Kɨlag 15
15
Kawna kam ɓet kɨ Jerusalem dɔ tat lo gaj kɨ ja
1Deg madg ɓain dɔning Judet ɗen kam ɓet kɨ Antiosɨ kɨ Sirit, ndoon ngankõg anan: Ĩla j'asɨn gaj kɨgo nyabelɓet lo Moij al a ne, a asɨn ngah kaj al.
2Pol kɨ Barnabas mbetɨn nyandoo 'nten, ad gakɨn na sed ngãibe. Kɨtɔ 'nten, ngankõg unɨn ndid kad Pol kɨ Barnabas, kɨ deg madg kudt kɨ awɨn ɓebot kɨ Jerusalem ro ngombangkɨlagt kɨ kɨbog lo ngékawna kad oon na dɔ tat 'nten.
3Goot ngékawna danɨnd kɨ ɗoɓo ndan dɔning Penesi kɨ dɔning Samari gangɨn, ɔrrɨn hoi telɨn hã girrdeg kɨ dang dang telɨn kɨ ro Bɨraɓet, ad ngankõg tube ɗan ronel kɨ dumbit. 4Lon ngékɨlag teen Jerusalemt ye, ngékawnag kɨ ngombangkɨlag, kɨ kɨbog hɔnd kɨ rodt. Ad Pol kɨ Barnabas ɔrrɨnd hɔi nyag tube'n Luwah ɗa sed nat. 5Na Parisɨg madg kɨ telɨn ngétaata lo Krist elɨn anan: Maj kad jan gaj ngétaata lo Krist'n ĩn Juipg al, na maj kad i kɨ ndad mber kad telɨn rod go mberkɨndat lo Moij ho tɔ. 6Ngombangkɨlag kɨ kɨbog lo ngékawnag kawɨn na kɨ nat kɨta koo go ta kaa nõ. 7Deg gakɨn na ngãibe, ad Pierr ɓai ɗa dõ eld an: Ngankom i gerɨn ɓet, Luwah kɔtɨm maɗi nu kad m'la mber hoita kɨmaj ku girrdegt kɨ dang dang, kad oon dɔ ho, kɨ telɨn ngétaata lo Krist ho. 8Luwah ger ngarkam deg tube, ɔj kɨ tɨga kad n'hɔ girrdeg kɨ dang dang kɨ ront, ad ad'd Ndil Kɨkunjɗang tit'n adjɨn ye be ho. 9Luwah a ɔrr de dene al, tel ngarkam deg kɨjanjoi kɨtakul taa'n taan ta lo Krist. 10Tajigla ye, kɨtɔɗi i sahn ne kɔ Luwah, i ndan ne duro Luwah ho, i lan jug kɨ kɔi dɔ bɔg ngéndoogt lo Jeju, ad i jug'n bɔwsɨg ke jĩ kɨbe j'asɨ kun al bat a? 11I be al. Jĩ taa kɨ ngah kaj kɨtakul kamkẽ lo Bɨraɓe Jeju, ĩng tɔ i titbe la i taan ne ta lo Krist ho ye.
12Taa ne, ngékawna tube ndɨn tad mbo, ad lo to king, nelɨn mbid kɨ ro Polt kɨ Barnabas'n ɔrrɨn hoi nya kɨ yaya, kɨ nyakɔjg'n Luwah ɗa mbɨna girrdegt kɨ dang dang kɨtakuld. 13Lon nyan tad a ne, Jak un tan elɨn ta an: Ngankomg. I nelɨn mbisɨ oon ne dɔ ta lom. 14Simõ ɔrrj hoi nyag'n Luwah ɗa ku degt kɨ dang dang. Luwah mbed deg madg kudt kad ĩn deg lon. 15Tag lo ngékelta kɨ ta Luwaht son go nat kɨ ta 'nten: Ndangɨn kam maktubt lo Luwah titbe: 16Bɨraɓe el an: Go nyat 'nten m'am tel m'ɗe. M'a m'ɗa lo ndɨ lo Dabid'n tet so nõ, m'a ɗa kuj kɨ kij gog, m'a m'ɗagootat gog mad ɗa dõ; 17kɨtakad ndeg deg tube a sahn go Bɨraɓe. Ã girrdeg kɨ dang dang tube'n m'kund ye, kad telɨn deg lom. Titbe la i takel Bɨraɓe kɨ ngeɗanya 'nten, 18na ad deg gerɨn nya 'nten maɗi nu.
19Jak el tɔ an: Kɨtɔ 'nten nya'n m'gaa laten: Maj kad kɨ la kag nõ girrdegt kɨdangdang'n telɨn kɨ ro Bɨraɓet nõ al; 20na maj kad kɨ ndang maktub jad'd kɨ ndadɨn mber, kad jan rod ɓat kad nyagt kɨyerr kɨ nya kɨ ndah ta yogt, kɨ sah ngaw, kɨ sah dekɨdẽ, kɨ sa dã kɨ tur kɔ, kɨ mosɨ dã tɔ. 21Kɨtɔ kaglot kɨ maɗi nu mbã tajigla, deg ɗa lan mber tel ro go tat lo mberkɨnda lo Moij kam ɓet kɨɗen ho, kɨ ndɔ taakò lo Juipg tube ɗa dan mberkɨnda'n non kam kuj kawnat lo Juipg kɨɗen ho.
Ngombangkɨlag kɨ deg madg ndangɨn maktub lan ne kɨ ro ngétaatat lo Krist'n ĩn Juipg al
22Kamla ngombangkɨlag kɨ kɨbog, nat kɨ ngékawnag unɨn ndid kad'n mbedɨn deg madg kudt kad n'land Antiosɨt kɨ Siri nat kɨ Pol kɨ Barnabas. Taa ne, kɔtɨn Jud'n a kunɨna Barnabas ho, kɨ Silas kɨ deg madg kɨ manaj lod maj ku ngankõt. 23Ndangɨn maktub, lan jidt, ta kɨ kamt i titbe:
Jĩ ngombangkɨlag kɨ kɨbog, kɨ ngankõ kɨ ndang maktub 'nten kɨ ro ngankõt, ngendɨ Antiosɨt, kam dɔning Sirit kɨ kam dɔning Silisit, ĩgɨn girrkoojsɨ i girrkooj deg kɨ dang dang kɨ ɗasɨ lapia.
24J'oo hoi deg madg ɓain kuujt ne, kanj kad kɨ lad awɨn rosɨt a kɨ ndoosɨn tag kɨ tuj kamsɨ, jĩ taa kɨ ndad mber nya kɨ kad i telɨn rosɨ goot al. 25Kɨtɔ 'nten, kɨ nda ndije nat tube kɨ kɔt deg kad kɨ lad kɨ dɔsɨt. Deg'n non a denɨn Pol kɨ Barnabas ngétar loj. 26Ad i deg'n ɔrrɨn ta rod kɔ balang kɨta ɗa kɨlaɓer lo Bɨraɓe loj Jeju Krist. 27Kɨtɔ 'nten tɔ la kɨ lan Jud kɨ Silas. Deg kɨ joo'n non ĩn kɨɓeg a elsɨn ta nyag'n kɨ ndang kam maktubt 'nten kad jadsɨ ye. 28Kɨtɔ Ndil Kɨkunjɗang oo maj dum, jĩ kɨɓe kaa ne, j'ɔj titbe ho kad kɨ ndah nya mad kɨ kɔi kɨɗang dɔsɨt al; na maj kad i telɨn rosɨ go mberkɨndat 'nten kɨtaagbe.
29Sumba kad i san dã kɨ jan mosɨd lan adɨn yog al, ot san dãg kɨ turɨn kɔd tɔ. I jan rosɨ ɓat kad kayat kɨ ɗa tɔ. Ĩla i ngomɨn rosɨ maj dɔ nyagt'n non a ne, i ɗan maj, kɨ ɗasɨ lapia.
30Taa ne, nyan Pol, Barnabas, Jud kɨ Silas ad awɨn. Aw teen ɓebo kɨ Antiosɨt kɨ Siri. Goot kawɨn koosɨdeg kɨ ngétaata lo Krist kɨ nat kamla adɨnd maktub'n non ye.
31Lon dan maktub'n non woi ye, ɗan ronel kɨta ta kɨ kamt ad'd kam kɨsokɨber. 32Jud kɨ Silas ĩn kɨ dɔd ĩn ngékelta kɨ ta Luwaht, elɨn tag ngãi deg kɨ ngétaata lo Krist kad sɔlɨn ne kamd ho, kad ngahn ne tɔg ho. 33Ndɨn kam ɓet kɨ Antiosɨ kɨ Sirit ɗan ndɔg asɨ taatbe kamla ngankõ ngétaata lo Krist nyan ta ɗob adɨn Jud kɨ Silas ad tel awɨn ro ĩgɨtɨn hã land. 34Na Silas oo maj dum kad'n nãi Antiosɨt. 35Pol kɨ Barnabas ndɨn gog Antiosɨ, nat kɨ deg madg ngãibe, ndɨ ndoon deg ho, ndɨ lan mber hoita kɨmaj lo Bɨraɓe ho.
Pol kɨ Barnabas gangɨn na
36Lon kaglo tɔi ngonsĩ ye, Pol el Barnabas an: Ad kɨ tel j'aw kɨ gen ngankõg kam ɓegt'n kɨ lan mber tat lo Bɨraɓe, kad j'oo ke ji ndɨd i titbãi a?
37Barnabas ndig kɨ n'aw kɨ Jã'n a kunɨna Mark. 38Na Pol taa ne, oo kad i goot al kad aw sed kɨta Jã-Mark tel godt kam dɔning Pampilit, dand aw sed nat kam kɨlaɓert al. 39Gakɨna kɨbobe ɓai kudt ad Pol kɨ Barnabas gangɨn na. Barnabas ɔrr Jã-Mark gont alɨn toot kɨbo, na awɨn ɓebot kɨ Sipɨr. 40Pol taa ne, kɔt Silas. Goot'n ngankõg lana ji Bɨraɓet kad oo goa kɨgo kamkẽt lon ye, kamla Pol tɔi aw. 41Ndan dɔning Siri kɨ dɔning Silisi gangɨn, ndoon ngékawnag kad hɔn tɔgd bá kam Bɨraɓet.
Nu markerat:
Kɨlag 15: MlL
Märk
Kopiera
Jämför
Dela
Vill du ha dina höjdpunkter sparade på alla dina enheter? Registrera dig eller logga in
Mbai Bible Revision © Bible Society of Chad, 2015.
Kɨlag 15
15
Kawna kam ɓet kɨ Jerusalem dɔ tat lo gaj kɨ ja
1Deg madg ɓain dɔning Judet ɗen kam ɓet kɨ Antiosɨ kɨ Sirit, ndoon ngankõg anan: Ĩla j'asɨn gaj kɨgo nyabelɓet lo Moij al a ne, a asɨn ngah kaj al.
2Pol kɨ Barnabas mbetɨn nyandoo 'nten, ad gakɨn na sed ngãibe. Kɨtɔ 'nten, ngankõg unɨn ndid kad Pol kɨ Barnabas, kɨ deg madg kudt kɨ awɨn ɓebot kɨ Jerusalem ro ngombangkɨlagt kɨ kɨbog lo ngékawna kad oon na dɔ tat 'nten.
3Goot ngékawna danɨnd kɨ ɗoɓo ndan dɔning Penesi kɨ dɔning Samari gangɨn, ɔrrɨn hoi telɨn hã girrdeg kɨ dang dang telɨn kɨ ro Bɨraɓet, ad ngankõg tube ɗan ronel kɨ dumbit. 4Lon ngékɨlag teen Jerusalemt ye, ngékawnag kɨ ngombangkɨlag, kɨ kɨbog hɔnd kɨ rodt. Ad Pol kɨ Barnabas ɔrrɨnd hɔi nyag tube'n Luwah ɗa sed nat. 5Na Parisɨg madg kɨ telɨn ngétaata lo Krist elɨn anan: Maj kad jan gaj ngétaata lo Krist'n ĩn Juipg al, na maj kad i kɨ ndad mber kad telɨn rod go mberkɨndat lo Moij ho tɔ. 6Ngombangkɨlag kɨ kɨbog lo ngékawnag kawɨn na kɨ nat kɨta koo go ta kaa nõ. 7Deg gakɨn na ngãibe, ad Pierr ɓai ɗa dõ eld an: Ngankom i gerɨn ɓet, Luwah kɔtɨm maɗi nu kad m'la mber hoita kɨmaj ku girrdegt kɨ dang dang, kad oon dɔ ho, kɨ telɨn ngétaata lo Krist ho. 8Luwah ger ngarkam deg tube, ɔj kɨ tɨga kad n'hɔ girrdeg kɨ dang dang kɨ ront, ad ad'd Ndil Kɨkunjɗang tit'n adjɨn ye be ho. 9Luwah a ɔrr de dene al, tel ngarkam deg kɨjanjoi kɨtakul taa'n taan ta lo Krist. 10Tajigla ye, kɨtɔɗi i sahn ne kɔ Luwah, i ndan ne duro Luwah ho, i lan jug kɨ kɔi dɔ bɔg ngéndoogt lo Jeju, ad i jug'n bɔwsɨg ke jĩ kɨbe j'asɨ kun al bat a? 11I be al. Jĩ taa kɨ ngah kaj kɨtakul kamkẽ lo Bɨraɓe Jeju, ĩng tɔ i titbe la i taan ne ta lo Krist ho ye.
12Taa ne, ngékawna tube ndɨn tad mbo, ad lo to king, nelɨn mbid kɨ ro Polt kɨ Barnabas'n ɔrrɨn hoi nya kɨ yaya, kɨ nyakɔjg'n Luwah ɗa mbɨna girrdegt kɨ dang dang kɨtakuld. 13Lon nyan tad a ne, Jak un tan elɨn ta an: Ngankomg. I nelɨn mbisɨ oon ne dɔ ta lom. 14Simõ ɔrrj hoi nyag'n Luwah ɗa ku degt kɨ dang dang. Luwah mbed deg madg kudt kad ĩn deg lon. 15Tag lo ngékelta kɨ ta Luwaht son go nat kɨ ta 'nten: Ndangɨn kam maktubt lo Luwah titbe: 16Bɨraɓe el an: Go nyat 'nten m'am tel m'ɗe. M'a m'ɗa lo ndɨ lo Dabid'n tet so nõ, m'a ɗa kuj kɨ kij gog, m'a m'ɗagootat gog mad ɗa dõ; 17kɨtakad ndeg deg tube a sahn go Bɨraɓe. Ã girrdeg kɨ dang dang tube'n m'kund ye, kad telɨn deg lom. Titbe la i takel Bɨraɓe kɨ ngeɗanya 'nten, 18na ad deg gerɨn nya 'nten maɗi nu.
19Jak el tɔ an: Kɨtɔ 'nten nya'n m'gaa laten: Maj kad kɨ la kag nõ girrdegt kɨdangdang'n telɨn kɨ ro Bɨraɓet nõ al; 20na maj kad kɨ ndang maktub jad'd kɨ ndadɨn mber, kad jan rod ɓat kad nyagt kɨyerr kɨ nya kɨ ndah ta yogt, kɨ sah ngaw, kɨ sah dekɨdẽ, kɨ sa dã kɨ tur kɔ, kɨ mosɨ dã tɔ. 21Kɨtɔ kaglot kɨ maɗi nu mbã tajigla, deg ɗa lan mber tel ro go tat lo mberkɨnda lo Moij kam ɓet kɨɗen ho, kɨ ndɔ taakò lo Juipg tube ɗa dan mberkɨnda'n non kam kuj kawnat lo Juipg kɨɗen ho.
Ngombangkɨlag kɨ deg madg ndangɨn maktub lan ne kɨ ro ngétaatat lo Krist'n ĩn Juipg al
22Kamla ngombangkɨlag kɨ kɨbog, nat kɨ ngékawnag unɨn ndid kad'n mbedɨn deg madg kudt kad n'land Antiosɨt kɨ Siri nat kɨ Pol kɨ Barnabas. Taa ne, kɔtɨn Jud'n a kunɨna Barnabas ho, kɨ Silas kɨ deg madg kɨ manaj lod maj ku ngankõt. 23Ndangɨn maktub, lan jidt, ta kɨ kamt i titbe:
Jĩ ngombangkɨlag kɨ kɨbog, kɨ ngankõ kɨ ndang maktub 'nten kɨ ro ngankõt, ngendɨ Antiosɨt, kam dɔning Sirit kɨ kam dɔning Silisit, ĩgɨn girrkoojsɨ i girrkooj deg kɨ dang dang kɨ ɗasɨ lapia.
24J'oo hoi deg madg ɓain kuujt ne, kanj kad kɨ lad awɨn rosɨt a kɨ ndoosɨn tag kɨ tuj kamsɨ, jĩ taa kɨ ndad mber nya kɨ kad i telɨn rosɨ goot al. 25Kɨtɔ 'nten, kɨ nda ndije nat tube kɨ kɔt deg kad kɨ lad kɨ dɔsɨt. Deg'n non a denɨn Pol kɨ Barnabas ngétar loj. 26Ad i deg'n ɔrrɨn ta rod kɔ balang kɨta ɗa kɨlaɓer lo Bɨraɓe loj Jeju Krist. 27Kɨtɔ 'nten tɔ la kɨ lan Jud kɨ Silas. Deg kɨ joo'n non ĩn kɨɓeg a elsɨn ta nyag'n kɨ ndang kam maktubt 'nten kad jadsɨ ye. 28Kɨtɔ Ndil Kɨkunjɗang oo maj dum, jĩ kɨɓe kaa ne, j'ɔj titbe ho kad kɨ ndah nya mad kɨ kɔi kɨɗang dɔsɨt al; na maj kad i telɨn rosɨ go mberkɨndat 'nten kɨtaagbe.
29Sumba kad i san dã kɨ jan mosɨd lan adɨn yog al, ot san dãg kɨ turɨn kɔd tɔ. I jan rosɨ ɓat kad kayat kɨ ɗa tɔ. Ĩla i ngomɨn rosɨ maj dɔ nyagt'n non a ne, i ɗan maj, kɨ ɗasɨ lapia.
30Taa ne, nyan Pol, Barnabas, Jud kɨ Silas ad awɨn. Aw teen ɓebo kɨ Antiosɨt kɨ Siri. Goot kawɨn koosɨdeg kɨ ngétaata lo Krist kɨ nat kamla adɨnd maktub'n non ye.
31Lon dan maktub'n non woi ye, ɗan ronel kɨta ta kɨ kamt ad'd kam kɨsokɨber. 32Jud kɨ Silas ĩn kɨ dɔd ĩn ngékelta kɨ ta Luwaht, elɨn tag ngãi deg kɨ ngétaata lo Krist kad sɔlɨn ne kamd ho, kad ngahn ne tɔg ho. 33Ndɨn kam ɓet kɨ Antiosɨ kɨ Sirit ɗan ndɔg asɨ taatbe kamla ngankõ ngétaata lo Krist nyan ta ɗob adɨn Jud kɨ Silas ad tel awɨn ro ĩgɨtɨn hã land. 34Na Silas oo maj dum kad'n nãi Antiosɨt. 35Pol kɨ Barnabas ndɨn gog Antiosɨ, nat kɨ deg madg ngãibe, ndɨ ndoon deg ho, ndɨ lan mber hoita kɨmaj lo Bɨraɓe ho.
Pol kɨ Barnabas gangɨn na
36Lon kaglo tɔi ngonsĩ ye, Pol el Barnabas an: Ad kɨ tel j'aw kɨ gen ngankõg kam ɓegt'n kɨ lan mber tat lo Bɨraɓe, kad j'oo ke ji ndɨd i titbãi a?
37Barnabas ndig kɨ n'aw kɨ Jã'n a kunɨna Mark. 38Na Pol taa ne, oo kad i goot al kad aw sed kɨta Jã-Mark tel godt kam dɔning Pampilit, dand aw sed nat kam kɨlaɓert al. 39Gakɨna kɨbobe ɓai kudt ad Pol kɨ Barnabas gangɨn na. Barnabas ɔrr Jã-Mark gont alɨn toot kɨbo, na awɨn ɓebot kɨ Sipɨr. 40Pol taa ne, kɔt Silas. Goot'n ngankõg lana ji Bɨraɓet kad oo goa kɨgo kamkẽt lon ye, kamla Pol tɔi aw. 41Ndan dɔning Siri kɨ dɔning Silisi gangɨn, ndoon ngékawnag kad hɔn tɔgd bá kam Bɨraɓet.
Nu markerat:
:
Märk
Kopiera
Jämför
Dela
Vill du ha dina höjdpunkter sparade på alla dina enheter? Registrera dig eller logga in
Mbai Bible Revision © Bible Society of Chad, 2015.