Populära bibelverser från Maˍkuˆ 5

Dela

Yeˍsuˆ mangˉ muiˉ, Hkaˍ ba yaˍ veuˉ, nang yumˉ naeˉ hingˉ nang na piˉ pyo laˉ laeˍ laˍ byaˇ. Mawnˍ pyawˉ naeˉ hkaoˉ veu aeˉ laeˍ bao nang beu hpa yat baˍ ca baˍ duingˍ bui nae uiˉ muiˉ lawtˍ hko byaˇ nae ha biˍ jiˍ.

Haeˉ mae beu, htiˍ cheˍ nyiˍ pi siˍ hkaˉ naeˉ uiˉ hpa yat ca jiˉ hkaˍ ba yaˍ htiˍ hu ang ca. Chiˍ kaˍ taeng naeˉ uiˉ saˍ laˉ uiˉ kawngˉ htiˍ hu peunˉ yao htiˍ hu beu taeng laeˍ nae yang beu hpuˉ uiˉ hko hko yao muiˉ hpa yat hingˉ ngaˍ baˍ pyo laˉ nae htaˍ veu ya caeˉ nae haengˍ laˉ jiˉ.

Tiˍ chitˍ nae yang beu hpa yat siˍ hkaˉ naeˉ hingˉ chin ngangˉ yao, yang ang to veu hpa yat yangˍ pyo aeˉ byaˇ nae bae laeˍ jiˍ.

Haeˉ mae beu, hkaˍ ba yaˍ hingˍ mangˉ laˍ puˍ veu chu yao, Taˍliˉtaˍ kuˇmiˆ nae ha biˍ jiˍ. Hingˉ a tekˆ paeˍ yangˍ maˇ, Hkaˍ ba yaˍ veuˉ, nang na ciˍ sangˍ laˍ naeˍ. Hta laˉ baoˇ nae yaˇ.

Haeˉ mae Yeˍsuˆ ha biˍ beu, Yuˉdaˆ changˉ ceuˉ hpawm lang kyaˉ veu awn hoˉ yumˉ changˉ uiˉ hkeu lui yao, Nang yaˍ maˇ siˉ byaˇ. Saˍ laˉ na baˍ ceuˉ ha yao tiˍ suk tiˍ sak biˍ naeˇ nae ha biˍ jiˍ. Yeˍsuˆ maˇ ciˍ tangˍ hingˍ na a yeˇ baˍ yuˍ nae Yuˉdaˆ changˉ ceuˉ hpawm lang kyaˉ veu awn hoˉ mangˉ na aˍ kuitˍ man laeˍ jo. Yumˉ naeˉ hingˉ ca bu nae ha biˍ jiˍ.

Haeˉ mae paˉ jiˉ hingˉ ngaˍ Yeˍsuˆ nawˍ yang na deˍ yaˍ veuˉ, changˉ ningˉ mangˉ kawngˉ awkˍ taw lui nae ciˍ sangˍ jiˍ. Haeˉ mae beu, Yeˍsuˆ yang na nang ang maengˉ yangˍ aˉ mae nae naˉ yao ga ang maengˉ yangˍ Leˍgaoˍ nae hpaw jiˉ. Gu aˍ ang byaˍ ca nae yaˇ nae ha biˍ jiˍ.