Halloo 1
1
Yeeri Bulli Mooyon Halloo
1Shiichiêi Yeeri shimaayoonaa showoonon halliye. 2Ebiyooba showoo malletaalloonaa amolla bi toommooch aalli hulloonane. Dunne manderoo wotta aacinaêo toommooch beehe. Yeerichi Ayaanoo aacinaêo toommooch dogii beehe.
3Aroochee Yeeri, âBekko tunebeâ iye; bekkoo tunehe.#2 Qoro. 4:6 4Yeeriyoo ebi gaaweto bi tunoon ciinniêi emiriye. Bekkoonaa manderoonon badd badd qoodiye. 5Bekkoon, âareddooâ ii shigiihe; manderoonoo, âxumoâ ii shigiihe. Showoo xumeêi hariye; ebiyoo ikkinnee qemone.
6Ebiyee gubb, Yeeri âAacinaêo gutte daggooch gumoo tunebe; hini are gumoo aaconaa aaconon qoodibeâ iye. 7Ebina gumoon halliêi, are gumoyee desh beeti aaconaa gumoyee damba beeti aaconon barbariihe; bi gettitoommonoo tunehe. 8Yeeriyoo are gumoon, âshimaayooâ ii shigiihe. Showoo xumeêi hariye; ebiyoo guttinnee qemone.
9Aroyee gubb Yeeri âShimaayoyee desh beeti aacinaêo ikkooch kiceebeete; shuuêi xaaêoo bekkebeâ iye; bi gettitoommonoo tunehe. 10Yeeriyoo hini are shuuêi xaaêoon, âshowooâ, ikkooch kiceeti aaconoo, âbaharoâ ii shigiihe. Yeeri ebi gaaweto bi tunoon ciinniêi emiriye. 11Aroochee Yeeri âMocoo, maayoonaa yaroo bi maac beeti aafoon aafeebeeti mixonon bi shaahi shaahoona showoo colliibeâ iye; bi gettitoommonoo tunehe. 12Mocoon, maayoonaa yaroo bi maac beeti aafoon aafeebeeti mixo bullinon bi shaahi shaahoona showoo colliihe. Yeeriyoo ebi gaaweto bi tunoon ciinniêi emiriye. 13Showoo xumeêi hariye; ebiyoo keejjinnee qemone.
14Aree hillooch Yeeri âAreddoonaa xumoonon boonoshi barbariyemmoyich, bekkeenaêo shimaajji gumooch beebeete; qeminaêon, natinaêonaa yemeeneenaêonon boonoshi barbariyemmoyich, shimaayooch malleteenaêo tunebeete; 15ebi bekkeenaêo showee toommooch boonoshi bekkiyemmoyich, shimaajji gumooch beebeeteâ iye; bi gettitoommonoo tunehe. 16Yeeriyoo gutte ogooge bekkeenaêon halliye; beshe oogoo areddoon bi aaxxemmoyich, giishoo xumoon bi aaxxemmoyich tuniihe; wotta xojjeneenaêon halliye. 17-18Areddoonaa xumoonon boonoshi hajjemmonaa bekkoonaa manderoonon boonoshi barbariyemmonoyich, showee toommooch boonoshi bekkiyemmoyichoo shimaajji gumooch boonoshin kotiihe. Yeeriyoo ebi gaaweto bi tunoon ciinniêi emiriye. 19Showoo xumeêi hariye; ebiyoo awuddinnee qemone.
20Aree hillooch Yeeri âShuuriibeeti kashechi halleenaêo aachi daggooch ceeneete; yoobbereenaêo showoyee damba shimaajji gumoyee desh yoobeeteâ iye. 21Baharee daggooch daneebeeti ogooge halleenaêonaa aachi daggooch meettiêi daneebeeti, shuuriibeeti kashechi halleenaêo bullinon boonoshi shaahi shaahoona, wotta shimaayoona yoobbiibeeti yoobbereenaêo bullin boonoshi shaahi shaahoona halliye. Yeeri ebi gaaweto bi tunoon ciinniêi emiriye. 22Yeeriyoo haasheenaêon ishichiêi diiriye: âShiijje shiijjerebote; baharee aacooch ceenoteâ iye. Yoobbereenaêon wotta âShowee toommooch meetoteâ iye. 23Showoo xumeêi hariye; ebiyoo uuchinnee qemone.
24Aree hillooch Yeeri âShowoo kashechi halleenaêon, eboshiyoo gijjeenaêon, yuummere halleenaêonaa cooxinaêonon boonoshi shaahi shaahoona daniibeâ iye; bi gettitoommonoo tunehe. 25Yeeri cooxon bi shaahi shaahoona, gijjoon bi shaahi shaahoona, yuummero bullinoo bi shaahi shaahoona halliye. Yeeri ebi gaaweto bi tunoon ciinniêi emiriye.
26Aroyee gubb Yeeri âAshoon no malletoona, noon shaahoonoo tunii hallibone; bahareexi haasheenaêon, shimaayoona yoobbiibeeti yoobbereenaêon, gijjeenaêonaa cooxinaêonon, showee toommona yuummiibeeti yuummere halleenaêo bullinoo hajjibeeteâ iye.
27Ebich Yeeri ashoon bi malletoona halliye; biin shaahoonoo tuniiêi halliye; anaamonaa maacheenon tuniiêinoo halliye.
28Bi hallitoyee gubb, Yeeri boonoshin âShiijje shiijjerebote; showoona ceenote; showee toommooch beetinaêo bullin hajjibote. Haasheenaêo toommooch, yoobbereenaêo toommooch, showee toommona shaêeebeeti halleenaêo bulli toommoochoo taateboteâ ii diiriye.
29Aroyee gubb Yeeri âEbiyoche, ittoshich maayo bi tunemmoyich, maayoonaa michi aafoonon bi shaahi shaahoona ittoshich immeto taane. 30Showee toommooch beeti cooxinaêo bullich, shimaayoona yoobbiibeeti yoobbereenaêo bullich, yuummereenaêo bullichoo mocoonaa michi waamo bullina maayo tunebeâ iye; bi gettitoommonoo tunehe. 31Yeeriyoo bi hallito bullin bi ciinaa, oogeton gaaweto bi tunetoyich emiriye. Showoo xumeêi hariye; ebiyoo shirittinnee qemone.
Nu markerat:
Halloo 1: KBRC
MĂ€rk
Dela
Kopiera
Vill du ha dina höjdpunkter sparade pÄ alla dina enheter? Registrera dig eller logga in
SIM International, 2020.