐧᐠ ᐅᐦᒋ ᐅᑎᓂᑲᑌᐤ ᐊᓂᑕ ᒥᐢᑯᑕᑲᕽ, ᐊᓂᒪ ᒫᑲ ᑳ ᑖᑐᐸᔨᐠ ᐊᐊᐧᓯᒣ ᔮᔨᑭᐸᔨᐤ. ᓇᒪᐃᐧᔭ ᒥᓇ ᐊᔨᓯᔨᓂᐊᐧᐠ ᐊᐢᑖᐊᐧᐠ ᐅᐢᑭ ᓱᒥᓈᐳ ᐊᓂᑕ ᑲᔮᓯ ᐃᐧᑳᐧᕽ, ᒫᐢᑯᐨ ᐁᑐᑫ ᐃᐧᔭ ᐃᐧᑲᐧᔭ ᑲᑕ ᐱᑯᐸᔨᐊᐧ, ᐁᑯᓯ ᒫᑲ ᓱᒥᓈᐳ ᐊᐧᔭᐃᐧᔭᓯᑲᐊᐧᐣ ᒥᓇ ᐃᐧᑲᐧᔭ ᓂᓯᐊᐧᓈᑕᓇᐧ; ᒫᑲ ᐊᐢᑖᐊᐧᐠ ᐅᐢᑭ ᓱᒥᓈᐳ ᐅᐢᑭ ᐃᐧᑳᐧᕽ, ᑕᐱᐢᑰᐨ ᒫᑲ ᓇᒪᐃᐧᔭ ᓂᓯᐊᐧᓈᑕᓇᐧ.
ᒣᑳᐧᐨ ᒫᑲ ᐅᐦᐃ ᐁ ᐊᐧᐃᐧᑕᒪᐋᐧᐟ, ᒋᐢᐟ, ᐁᑯᑕ ᑭ ᐯ ᑕᑯᓯᐣ ᐯᔭᐠ ᐅᔭᓱᐁᐧᐃᐧᔨᓂᐤ ᐁ ᐯ ᐅᒋᐦᒋᐦᑲᐧᓇᐱᐢᑖᑯᐟ, ᐁ ᐃᑎᑯᐟ, ᓂᑖᓂᐢ ᓵᓴᐩ ᓂᐱᐤ; ᒫᑲ ᐯ ᓇᑕᐃᐧ ᓴᒥᐣ, ᐁᑯᓯ ᒫᑲ ᑭᑕ ᐱᒫᑎᓯᐤ. ᒋᓴᐢ ᒫᑲ ᑭ ᐸᓯᑰ, ᐁ ᑭ ᐊᑎ ᐱᒥᑎᓴᐋᐧᐟ, ᒥᓇ ᐅ ᑭᐢᑭᓄᐦᐊᒪᐋᐧᑲᓇ ᑭᑭ.
ᒋᐢᐟ ᒫᑲ, ᐯᔭᐠ ᐃᐢᑫᐧᐤ ᑳ ᑭ ᐊᑯᓯᐟ ᒥᑖᑕᐦᐟ ᓂᓱᓵᑊ ᑕᐦᑐ ᐱᐳᓇᐧ ᐁ ᐅᒋᑲᐊᐧᓂᔨᐠ ᐅ ᒥᑯ, ᐅᑖᕽ ᑭ ᐯ ᐅᐦᒋ ᓇᑌᐤ, ᐁ ᑭ ᓵᒥᓇᒫᐧᐟ ᒫᑲ ᐁ ᓀᔦᑲᓂᔨᐠ ᐅᐢᑯᑖᑳᔨᐤ; ᒋᑫᒫ ᐃᐧᔭ ᑭ ᐃᑎᓱ, ᑭᐢᐱᐣ ᐱᑯ ᓵᒥᓇᒪᐧᑭ ᐅᐢᑯᑕᑲᐩ, ᐁᑯᓯ ᑫ ᒥᔪ ᐊᔮᔮᐣ. ᒫᑲ ᒋᓴᐢ ᑭ ᑫᐧᐢᑭᑳᐸᐃᐧᐤ, ᐃᐢᐱ ᒫᑲ ᐃᐧᔮᐸᒫᐟ, ᐅᒥᓯ ᑭ ᐃᑌᐤ, ᓂᑖᓂᐢ, ᒥᐁᐧᔨᑕ ᐃᓴ; ᑭ ᑖᐯᐧᔦᔨᑕᒧᐃᐧᐣ ᑭ ᑭ ᐱᒫᒋᐃᑯᐣ. ᐊᓇ ᐃᐢᑫᐧᐤ ᒫᑲ ᑭ ᒥᔪ ᐊᔮᐤ ᐁᐊᐧᑯ ᐁ ᐃᐢᐸᔨᐠ ᑎᐸᐃᐱᓯᒫᐧᐣ. ᐃᐢᐱ ᒫᑲ ᒋᓴᐢ ᑳ ᐱᐦᑐᑫᐟ ᐅᔭᓱᐁᐧᐃᐧᑭᒫᐊᐧ ᐅ ᐋᐧᐢᑳᐦᐃᑲᓂᔨᕽ, ᐁ ᑭ ᐋᐧᐸᒫᐟ ᒫᑲ ᐊᓂᐦᐃ ᐅᐳᑖᒋᑫᐊᐧ ᒥᓇ ᐊᔨᓯᔨᓂᐊᐧ ᐁ ᐁᐧᐢᑖᓯᑖᑯᓯᔨᐟ. ᐆᒥᓯ ᑭ ᐃᑌᐤ, ᑕᐃᐧᐠ; ᒋᑫᒫ ᐊᐊᐧ ᐅᐢᑭᓂᑭᐢᑫᐧᐤ ᓇᒪᐃᐧᔭ ᓂᐱᐤ, ᒫᑲ ᓂᐹᐤ. ᐁᑯᓯ ᒫᑲ ᑭ ᐹᐱᐁᐊᐧᐠ ᐁ ᒣᑕᐋᐧᑳᑖᒋᐠ. ᒫᑲ ᐃᐢᐱ ᐊᓂᑭ ᐊᔨᓯᔨᓂᐊᐧᐠ ᑳ ᐊᐧᔭᐃᐧᑎᓴᐅᐦᒋᐠ, ᑭ ᐱᐦᑐᑫᐤ, ᑭ ᐅᑎᓇᒣᐧᐤ ᐅ ᒋᒋᔨᐤ; ᐁᑯᓯ ᐊᓇ ᐅᐢᑭᓂᑭᐢᑫᐧᐤ ᑭ ᐊᐧᓂᐢᑳᐤ. ᐊᓂᒪ ᒫᑲ ᐁ ᐋᑐᑖᑲᕽ ᐁᑯᑕ ᑭ ᐅᐦᒋ ᓯᐯᐧᐸᔨᐤ ᒥᓯᐁᐧ ᐁ ᑭ ᐃᐢᐸᔨᐠ ᐁᐊᐧᑯ ᐊᐢᑭᕽ.
ᐃᐢᐱ ᒫᑲ ᒋᓴᐢ ᐁᑎ ᓯᐯᐧᑌᐟ, ᓂᓱ ᐁᑳ ᐁ ᐋᐧᐱᔨᐟ ᐊᔨᓯᔨᓂᐊᐧ ᑭ ᐱᒥᑎᓴᐦᐅᐠ, ᐁ ᑕᑌᐯᐧᔨᐟ, ᐅᒥᓯ ᐁ ᐃᑌᐧᔨᐟ, ᑭᔭ ᑳ ᐅᑯᓯᓯᒥᐢᐠ ᑌᐱᐟ, ᑭᑎᒫᑭᓇᐃᐧᓈᐣ. ᐃᐢᐱ ᒫᑲ ᑳ ᐱᐦᑐᑫᐟ ᐋᐧᐢᑳᐦᐃᑲᓂᕽ, ᐊᓂᑭ ᐁᑳ ᑳ ᐋᐧᐱᒋᐠ ᐊᔨᓯᔨᓂᐊᐧᐠ ᑭ ᐯ ᓈᑌᐊᐧᐠ; ᒋᓴᐢ ᒫᑲ ᐅᒥᓯ ᐃᑌᐤ ᑭ ᑖᐯᐧᑌᓈᐋᐧᐤ ᒋ ᐁ ᑲᐢᑭᑖᔮᐣ ᑭᑕ ᑐᑕᒫᐣ ᐅᒪ? ᐅᒥᓯ ᒫᑲ ᑭ ᐃᑌᐊᐧᐠ, ᐁᐦᐁ ᑌᐯᔨᐦᒋᑫᔭᐣ. ᐁᑯᓯ ᒫᑲ ᑭ ᓴᓵᒥᓇᒣᐧᐤ ᐅᐢᑭᓯᑯᔨᐊᐧ, ᐅᒥᓯ ᐁ ᐃᑖᐟ, ᒣᐧᐦᒋ ᑳ ᐃᓯᓇᑲᐧᕽ ᑭ ᑖᐯᐧᐊᐧᑫᔨᑕᒧᐃᐧᓂᐋᐧᐤ ᐁᑯᓯ ᒣᐧᐦᒋ ᑫ ᑐᑕᑲᐃᐧᔦᐠ. ᐊᓂᐦᐃ ᒫᑲ ᐅᐢᑭᓯᑯᐋᐧᐊᐧ ᑭ ᐹᐢᑭᑌᓇᒫᐧᐣ; ᐁᑯᓯ ᒋᓴᐢ ᓭᒫᐠ ᑭ ᐊᔮᑳᐧᒥᒣᐤ, ᐅᒥᓯ ᐁ ᐃᑖᐟ, ᐊᔮᑳᐧᒥᓯᐠ ᐁᑳ ᐊᐃᐧᔭᐠ ᐊᔨᓯᔨᓂᐤ ᑭᑕ ᑭᐢᑫᔨᑕᕽ. ᒫᑲ ᐃᐧᔭᐋᐧᐤ, ᐃᐢᐱ ᑳ ᐊᑎ ᓯᐯᐧᑌᒋᐠ, ᑭ ᓯᓭᐧᐸᔨᑖᐊᐧᐠ ᐊᓂᒪ ᐅᐟ ᐋᒋᒥᑯᐃᐧᓂᔨᐤ ᒥᓯᐁᐧ ᐁᑯᑕ ᐊᐢᑭᕽ.
ᐁ ᐊᑎ ᐊᐧᔭᐃᐧᒋᐠ, ᐳᑎ, ᑭ ᐯᑕᒪᐋᐧᐤ ᐊᔨᓯᔨᓂᐊᐧ ᐁᑳ ᐁ ᓂᑖᐁᐧᔨᐟ, ᐁ ᐃᐧᔭᐃᐧᐢᑳᑯᔨᐟ ᒪᒋ ᐊᐦᒑᐦᑲᐧ. ᐃᐢᐱ ᒫᑲ ᒪᒋ ᐊᐦᒑᕽ ᑳ ᐊᐧᔭᐃᐧᐁᐧᐱᓂᐦᐟ, ᐁᑳ ᑳ ᓂᑖᐁᐧᐟ ᑭ ᐊᔭᒥᐤ; ᐊᓂᑭ ᒫᑲ ᑳ ᒫᒪᐁᐧᔭᑎᒋᐠ ᐊᔨᓯᔨᓂᐊᐧᐠ ᑭ ᒫᒪᐢᑳᑕᒪᐧᐠ, ᐅᒥᓯ ᐁ ᐃᑌᐧᒋᐠ, ᓇᒪᐃᐧᑳᐨ ᐁᑯᓯ ᑭ ᐃᓯ ᐋᐧᐸᒋᑳᑌᐤ ᐃᐢᕒᐁᐃᓬᐃᕽ. ᒫᑲ ᐃᐧᔭ ᐸᕒᐊᓯᔭᐠ ᐅᒥᓯ ᑭ ᐃᑌᐧᐊᐧᐠ, ᐊᐧᔭᐃᐧᐁᐧᐱᓀᐤ ᒪᒋ ᐊᐦᒑᐦᑲᐧ ᐁ ᐃᐧᒋᐦᐃᑯᐟ ᐅᐟ ᐅᑭᒫᒥᔨᐊᐧ ᒪᒋ ᐊᐦᒑᐦᑲᐧ. ᒋᓴᐢ ᒫᑲ ᒥᓯᐁᐧ ᑭ ᐸᐸᒧᑌᐤ ᐅᑌᓈᕽ, ᒥᓇ ᑭᐢᑕᐱᐃᐧᓂᕽ, ᐁ ᑲᑭᐢᑭᓄᐊᒫᑫᐟ ᐅᐟ ᐊᔭᒥᐦᐁᐃᐧᑲᒥᑯᔨᕽ, ᒥᓇ ᐁ ᑲᑫᐢᑭᒥᐁᐧᐟ ᐁ ᐃᓯ ᒥᐋᐧᑐᑖᑲᐧᐠ ᐅᑌᓇᐃᐧᐃᐧᐣ ᒥᓇ ᐁ ᐃᔨᓂᑲᐦᐋᐟ ᑲᐦᑭᔭᐤ ᐋᑯᓯᐃᐧᐣ ᑳ ᐊᔮᔨᐟ ᒥᓇ ᓇᓈᑐᕽ ᐃᑖᐢᐱᓀᐃᐧᐣ ᐃᑕ ᐁ ᐊᔮᒋᐠ ᐊᔨᓯᔨᓂᐊᐧᐠ.
ᒫᑲ ᐃᐢᐱ ᐃᐧᔮᐸᒫᐟ ᐊᓂᐦᐃ ᑳ ᒫᒪᐁᐧᔭᑎᔨᐟ ᐊᔨᓯᔨᓂᐊᐧ, ᑭ ᒥᑯᐢᑳᑎᐢᑲᐠ ᐁᐢᐱᒋ ᑭᑎᒫᑭᓇᐋᐧᐟ, ᒋᑫᒫ ᑭ ᐊᔦᐢᑯᓯᐊᐧᐠ, ᒥᓇ ᐱᑲᐧᓂᑕ ᐁ ᑭ ᓯᓭᐧᐢᑳᒋᐠ, ᑖᐱᐢᑯᐨ ᒫᔭᑎᐦᑲᐧ ᐁᑳ ᐁ ᐅᑲᓇᐃᐧᒫᔭᑎᐦᑫᐧᒥᔨᐟ. ᐁᑯᐢᐱ ᒫᑲ ᐅᒥᓯ ᐃᑌᐤ ᐅ ᑭᐢᑭᓄᐦᐊᒪᐋᐧᑲᓇ, ᑖᐯᐧ ᐃᓴ ᐊᓂᒪ ᑫ ᒫᐊᐧᒋᒋᑳᑌᐠ ᒥᐦᒉᑎᐣ, ᒫᑲ ᐅᑕᑐᐢᑫᐊᐧᐠ ᒐᑲᐊᐧᓯᓯᐊᐧᐠ. ᐁᐊᐧᑯ ᒫᑲ ᐅᐦᒋ ᐊᔭᒥᐁᐢᑖᕽ ᑳ ᑎᐯᔨᐦᑕᕽ ᒫᐊᐧᒋᒋᑫᐃᐧᐣ, ᑭᑕ ᐯ ᐃᓯᑎᓴᐋᐧᐟ ᐅᑕᑐᐢᑫᐊᐧ ᐊᓂᑕ ᐅ ᒫᐊᐧᒋᒋᑫᐃᐧᓂᕽ.

Sikiliza ᓭᐣᐟ ᒫᐟᔪ 9