Kɨlag 14
14
Pol kɨ Barnabas lan mber hoita kɨmaj ɓebot kɨ Ikonium
1Kam ɓebot kɨ Ikonium, Pol kɨ Barnabas andɨn kuj keltat kɨ Luwah lo Juipg. Lan mber ta lo Luwah. Ad koosɨ Juipg kɨ Grekg telɨn ngétaata lo Krist. 2Na Juip madg mbetɨn taa ta lo Krist, sɨlan girrdeg kɨ dang dang ad kamd tuj dɔ ngankõt. 3Kɨtɔ 'nten Pol kɨ Barnabas ndɨn kam ɓet kɨ Ikonium kaglo tɔi asɨ tat. Ndɨ elɨn ta deg kɨ kam kɨmisɨmisɨ, ndan kamd dɔ Bɨraɓet. Elɨn deg ta dɔ tart lo Bɨraɓe. Na Bɨraɓe ad'd tɔg ɗa nya kɔjg, kɨ nyag kɨ yaya, ɔjɨn kɨ tɨga kad tag'n elɨn deg ye, i ta kɨ jeje. 4Deg kɨ kam ɓet gangɨn na dene joo kɨmadg ĩn kɨta Juipg, kɨmadg tɔ ĩn kɨta ngombangkɨlag. 5Kamla Juipg kɨ girrdeg kɨ dang dang kɨ kɨbog lod unɨn ndid kad kɨ'n ɗan nya kɨ to kɨ Pol kɨ Barnabas, kɨ'n tɨland kɨ mbal tɔ ho. 6Na Pol kɨ Barnabas oon hoitaa kete, ad awɨn ɓebot kɨ Listɨr kɨ Derb, kɨ log kɨ gug dɔd. 7Nõbe la lan mber hoita kɨmaj tit ye.
Pol kɨ Barnabas lan mber Hoita kɨmaj kam ɓet kɨ Listɨr
8Kam ɓebot kɨ Listɨr, de mad ndɨt nõ, njaa oi njɔrr, ad ndɨ ber kɨ ndɔgbe; de'n non i moot kɨ teen kam kont, ad ndia nja kɨɗa al. 9Ndɔ mad, oo dɔ ta'n Pol ɗa el deg. Pol kaa ne, nda kumɨn kɨ dɔat, lon oo kad de'n non aw kɨ kadkam kɨ asɨ kad'n yoota ye, 10elta kɨ ndin kɨbo an: I ɓai, i ɗa kɨ njai dõ.
Taa ne, de'n non ɓai dõ ɗat, na ɓa ning.
11Lon koosɨdeg oon nya'n Pol ɗa ye, elɨn kɨ taɓe lo deg kɨ Likaonit anan: luwahg unɨn ro kɨ taana kɨ deg, ɗisɨn denjt.
12Kunɨn Barnabas Jews; na kunɨn Pol, Hermes. Kɨtɔ Pol la i ngekelta ye. 13Kuj ndub yo Jews sumba tabit kand kam ɓet, ngejanyamosɨkadkari lo Jews ɗe kɨ bɔw mangg kɨ jɔg Hutkamg i dɔdt tabitgt. De'n non, ɗe nat kɨ koosɨdeg, ndig kɨ'n ja nyamosɨ kɨ n'ad ngombangkɨlag. 14Lon Pol kɨ Barnabas oon nya 'nten ye, hɔn kubg kɨ rodt tilɨn, na awɨn kanangbe ngan koosɨdeg unɨn ndid kɨ dõ kon ne anan: 15Ĩn, kɨtɔɗi i ɗa i ɗan ne nya 'nten a? Jĩ taa, jĩ deg kɨ mosɨj ãi titsɨ. Kɨ ɗe kɨ hoita kɨmaj la kad kɨ lasɨ mbera, kad i nyan nyag kɨ pãbe 'nten kɔ, na i telɨn kɨ ro Luwaht kɨ Ngekumkajɨr'n ɗa dɔrã kɨ dɔning kɨ bahbokat kɨ nyag kɨ kamt. 16Kaglot kɨ maɗi Luwah nya girrdeg kɨ dang dang tube, ad ndulon go ɗobg lod. 17Na Luwah ndɨ manaj dɔ ɗamajt'n ndɨ ɗa sesɨ kɨkanj nya ta, ndɨ adsɨ man ndiig ko dɔrãt, lon kaglo asɨ woi a ne, i jan nyako ngãi. Luwah ndɨ adsɨ nyasa kɨ to mbuj mbuj tɔ, ad kamsɨ ɗoosɨ kɨ ronel kɨ dumbit.
18Ke neni Pol kɨ Barnabas elɨn tag 'nten kaa ne, lo gang lam kamla ɔgɨn koosɨdeg kad jan kadkari adɨnd ye. 19Na Juipg ɓain Antiosɨt kɨ dɔning Pisidit kɨ Ikonium ɗen Listɨrt. Deg'n non dumɨn dɔ koosɨdeg ad ndoorɨn Pol, na tɨlana kɨ mbal, ɔrrɨna kɨ gid ɓet oon a anan oi. 20Na lon ngéndoog lo Jeju ɗe lan na gugɨn dɔa, Pol ɓai dõ, tel aw kam ɓet gog. Loti got Pol kɨ Barnabas ɓain Listɨr awɨn ɓebot kɨ Derb.
Pol kɨ Barnabas telɨn kɨ ɓebot Antiosɨ kam dɔning Sirit
21Lon Pol kɨ Barnabas lan mber hoita kɨmaj kam ɓet kɨ Derb woi ye, deg ngãibe telɨn ngéndoog lo Jeju. Kamla tel awɨn gog Listɨrt, kɨ Ikonium, kɨ Antiosɨ kɨ dɔning Pisidit. 22Ɔjɨn ngéndoog lo Jeju kad ngarkamd misɨmisɨ ho, kɨ hɔn tɔgd bá kam taat'n taan ta lo Krist, na elɨnd anan: Kari na j'a kɨ j'and kam kõɓet lo Luwah kɨ kõ kɨ ngah ngãi. 23Pol kɨ Barnabas mbedɨn kɨbog ndand dɔ ngékawnat kɨɗen, elɨn ta kɨ Luwah kɨtad ho, ɔgɨn rod nyasa ho, na land ji Bɨraɓet'n adɨna kamd.
24Goot gog ndan dɔning Pisidi gangɨn ten dɔning Pampilit. 25Lon aw teen Perget, lan mber hoita lo Luwah, gog got aw teen Atali. 26Ɓaɨn nõbe alɨn kam toot kɨbo tel awɨn gog kam ɓebot kɨ Antiosɨ. I kam ɓet'n non la ngékawnag land ji Luwaht kɨ ngekamkẽ kad ɗan kɨla'n tɔlɨn kona tajigla. 27Lon Pol kɨ Barnabas teen Antiosɨt kɨ Sirit ye, kawɨn ngékawnag kɨ nat, kamla ɔrrɨnd hoi nyag tube'n Luwah ɗa sed nat, kɨ teen Luwah tee ta ɗob ad girrdeg kɨ dang dang taan ta lo Krist. 28Pol kɨ Barnabas ndɨn Antiosɨt kaglo asɨ tat nat kɨ ngéndoog lo Jeju.
Nu markerat:
Kɨlag 14: MlL
Märk
Kopiera
Jämför
Dela
Vill du ha dina höjdpunkter sparade på alla dina enheter? Registrera dig eller logga in
Mbai Bible Revision © Bible Society of Chad, 2015.
Kɨlag 14
14
Pol kɨ Barnabas lan mber hoita kɨmaj ɓebot kɨ Ikonium
1Kam ɓebot kɨ Ikonium, Pol kɨ Barnabas andɨn kuj keltat kɨ Luwah lo Juipg. Lan mber ta lo Luwah. Ad koosɨ Juipg kɨ Grekg telɨn ngétaata lo Krist. 2Na Juip madg mbetɨn taa ta lo Krist, sɨlan girrdeg kɨ dang dang ad kamd tuj dɔ ngankõt. 3Kɨtɔ 'nten Pol kɨ Barnabas ndɨn kam ɓet kɨ Ikonium kaglo tɔi asɨ tat. Ndɨ elɨn ta deg kɨ kam kɨmisɨmisɨ, ndan kamd dɔ Bɨraɓet. Elɨn deg ta dɔ tart lo Bɨraɓe. Na Bɨraɓe ad'd tɔg ɗa nya kɔjg, kɨ nyag kɨ yaya, ɔjɨn kɨ tɨga kad tag'n elɨn deg ye, i ta kɨ jeje. 4Deg kɨ kam ɓet gangɨn na dene joo kɨmadg ĩn kɨta Juipg, kɨmadg tɔ ĩn kɨta ngombangkɨlag. 5Kamla Juipg kɨ girrdeg kɨ dang dang kɨ kɨbog lod unɨn ndid kad kɨ'n ɗan nya kɨ to kɨ Pol kɨ Barnabas, kɨ'n tɨland kɨ mbal tɔ ho. 6Na Pol kɨ Barnabas oon hoitaa kete, ad awɨn ɓebot kɨ Listɨr kɨ Derb, kɨ log kɨ gug dɔd. 7Nõbe la lan mber hoita kɨmaj tit ye.
Pol kɨ Barnabas lan mber Hoita kɨmaj kam ɓet kɨ Listɨr
8Kam ɓebot kɨ Listɨr, de mad ndɨt nõ, njaa oi njɔrr, ad ndɨ ber kɨ ndɔgbe; de'n non i moot kɨ teen kam kont, ad ndia nja kɨɗa al. 9Ndɔ mad, oo dɔ ta'n Pol ɗa el deg. Pol kaa ne, nda kumɨn kɨ dɔat, lon oo kad de'n non aw kɨ kadkam kɨ asɨ kad'n yoota ye, 10elta kɨ ndin kɨbo an: I ɓai, i ɗa kɨ njai dõ.
Taa ne, de'n non ɓai dõ ɗat, na ɓa ning.
11Lon koosɨdeg oon nya'n Pol ɗa ye, elɨn kɨ taɓe lo deg kɨ Likaonit anan: luwahg unɨn ro kɨ taana kɨ deg, ɗisɨn denjt.
12Kunɨn Barnabas Jews; na kunɨn Pol, Hermes. Kɨtɔ Pol la i ngekelta ye. 13Kuj ndub yo Jews sumba tabit kand kam ɓet, ngejanyamosɨkadkari lo Jews ɗe kɨ bɔw mangg kɨ jɔg Hutkamg i dɔdt tabitgt. De'n non, ɗe nat kɨ koosɨdeg, ndig kɨ'n ja nyamosɨ kɨ n'ad ngombangkɨlag. 14Lon Pol kɨ Barnabas oon nya 'nten ye, hɔn kubg kɨ rodt tilɨn, na awɨn kanangbe ngan koosɨdeg unɨn ndid kɨ dõ kon ne anan: 15Ĩn, kɨtɔɗi i ɗa i ɗan ne nya 'nten a? Jĩ taa, jĩ deg kɨ mosɨj ãi titsɨ. Kɨ ɗe kɨ hoita kɨmaj la kad kɨ lasɨ mbera, kad i nyan nyag kɨ pãbe 'nten kɔ, na i telɨn kɨ ro Luwaht kɨ Ngekumkajɨr'n ɗa dɔrã kɨ dɔning kɨ bahbokat kɨ nyag kɨ kamt. 16Kaglot kɨ maɗi Luwah nya girrdeg kɨ dang dang tube, ad ndulon go ɗobg lod. 17Na Luwah ndɨ manaj dɔ ɗamajt'n ndɨ ɗa sesɨ kɨkanj nya ta, ndɨ adsɨ man ndiig ko dɔrãt, lon kaglo asɨ woi a ne, i jan nyako ngãi. Luwah ndɨ adsɨ nyasa kɨ to mbuj mbuj tɔ, ad kamsɨ ɗoosɨ kɨ ronel kɨ dumbit.
18Ke neni Pol kɨ Barnabas elɨn tag 'nten kaa ne, lo gang lam kamla ɔgɨn koosɨdeg kad jan kadkari adɨnd ye. 19Na Juipg ɓain Antiosɨt kɨ dɔning Pisidit kɨ Ikonium ɗen Listɨrt. Deg'n non dumɨn dɔ koosɨdeg ad ndoorɨn Pol, na tɨlana kɨ mbal, ɔrrɨna kɨ gid ɓet oon a anan oi. 20Na lon ngéndoog lo Jeju ɗe lan na gugɨn dɔa, Pol ɓai dõ, tel aw kam ɓet gog. Loti got Pol kɨ Barnabas ɓain Listɨr awɨn ɓebot kɨ Derb.
Pol kɨ Barnabas telɨn kɨ ɓebot Antiosɨ kam dɔning Sirit
21Lon Pol kɨ Barnabas lan mber hoita kɨmaj kam ɓet kɨ Derb woi ye, deg ngãibe telɨn ngéndoog lo Jeju. Kamla tel awɨn gog Listɨrt, kɨ Ikonium, kɨ Antiosɨ kɨ dɔning Pisidit. 22Ɔjɨn ngéndoog lo Jeju kad ngarkamd misɨmisɨ ho, kɨ hɔn tɔgd bá kam taat'n taan ta lo Krist, na elɨnd anan: Kari na j'a kɨ j'and kam kõɓet lo Luwah kɨ kõ kɨ ngah ngãi. 23Pol kɨ Barnabas mbedɨn kɨbog ndand dɔ ngékawnat kɨɗen, elɨn ta kɨ Luwah kɨtad ho, ɔgɨn rod nyasa ho, na land ji Bɨraɓet'n adɨna kamd.
24Goot gog ndan dɔning Pisidi gangɨn ten dɔning Pampilit. 25Lon aw teen Perget, lan mber hoita lo Luwah, gog got aw teen Atali. 26Ɓaɨn nõbe alɨn kam toot kɨbo tel awɨn gog kam ɓebot kɨ Antiosɨ. I kam ɓet'n non la ngékawnag land ji Luwaht kɨ ngekamkẽ kad ɗan kɨla'n tɔlɨn kona tajigla. 27Lon Pol kɨ Barnabas teen Antiosɨt kɨ Sirit ye, kawɨn ngékawnag kɨ nat, kamla ɔrrɨnd hoi nyag tube'n Luwah ɗa sed nat, kɨ teen Luwah tee ta ɗob ad girrdeg kɨ dang dang taan ta lo Krist. 28Pol kɨ Barnabas ndɨn Antiosɨt kaglo asɨ tat nat kɨ ngéndoog lo Jeju.
Nu markerat:
:
Märk
Kopiera
Jämför
Dela
Vill du ha dina höjdpunkter sparade på alla dina enheter? Registrera dig eller logga in
Mbai Bible Revision © Bible Society of Chad, 2015.