Populära bibelverser från ᒐᓔᑎᐊᒥᐅᓄᑦ 5

Dela

ᐊᓂᕐᓂᐅᓪᓕ ᐱᕈᕐᑎᑕᖏᑦ ᑕᕝᕙ ᓇᒡᓕᖕᓂᖅ, ᖁᕕᐊᓱᖕᓂᖅ, ᖃᓄᐃᖏᑦᓯᐊᕐᓂᖅ, ᕿᓄᐃᓵᕐᓂᖅ, ᐱᑦᓯᐊᕐᓂᖅ, ᐃᓄᑦᓯᐊᕙᐅᓂᖅ, ᓱᖁᓯᕈᓐᓇᖏᓐᓂᖅ, ᐃᓅᖃᑎᒋᔭᕐᓂᕐᑑᓂᖅ, ᓇᖕᒥᓂᕆᔭᒥᒃ ᐱᓯᒪᑦᓯᐊᕈᓐᓇᕐᓂᖅ; ᑕᒪᒃᑯᓂᖓ ᐊᑐᕐᑍᓕᖁᔨᔪᓂᒃ ᐱᖁᔭᕐᑕᖃᓐᖏᓚᖅ.

ᐅᖃᕐᐳᖓᓕ, ᐊᓂᕐᓂᒃᑯᑦ ᐃᓅᓚᐅᕆᑦᓯ, ᑕᕝᕙ ᑎᒥᐅᑉ ᐱᔪᒪᔭᖓᓄᑦ ᐊᐅᓚᑕᐅᓂᐊᓐᖏᓚᓯ.

ᐊᓂᕐᓂᕐᒥ ᐃᓅᒍᑦᑕ, ᐊᐅᓚᑕᐅᓚᐅᕐᒥᑕᑦᑕᐅᖅ ᐊᓂᕐᓂᕐᒧᑦ.

᙭ᔅᑑᓯ ᔩᓱᓯᒧᓪᓕ ᐱᒋᔭᐅᔪᑦ ᑭᑭᐊᒃᑐᕐᑕᐅᑎᑦᓯᓯᒪᕗᑦ ᑎᒥᐅᑉ ᐱᔪᒪᓗᐊᕐᓂᕆᕙᒃᑕᖏᓐᓂᒃ ᐃᒃᖠᒍᓂᖏᓐᓂᒃᓗ.

ᑎᒥᐅᑉ ᐱᓇᓱᐊᕐᓂᖏᑦ ᓇᓗᓇᓐᖏᓚᑦ ᐃᒤᑦᑐᑦ; ᐊᕐᓇᕐᓂᐊᕐᓂᖅ ᐊᖑᓐᓂᐊᕐᓂᕐᓗ, ᑲᓐᖑᓇᕐᑐᓕᓂᖅ, ᓄᓕᐊᕐᓂᕐᒥᒃ ᐊᑐᕐᓂᕐᓗᖕᓂᖅ; ᒎᑎᓐᖑᐊᖃᕐᓂᖅ, ᐊᖓᒃᑰᓇᓱᐊᕐᓂᖅ, ᐊᑭᕋᕐᑐᕐᑎᒌᖕᓂᖅ, ᐂᕙᖃᑦᑕᐅᑎᓂᖅ, ᐱᔪᑑᔪᒪᓂᖅ, ᓂᓐᖓᐅᒪᓂᖅ, ᐊᖏᖃᑎᒌᒍᓐᓇᖏᓐᓂᖅ, ᑕᐱᕇᓕᓪᓗᑎᒃ ᐊᕕᒃᑐᕐᓂᖅ; ᐃᒃᓯᒍᖕᓂᖅ, ᐋᖓᔮᕐᓂᖅ, ᑲᑎᓐᖓᓪᓗᑎᒃ ᓄᓕᐊᖃᑦᑕᕐᓃᑦ, ᐊᓯᖏᓐᓂᒡᓗ ᐊᑐᕐᓂᕐᓗᖃᑦᑕᕐᓃᑦ. ᓯᕘᕋᒋᔭᒃᓴᑦᓯᓐᓂᒃ ᐅᖃᐅᑎᕙᑦᓯ ᐅᖃᐅᑎᓚᐅᕐᓯᒪᒐᓗᐊᕆᓪᓗᓯ, ᑕᒪᒃᑯᐊ ᑍᒤᓕᐅᖃᑦᑕᕐᑐᑦ ᒎᑎᐅᑉ ᐊᑕᓂᐅᕕᖓᓂᒃ ᑭᖑᕐᖑᑦᔨᓂᐊᓐᖏᓚᑦ.

ᐃᓕᑦᓯᓕ ᐅᒃᐱᕐᑑᖃᑎᒃᑲ, ᕿᓚᕈᑦᔮᕐᑕᐅᖁᓪᓗᓯ ᕾᖁᔭᐅᓯᒪᕗᓯ; ᕿᓚᕈᑦᔮᕐᑕᐅᓯᒪᓂᓯᓕ ᑎᒥᐅᑉ ᐱᔪᒪᔭᖓᓄᑦ ᐊᐅᓚᑕᐅᑦᔪᑎᒋᓕᕐᑍᓕᓯᐅᒃ, ᓇᒡᓕᖕᓂᒃᑯᓪᓕ ᐊᑐᓂᑦ ᐱᔨᑦᓯᖃᑦᑕᐅᑎᓕᕆᑦᓯ.

ᑎᒥᐅᑉ ᐱᔪᒪᔭᖓ ᐊᓂᕐᓂᕐᒥᒃ ᐊᖏᖃᑎᖃᖏᒻᒪᑦ, ᐊᓂᕐᓂᐅᓪᓗ ᐱᔪᒪᔭᖓ ᐊᖏᖃᑎᖃᕐᒥᓇᓂ ᑎᒥᒥᒃ; ᑖᒃᑯᐊᒃ ᐃᒻᒥᖕᓄᑦ ᐊᖏᖃᑎᒌᖏᒻᒪᑎᒃ, ᑍᒤᒻᒪᑦ ᐱᔪᒪᔭᕋᓗᐊᑦᓯᓐᓂᒃ ᐱᓇᓱᐊᕈᓐᓇᓐᖏᓚᓯ.

ᐱᖁᔭᓕᒫᑦ ᓈᒻᒪᒃᓯᑎᑕᐅᖕᒪᑕ ᐅᖃᐅᓯᕐᒧᑦ ᐊᑕᐅᓯᕐᒧᑦ ᐃᒤᓕᔪᒧᑦ: “ᐃᓅᖃᑎᖕᓂᒃ ᓇᖕᒥᓂᕐᑐᑦ ᓇᒡᓕᒍᓱᒃᑐᒃᓴᐅᕗᑎᑦ.”

ᑕᑯᖅᑯᑎᓗᐊᕐᑐᒃᓴᐅᓐᖏᓚᒍᑦ, ᓂᓐᖓᒃᓴᖃᑦᑕᐅᑎᓇᑕᓗ, ᐱᔪᑑᔪᒪᓂᕐᒧᓪᓗ ᐊᓐᓂᕈᑦᔨᖃᑦᑕᐅᑎᓇᑕ.

ᐊᔪᕐᓂᕐᒥᑦ ᕿᓚᕈᑦᔮᕐᑕᐅᓯᒪᕗᒍᑦ ᙭ᔅᑑᓯᐅᑉ ᕿᓚᕈᑦᔮᓚᐅᕐᒪᑎᒍᑦ; ᑍᒤᒻᒪᑦ ᓂᑯᕕᖓᑦᓯᐊᕐᓗᓯ ᐃᓅᓕᕆᑦᓯ, ᐃᓕᑦᓯᓐᓂᒡᓗ ᓯᐊᓛᕆᔭᐅᓂᕐᒧᑦ ᑐᓂᒃᑲᓐᓂᕐᑍᓕᓕᕆᑦᓯ.