Populära bibelverser från Genesis 18

Dela

Adda aya narigat nga aramiden ni Yahweh? Kas kinunak, siam a bulan manipud ita, agsubliakto ket aganakto ni Sara iti lalaki.”

Iti kasta, nagkatawa ni Sara iti unegna ket kinunana, “Ita ta baket ken kimbetakon, agganasak pay ngata a makikaidda? Maysa pay, lakay unayen ti asawak.”

Agbalinto dagiti kaputotanna a naindaklan ken nabileg a nasion. Agdawatto dagiti amin a nasion ti lubong a bendisionak ida a kas iti panangbendisionko kenkuana.

Inasitgan ni Abraham ni Yahweh ket sinaludsodna, “Pudno kadi nga iramanmo a pukawen dagiti awanan basol kadagiti nakabasol? No adda limapulo a tattao nga awanan basol iti siudad, pukawem pay la kadi ti entero a siudad? Saanmo aya a pakawanen ti siudad tapno maispal dagiti limapulo?

Insungbat ni Yahweh, “No adda masarakak a 50 a tattao iti Sodoma nga awanan basol, ispalek ti entero a siudad gapu kadakuada.”