Populära bibelverser från Vama ndum mbeina 8

Dela

Ata yima Gor timina mi hô dubang ma kid’iziyana woina, yima akulona mi seng silil ndak d’igi nus ler ra tud’a na.

Malaika ma avo’â, mi bu adif mamba. Mogoina kakud’a gizeîd’a ki buzuna a tchugï kä yam andagad’a. Andaga d’a a walat tei aduk hindid’a abot ma tuna mi ngal leyo, agu ma yam andaga ma a walam mbei aduk hindina mi ngal leyo, asu ma ngloma pet mi ngal lei mi.

An gola, an hum dela hagigilau ma pirï akulo kur simetnina nga mi de ki delem akulo ala: Ni zla d’a hohoud’a, ni zla d’a hohoud’a, ni zla d’a hohoud’a yam suma a nga kaka yam andagad’ina, fata malaika suma hindina a bu adif mazid’id’a.

Malaika ma mbàna, mi bu adif mamba. Ahina d’a nglo d’a vakud’a, ti dris kä aduk alum ma ngolâ. Alum ma a walam mbei aduk hindina abom ma tuna mi mbut buzuna.

Malaika ma hindina, mi bu adif mamba. Tchitchiu d’a ngola ti tcholï akulo nga d’i ngal d’igi akud’a na. Ti ndeï kä yam alum ma a walam mbei aduk hindina abom ma tuna, yam mbiyo ma laud’a mi. Tchitchiu ndata, simiyêt ala Aglara. Mbiyo ma a walam mbei aduk hindina abom ma tuna mi mbut aglara, suma ablaud’a a bo kayam azi tche mbiyo máma, kayam mi mbut aglara.

Malaika ma fid’ina, mi bu adif mamba. A tum afat ta a walat aduk hindid’a abot ma tuna, a tum til ma a walam aduk hindina abom ma tuna, a tum tchitchiu d’a a walat aduk hindid’a abot ma tuna, kayambala abozi ma tutuna mi b’o d’uo d’a, falei d’a a walat aduk hindid’a abot ma tuna mi ba bei b’od’a d’a, andjege d’a a walat aduk hindid’a abot ma tuna mi le ni na mi.