Populära bibelverser från Vama ndum mbeina 11

Dela

Malaika ma kid’iziyana, mi bu adif mamba. Del la teteng nga tcholï akulod’a ti dala: Ki tchetchemba, ad’eng nga te yam duniyad’id’a ni hi Saleina azi ki Christ mama. Mam mba mi te yam suma gak didin.

Andjaf suma a nga ki hur ma zala. Wani yina mba wa á tak ayî mangâ woyo, á ka sariyad’a yam suma matna, á wurak magumei mang suma djok vuna ki mang suma pet suma a nga lang mandarangâ, suma nglona ki gugureina, á b’lak suma a b’lak andagad’ina woi mi.

An mba ni sun man suma glangâsâ mbà, a mba tchuk baru d’a ndjondjorod’a ataziya, a mba djok vun Alona woi burâ dubu yam kikis mbà yam dok karagaya.

Wani bugol bur ma hindi ki nusina, muzuk ka ari d’a tcholï ata Alonid’a mba d’i kal kuruziya, a hulong tchol akulo. Suma a golozina pet a le mandarâ ngola.

Azi nga kad’enga á duk akulod’a á d’el alona mi se ata bur ma azi nga djok vun zlad’a hAlonina. Azi nga kad’enga á mbut mbina buzuna mi. Azi nga kad’enga kua á tum suma yam andagad’ina ki tugud’ei d’a tcho d’a lara ge teteng ata min mazid’a.

Suma glangâs suma mbà ndazina, nagu olif ma mbàna ki lalam mba mbàd’a ni suma a nga tchola avok Sala andagad’ina. Le sana mi min á lazi tchod’a ni, akud’a mba d’i nde woi avunazi á b’lak mazi suma djangûna. Sama hal á lazi vana, a mba tchum mbei hina mi.