JÃ 21
21
Jeju tee hɔi kɨ ro ngéndoogt lon kɨtanãimɨta
(Oo Mat 28:16; Luk 5:1-11; Eja 26:12)
1Goot gog Jeju tee hɔi kɨro ngéndoogt lon ta bahbot kɨ tɔa i Tiberiad. Tee hɔi kɨ rodt kɨ ɗob kɨ titbe: 2Simõ Pierr kɨ Tomas'n a kunɨna ndɨngã, kɨ Natanael de kɨ ɓet kɨ Kana kam dɔningt kɨ Galile, kɨ ngan Jebede, kɨ ngéndoo madg joo, ndɨn nat lo kɨɗa. 3Simõ Pierr eld an: M'a m'aw kanj, elɨna anan: Jĩ tɔ, j'a kɨ j'aw sei. Teen andɨn kam toot, kam ndɔt'n non hɔn nya mad al. 4Lon lo ndɨ tɨja ye, Jeju ɗa ta bahbot, na ngéndoog gerɨn takĩa Jeju al. 5Jeju eld an: Ngang i hɔn kanj ale? Turɨna anan: ãã. 6Eld an: I lan bandbɨra kokõ toot, na a i ngahn.
Lan band na kanj kɨ hɔn nõ i ngãi dum kɔrr kɨ gog. 7Kamla ngendoon Jeju tara, el Pierr an: I Bɨraɓe.
Lon Simõ Pierr oo dɔ kad i Bɨraɓe ye la kub ront, kɨta roa i kari. Kɨla so kam bahbot. 8Na ndeg ngéndoog ɗen kam toot kɨta i sãi al kɨ dɔning, na i nderbe asɨ metɨr ɓu, ɗa ndɔrɨn bandbɨra'n kanj ɗoosa. 9Lon ɗe udɨn dɔningt ye oon horr muĩ kanj to dɔt kɨ bɨna tɔ. 10Kamla Jeju eld an: ɔin kanj madg'n i hɔnd nõ i ɗen ne. 11Simõ Pierr ɓai kam toot ndɔr bandbɨra kɨ dɔningt. Kanj kɨbobo ɗoosɨn bandbɨra kord asɨ ɓu kɨ dɔmi gidaimɨta, na ke ĩn ngãi kaa bandbɨra gang al. 12Jeju eld an: I ɗe i san nya.
Ku ngéndoogt'n non kɨmad kɨ asɨ kad ndɨjea kan i nõ a? Goto, kɨta gerɨn i Bɨraɓe. 13Jeju ndɔt kɨrodt, un bɨna kɨkanj ad'd. 14In non i tee kɨkõmɨta'n Jeju tee hɔi kɨro ngéndoogt lon, go ɓaia ku ngékoit.
Jeju ndɨje ta Pierr nja mɨta
(Oo Luk 22:55-62; Mal 3:3)
15Lon san nya ye, Jeju ndɨje Simõ Pierr an: Simõ ngon Jonas i tarɨm tɔi ĩgɨn non e? Tura an: Ãã Bɨraɓe, i ger m'ndigi.
Jeju ela an: Ul ngan batg lom.
16Jeju tel ndɨje kɨkõjoo an: Simõ ngon Jonas i tarɨm a? Pierr tura an: Ãã Bɨraɓe, i ger m'ndigi. Jeju ela an: I ngom batg lom.
17Jeju ndɨjea ndɨje kɨkõmɨta an: Simõ ngon Jonas i ndigɨm a?
Pierr ɗa kamkil kɨta kel'n ela kɨkõmɨta an: Ke ndigɨn a?
Tura an: Bɨraɓe i ger nyag tube, i ger m'ndigi.
Jeju ela an: Ul batg lom.
18Rota rota la m'ndɨ m'eli ye lon i basa ye, ĩ kɨɓe i dɔboi na aw lot kɨ kami ndig, na lon i tel bɨga a ne, a i sɨra ji ad dekɨɗang dɔboi, na aw sei lot kɨ i ndig al. 19Jeju elta 'nten dan dɔ koin Pierr a oi kad tɔ Luwah kon. Lon elta 'nten woi ye ela an: I ndulo gom.
Ta lo ngendoo'n Jeju tara
(Oo 1 Kor 15:51-52; 1 Tes 4:14-18)
20Pierr mbel kɨgog oo ngendoo'n Jeju tara a ndulo god, ĩn tag maɗi ndɨna ron kad Jejut lo nyasat, na ndɨje Bɨraɓe ke nõ a laa ji madngétaagt a? 21Lon Pierr ooa ye ndɨje Jeju an: Bɨraɓe de'n ɗan ɗi a ɗaa?
22Jeju tura an: Ĩla m'ndig kɨ ndɨ mbã m'ɗe a ne ɗi a to roi tit a? Ĩ i ndulo gom.
23Kɨtɔ 'nten ta'n non aw ku ngankõgt, kɨ kan ngendoo'n non a oi al. Na Jeju el Pierr an a oi al, na an: ĩla m'ndig kɨ ndɨ mbã m'ɗe a ne, ɗi a to roi tit a? 24Ĩla i ngendoo'n manaj dõ nyagt 'nten ye, ndang nyag 'nten tɔ. Kɨ ger najkɨma loa i rota tɔ.
Dɔboita
25Jeju ɗa nya madg ngãibe tɔ. Ĩla ndangɨnd kɨɗa kɨɗa kam maktubgt a ne, m'ga dɔmt, m'oo maktubg'n a ndangɨn ke dɔning kɨtaagbe kaa asɨ kund al.
Nu markerat:
JÃ 21: MlL
Märk
Kopiera
Jämför
Dela
Vill du ha dina höjdpunkter sparade på alla dina enheter? Registrera dig eller logga in
Mbai Bible Revision © Bible Society of Chad, 2015.
