Populära bibelverser från نامَه رومِنیا 16

خدای صلح و سلامتی وَ هَمِ زودِنیا اُ شیطون زِرِ پَی‌یاتو لَه اَکو. فیض خداوندمو عیسی مسیح تُنُمرَه بِه.

اَی کاکَیّا، از شما خواهش اَکنام حَواستو اُ مِ کسِی بِه که باعث جدایی هِت و مانع تُن سِرِ رَه اَنِسِت، و خاد تعلیمی که شما تُن یاد گِرِتِه مخالفت اَکنِت؛ از آنایا دوری بِکنی،

اَسِی که اینا آدامِی اُ خداوندمو مسیح خدمت ناکنِت، بلکه اُ اَشکام خوشو خدمت اَکنِت و وَ جوهو حرف زادَ و چاپلوسی کِردَ، اُ دلِی آدامِی ساده گول اَزنِت.

اَلَه جلال اُ آناکِه شَشابِه طِبک انجیلی که ما اعلام اَکنام، و طِبک تعلیم عیسی مسیح اُ شما کُوّت هادَ، طِبک وَحی مِ سِرری که اَسِی دُورَئِه طولانی، پِنهون هاد، ولی اَلَه آشکار بُدِ، و اُ واسطَهِ نوشتَه‌ئِی پیغامبریا، طِبک حُکم خدای اَبَدی، اُ هَمَهِ ملتیا شِناسِدَ بُدِ، تا آنایا ایمون بیارِت و فَرمو بِبرِت. اُ مِ خدای یَکتای حکیم، اُ واسطَهِ عیسی مسیح تا اَبَدالآباد جلال بِه! آمین.